- ಅಮೇಜಾನ್‌ ಪ್ರೈಮ್‌ನಲ್ಲಿ 15 ನಿಮಿಷದ 2 ಆನಿಮೇಟೆಡ್‌ ವಿಡಿಯೋ ರಿಲೀಸ್‌
- ಬುಜ್ಜಿ ಯಾವ್‌ ರೀತಿ ಕೆಲಸ ಮಾಡ್ತಾನೆ ಅನ್ನೋದನ್ನ ತೋರಿಸಲಾಗಿದೆ
- ಭೈರವ, ಬುಜ್ಜಿ ಕಾರುಬಾರು ನೋಡಲಿಕ್ಕೆ ಕಾತುರದಿಂದ ಕಾಯುತ್ತಿರುವ ಅಭಿಮಾನಿಗಳು
ಕಳೆದೊಂದು ವಾರದ ಹಿಂದೆ ಕಲ್ಕಿ ಚಿತ್ರತಂಡ ಬುಜ್ಜಿ ಹೆಸರಿನ ಕಾರನ್ನ ಇಂಟ್ರುಡ್ಯೂಸ್‌ ಮಾಡಿಸಿದ್ದರು. ಹೈದ್ರಬಾದ್‌ನಲ್ಲಿ ಅದ್ಧೂರಿ ಕಾರ್ಯಕ್ರಮ ಮಾಡಿ ಅಲ್ಲಿಗೆ ಬುಜ್ಜಿ ಹೆಸರಿನ ಕಾರಲ್ಲೇ ಡಾರ್ಲಿಂಗ್‌ ಪ್ರಭಾಸ್ ಗ್ರ್ಯಾಂಡ್‌ ಎಂಟ್ರಿಕೊಡುವಂತೆ ಮಾಡಿದ್ದರು. ಇದೀಗ ಭೈರವ ಹಾಗೂ ಬುಜ್ಜಿ ಜುಗಲ್‌ಬಂಧಿ ಹೇಗಿರುತ್ತೆ ಅನ್ನೋದನ್ನ ಆನಿಮೇಷನ್‌ ಝಲಕ್‌ ಮೂಲಕ ತೋರಿಸುವ ಕೆಲಸ ಮಾಡಿದ್ದಾರೆ. ಅಮೇಜಾನ್‌ ಪ್ರೈಮ್‌ನಲ್ಲಿ 15 ನಿಮಿಷದ 2 ಆನಿಮೇಟೆಡ್‌ ವಿಡಿಯೋ ರಿಲೀಸ್‌ ಮಾಡಿಸಿದ್ದಾರೆ. ಅದರಲ್ಲಿ ಭೈರವನ ಆಪ್ತ ಸಹಾಯಕನಾಗಿ ಬುಜ್ಜಿ ಯಾವ್‌ ರೀತಿ ಕೆಲಸ ಮಾಡ್ತಾನೆ ಅನ್ನೋದನ್ನ ತೋರಿಸಲಾಗಿದೆ.
ಅಂದ್ಹಾಗೇ, ಕಲ್ಕಿ ಸಿನಿಮಾದಲ್ಲಿ ಭೈರವನ ಆಪ್ತ ಗೆಳೆಯನ ಪಾತ್ರವನ್ನ ಬುಜ್ಜಿ ಹೆಸರಿನ ಕಾರು ನಿರ್ವಹಿಸಲಿದೆ ಅನ್ನೋ ಸುದ್ದಿ ಕೇಳಿದಾಗಿಂದ ಪ್ರಭಾಸ್ ಅಭಿಮಾನಿಗಳು ಕಾತುರರಾಗಿದ್ದರು. ಬಿಗ್ ಸ್ಕ್ರೀನ್‌ ಮೇಲೆ ಭೈರವ ಹಾಗೂ ಬುಜ್ಜಿ ಕಾರುಬಾರು ನೋಡಲಿಕ್ಕೆ ಕಣ್ಣರಳಿಸಿದ್ದರು. ಹೀಗಾಗಿ, ರಿಲೀಸ್‌ಗೂ ಮೊದಲೇ ಕಲ್ಕಿ ಟೀಂ ಆನಿಮೇಟೆಡ್‌ ಸರಣಿಯ 2 ವಿಡಿಯೋಗಳನ್ನ ಅಮೇಜಾನ್‌ ಪ್ರೈಮ್‌ನಲ್ಲಿ ಸ್ಟ್ರೀಮಿಂಗ್‌ ಮಾಡಿಸ್ತಿದೆ. ಭೈರವ ಹಾಗೂ ಬುಜ್ಜಿಯ ಬಾಂಡಿಂಗ್‌ ಜೊತೆಗೆ ಮಿಷನ್‌ಗಳಲ್ಲಿ ಒಟ್ಟಿಗೆ ಸೇರಿ ದುಷ್ಟರನ್ನ ಸದೆಬಡಿಯುತ್ತಿರುವ ದೃಶ್ಯಗಳು ಅಭಿಮಾನಿಗಳನ್ನ ಥ್ರಿಲ್ಲಾಗುವಂತೆ ಮಾಡುತ್ತಿವೆ. ಇನ್ನೂ ಭೈರವನ ಪಾತ್ರಕ್ಕೆ ಪ್ರಭಾಸ್ ಅವರೇ ಧ್ವನಿ ನೀಡಿದ್ದಾರೆ. ಬುಜ್ಜಿ ಪಾತ್ರಕ್ಕೆ ನಟಿ ಕೀರ್ತಿ ಸುರೇಶ್ ಧ್ವನಿಯಾಗಿದ್ದಾರೆ. ಸಿನಿಮಾದಲ್ಲಿಯೂ ಸಹ ಬುಜ್ಜಿ ಪಾತ್ರಕ್ಕೆ ಕೀರ್ತಿ ಸುರೇಶ್ ಅವರೇ ಕಂಠದಾನ ಮಾಡಿದ್ದಾರೆ.
ಇನ್ನೂ ನಾಗ್‌ ಅಶ್ವಿನ್‌ ನಿರ್ದೇಶನದಲ್ಲಿ, ಸೈನ್ಸ್‌ ಫಿಕ್ಷನ್‌ ಕಾನ್ಸೆಪ್ಟ್‌ ವಿತ್‌ ಮೈಥಲಾಜಿಕಲ್‌ ಜಾನರ್‌ನಲ್ಲಿ ಬರ್ತಿರೋ ಕಲ್ಕಿ ಸಿನಿಮಾ ಯಾವ್‌ ರೀತಿ ಇರುತ್ತೆ ಎಂಬುದರ ಸುಳಿವು ಆನಿಮೇಟೆಡ್‌ ವಿಡಿಯೋಗಳಿಂದಲೇ ಸಿಕ್ಕಿದೆ. ಕಲ್ಕಿ 2898ಎಡಿ ಯ ಕಲ್ಪನಾ ಲೋಕ ಹಾಲಿವುಡ್‌ ಲೋಕವನ್ನ ಕಣ್ಮುಂದೆ ತಂದು ನಿಲ್ಲಿಸುವಂತಿದೆ. 6000 ವರ್ಷಗಳ ಕಥೆಗೆ ಭೂತ ಹಾಗೂ ಭವಿಷ್ಯತ್‌ ಕಾಲದ ಟಚ್‌ ಕೊಟ್ಟಿರೋ ನಾಗ್‌ ಅಶ್ವಿನ್‌ಗೆ ವೈಜಯಂತಿ ಸಂಸ್ಥೆ ಸಾಥ್‌ ಕೊಟ್ಟಿದೆ ಸುಮಾರು 600 ಕೋಟಿ ಬಂಡವಾಳ ಹೂಡಿ ಹಾಲಿವುಡ್‌ ಲೆವೆಲ್‌ನಲ್ಲಿ ಸಿನಿಮಾ ನಿರ್ಮಿಸಿದೆ. ಹಿಂದಿ ಬೆಲ್ಟ್‌ನಲ್ಲಿ ಅನಿಲ್‌ ತಡಾನಿಯವರ ಹೆಸರಾಂತ ಎಎ ಸಂಸ್ಥೆ ಕಲ್ಕಿನಾ ವಿತರಣೆ ಮಾಡ್ತಿದೆ. ಕರ್ನಾಟಕದಲ್ಲಿ ಕೆವಿಎನ್‌ ಸಂಸ್ಥೆ ಕನ್ನಡ ಸೇರಿದಂತೆ ಇತರೆ ಭಾಷೆಗಳಲ್ಲೂ ಡಿಸ್ಟ್ರಿಬ್ಯೂಷನ್‌ ಜವಬ್ದಾರಿ ಹೊತ್ತಿದೆ. ಪ್ರಭಾಸ್ ಜೊತೆಗೆ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್‌, ದೀಪಿಕಾ ಪಡುಕೋಣೆ, ದಿಶಾ ಪಟಾಣಿ ಅವ್ರಂತಹ ಬಿಗ್ ಸ್ಟಾರ್ಸ್‌ಗಳಿದ್ದಾರೆ. ಈಗಾಗಲೇ ಮೊದಲ ನೋಟದ ಮೂಲಕವೇ ಕಲಾಲೋಕವನ್ನ ಕಣ್ಣರಳಿಸುವಂತೆ ಮಾಡಿರೋ ಕಲ್ಕಿ ಕಲಿಗಳು ಜೂನ್‌ 27ಕ್ಕೆ ಕಣಕ್ಕಿಳಿಯುತ್ತಿದ್ದಾರೆ. ಪ್ಯಾನ್‌ ಇಂಡಿಯಾ ತುಂಬೆಲ್ಲಾ ಕಲ್ಕಿ ಅದ್ದೂರಿಯಾಗಿ ಬಿಡುಗಡೆಯಾಗ್ತಿದೆ.
