ರಿಯಲ್‌ ಸ್ಟಾರ್‌ ಉಪೇಂದ್ರ ತಮ್ಮ ನಿರ್ದೇಶನದ ಯುಐ ಸಿನಿಮಾದ ಹಾಡಿಗೆ ಇಂಟರ್‌ನ್ಯಾಷನಲ್‌ ಟಚ್‌ ಕೊಡೋದಕ್ಕೆ ಯುರೋಪ್‌ಗೆ ಹೋಗಿದ್ದರು. ಮ್ಯೂಸಿಕ್‌ ಡೈರೆಕ್ಟರ್‌ ಅಜನೀಶ್‌ ಲೋಕನಾಥ್‌ ಜೊತೆ ಹಂಗೇರಿಗೆ ತೆರಳಿ ಮ್ಯೂಸಿಕ್‌ ಲೈವ್‌ ರೆಕಾರ್ಡಿಂಗ್‌ನಲ್ಲಿ ಬ್ಯುಸಿಯಾಗಿದ್ದರು. ಇದೀಗ ಸದ್ದಿಲ್ಲದೇ ಯುರೋಪ್‌ನಿಂದ ಬೆಂಗಳೂರಿಗೆ ಬಂದು ಮತ್ತೆ ಫ್ಲೈಟ್‌ ಏರಿ ಕಾಕಿನಾಡ್‌ಗೆ ತೆರಳಿದ್ದಾರೆ. ಅಷ್ಟಕ್ಕೂ, ಉಪ್ಪಿ ಕಾಕಿನಾಡ್‌ಗೆ ಭೇಟಿ ಕೊಟ್ಟಿರುವುದು ಯುಐ ಚಿತ್ರದ ಕೆಲಸಕ್ಕಲ್ಲ ಬದಲಾಗಿ 45 ಸಿನಿಮಾಗೋಸ್ಕರ.
45… ಮ್ಯಾಜಿಕಲ್‌ ಕಂಪೋಸರ್‌ ಅರ್ಜುನ್ ಜನ್ಯಾ ಡೈರೆಕ್ಟ್‌ ಮಾಡ್ತಿರುವ ಸಿನಿಮಾ. ಸೂಪರ್‌ ಹಿಟ್‌ ಟ್ಯೂನ್‌ಗಳನ್ನ ಕಂಪೋಸ್‌ ಮಾಡಿ ಸೆನ್ಸೇಷನ್‌ ಕ್ರಿಯೇಟ್‌ ಮಾಡಿರೋ ಜನ್ಯಾಜೀ ʻ45ʼ ಸಿನಿಮಾಗೆ ಡೈರೆಕ್ಟರ್‌ ಕ್ಯಾಪ್‌ ತೊಟ್ಟಿದ್ದಾರೆ. ರಿಯಲ್‌ ಸ್ಟಾರ್‌ ಉಪೇಂದ್ರ ಹಾಗೂ ಹ್ಯಾಟ್ರಿಕ್‌ ಹೀರೋ ಶಿವರಾಜ್‌ಕುಮಾರ್‌ ಜುಗಲ್‌ಬಂಧಿ ಜೊತೆಗೆ ರಾಜ್‌ ಬಿ ಶೆಟ್ಟರನ್ನ ʻ45ʼ ಗೆ ಕರೆತಂದು ನಿರೀಕ್ಷೆ ಹೆಚ್ಚಿಸಿದ್ದಾರೆ. ಇದೀಗ, ಬುದ್ದಿವಂತ ಉಪ್ಪಿ ಜೊತೆಗೆ ಫ್ಲೈಟ್‌ ಏರಿ ಕಾಕಿನಾಡ್‌ ಗೆ ಹೊರಟ ಜನ್ಯಾಜೀ, ʻ45ʼ ಸಿನಿಮಾದ ಕೆಲ ಸೀಕ್ವೆನ್ಸ್‌ಗಳನ್ನ ಸೆರೆಹಿಡಿಯುವಲ್ಲಿ ನಿರತರಾಗಿದ್ದಾರೆ. ಕಾಕಿನಾಡಲ್ಲಿ ಶೂಟಿಂಗ್‌ ಇರುವ ಬಗ್ಗೆ ಖುದ್ದು ಜನ್ಯಾಜಿನೇ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಫೋಟೋ ಪೋಸ್ಟ್‌ ಮಾಡಿ ಸುದ್ದಿ ತಿಳಿಸಿದ್ದಾರೆ.
ಉಪ್ಪಿ, ಶಿವಣ್ಣ ಹಾಗೂ ರಾಜ್‌ ಬಿ ಶೆಟ್ಟರು ಲೀಡ್‌ ರೋಲ್‌ನಲ್ಲಿ ಧಗಧಗಿಸಲಿದ್ದು, ‘ನನ್ನರಸಿ ರಾಧೆ’ ಧಾರಾವಾಹಿ ಖ್ಯಾತಿಯ ಕೌಸ್ತುಭ ಮಣಿ ನಾಯಕಿಯಾಗಿದ್ದಾರೆ. ಅಂದ್ಹಾಗೇ, ʻ45ʼ ಚಿತ್ರವನ್ನ ರಮೇಶ್ ರೆಡ್ಡಿ ನಿರ್ಮಿಸ್ತಿದ್ದಾರೆ. ಈ ಹಿಂದೆ ಇವರು ‘ನಾತಿಚರಾಮಿ’, ‘ಗಾಳಿಪಟ 2’ ಸೇರಿದಂತೆ ಕೆಲ ಚಿತ್ರಗಳಿಗೆ ಬಂಡವಾಳ ಹೂಡಿದ್ದರು. ಈಗ 45 ಚಿತ್ರವನ್ನ ಬಿಗ್ ಬಜೆಟ್‌ನಲ್ಲಿ ತಯಾರು ಮಾಡ್ತಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲಿ ಏಕಕಾಲಕ್ಕೆ ಸಿನಿಮಾ ತೆರೆಕಾಣಿಸಲು ಪ್ಲ್ಯಾನ್ ಮಾಡಿಕೊಳ್ಳಲಾಗಿದೆ. ಅರ್ಜುನ್ ಜನ್ಯ ಅವರೇ ಕಥೆ-ಚಿತ್ರಕಥೆ ಬರೆದಿದ್ದು, ನಿರ್ದೇಶನದ ಜೊತೆಗೆ ಸಂಗೀತ ನಿರ್ದೇಶನದ ಜವಾಬ್ದಾರಿಯನ್ನು ಕೂಡ ವಹಿಸಿಕೊಂಡಿದ್ದಾರೆ.
ಇನ್ನೂ ಕೆಡಿ ಸೇರಿದಂತೆ ಬಿಗ್ ಸಿನಿಮಾಗಳಿಗೆ ಸಂಗೀತ ಸಂಯೋಜನೆಯ ಜವಬ್ದಾರಿ ಹೊತ್ತಿರೋ ಜನ್ಯಾಜೀ ಈ ಮಧ್ಯೆ ತಮ್ಮ 45 ಚಿತ್ರದ ಕಡೆ ಗಮನಹರಿಸಿದ್ದಾರೆ. ಇತ್ತ ಉಪ್ಪಿ ಕೂಡ ಯುಐ ಅನ್ನೋ ಹೊಸ ವರ್ಲ್ಡ್‌ನ ಕ್ರಿಯೇಟ್‌ ಮಾಡಿ ಇಡೀ ವಿಶ್ವಸಿನಿದುನಿಯಾ ಥಂಡಾ ಹೊಡೆಸಲಿಕ್ಕೆ ಹೊರಟು ನಿಂತಿದ್ದಾರೆ. ಬುದ್ದಿವಂತಹ ಬರ್ತ್‌ಡೇಗೆ ಸ್ಪೆಷಲ್ಲಾಗಿ ಯುಐ ತೆರೆಗಪ್ಪಳಿಸುತ್ತೆನ್ನುವ ಸುದ್ದಿಯಿದೆ. ಈಗಾಗಲೇ ಯುಐ ಗ್ಲಿಂಪ್ಸ್‌, ಟೀಸರ್‌ ಪ್ಲಸ್‌ ಟ್ರೋಲಾಗುತ್ತೆ ಸಾಂಗ್‌ ಪ್ರೇಕ್ಷಕರಿಗೆ ಕಿಕ್‌ ಕೊಟ್ಟಿದೆ. ಉಪ್ಪಿದಾದ ಸೃಷ್ಟಿಸಿರೋ ಯುಐ ಲೋಕ ಪ್ರವೇಶಿಸಲು ಸಿನಿಮಾ ಪ್ರೇಮಿಗಳು ಕಾತುರರಾಗಿ ಕಾಯುವಂತಾಗಿದೆ.
