ಅದೊಂದು ದಿವ್ಯ ಪ್ರತಿಭೆ. ಕನ್ನಡ, ತೆಲುಗು ತಮಿಳು ನಟ ನಟಿಯರೆಲ್ಲ ಇವರು ಕುಣಿಸಿದಂತೆ ಅವರು ಕುಣಿಯುತ್ತಿದ್ದರು. ಕುಣಿಯುವುದು ಕುಣಿಸುವುದೇ ವೃತ್ತಿ ಮಾಡಿಕೊಂಡಿದ್ದ ಅದ್ಭುತ ಪ್ರತಿಭೆ, ರಜನಿಕಾಂತ್ರಿಂದ ಹಿಡಿದು ಸಲ್ಮಾನ್ಖಾನ್ವರೆಗೂ ಇವನು ಹಾಕಿಕೊಟ್ಟ ಸ್ಪೆಪ್ಗಳನ್ನು ಅವರು ಹಾಕುತ್ತಿದ್ದರು. ಯಶಸ್ಸು ದುಡ್ಡು ಅನ್ನೋದು ದಂಡಿ ದಂಡಿಯಾಗಿ ಬಂದು ಅವನ ಮನೆಯಂಗಳದಲ್ಲಿ ಬಿದ್ದಿತ್ತು. ಸದಾ ಹೊಸತನಕ್ಕೆ ತುಡಿಯುವ, ಹೊಸದೊಂದನ್ನು ಸೃಷ್ಟಿಸಿ ಡಾನ್ಸ್ ಜಗತ್ತಿನಲ್ಲಿ ಹೊಸ ಕ್ರಾಂತಿಯನ್ನೇ ಸೃಷ್ಟಿಸುತ್ತಿದ್ದ ವಿಶ್ವಾದ್ಯಂತ ಸದ್ದು ಮಾಡಿದ್ದ ಜಾನಿ ಮಾಸ್ಟರ್ ವಿರುದ್ಧವೇ ಈಗ ಬಲತ್ಕಾರದ ಕೇಸ್ ಬಿದ್ದಿದೆ.
ಜಾನಿ ಮಾಸ್ಟರ್ ಅಂದ ತಕ್ಷಣ ನಮಗೆ ನೆನಪು ಬರೋದು ಅಪ್ಪು ಡಾನ್ಸ್ ಫೀಲ್ ದ ಪವರ್ ಅಂತ ಫ್ಯಾನ್ಸ್ಗೆ ಪವರ್ ಫುಲ್ ಸ್ಟೆಪ್ಸ್ ಹಾಕಿಸಿದ್ದು. ಓಪನ್ ದಿ ಬಾಟಲ್ ಅಂತ ಕನ್ನಡಿಗರಿಗೆ ಡ್ಯಾನ್ಸ್ ಕಿಕ್ ಏರಿಸಿದ್ದು. ಇಷ್ಟೇ ಅಲ್ಲ ರಾರಾ ರಕ್ಕಮ್ಮ ಅಂತಾ ಪುಟ್ಟ ಮಕ್ಕಳಿಂದ ಹಿಡಿದು ವಯೋವೃದ್ಧರತನಕವೂ ಕಿಚ್ಚೆಬ್ಬಿಸಿದ್ದು ನಮ್ಮ ಸ್ಟಾರ್ ಹೀರೋಗಳೇ ಆದ್ರೂ ಈ ಎಲ್ಲಾ ಟ್ರೇಡ್ಮಾರ್ಕ್ ಸ್ಟೆಪ್ಗಳ ಹಿಂದೆ ಒಂದು ದೈತ್ಯ ಶಕ್ತಿ ಇತ್ತು. ಹೆಸರಾಂತ ಕೊರಿಯೋಗ್ರಾಫರ್ ಒಬ್ಬನ ಕಾಲ್ಚೆಳಕಗಳಿತ್ತು. ಬರೀ ಇಲ್ಲಷ್ಟೇ ಅಲ್ಲ, ತಮಿಳು, ತೆಲುಗು, ಹಿಂದಿ ಅಂತಾ ಇಡೀ ದೇಶದ ದಿಗ್ಗಜ ನಾಯಕರನ್ನೇ ಥಕಥೈ ಅಂತಾ ಕುಣಿಸಿದ್ದ ಖ್ಯಾತ ಕೊರಿಯೋಗ್ರಾಫರ್ ಬೇರಾರೂ ಅಲ್ಲ. ಶೇಖ್ ಜಾನಿ ಭಾಷಾ, ಉರುಫ್ ಜಾನಿ ಮಾಸ್ಟರ್ ಸದಾ ಸ್ಟಾರ್ಗಳ ಸಿನಿಮಾ, ಕೊರಿಯೋಗ್ರಫಿ, ಸ್ಟೇಜ್ ಪರ್ಫಾರ್ಮೆನ್ಸ್.. ರಿಯಾಲಿಟಿ ಶೋ ಅಂತಾ ಸುದ್ದಿಯಲ್ಲಿರುತ್ತಿದ್ದ ಜಾನಿ ಮಾಸ್ಟರ್ ಮೇಲೆ ಈಗ ಆರೋಪವೊಂದು ಕೇಳಿಬಂದಿದೆ. ಜಾನಿ ಮಾಸ್ಟರ್ ಮೇಲೆ ಕೇಳಿ ಬಂದಿರೋ ಸಮ್ಮತಿಯಿಲ್ಲದೇ ದೈಹಿಕವಾಗಿ ಬಲವಂತದಿಂದ ಬಳಸಿಕೊಂಡ ಕೇಸ್ ಅಕ್ಷರಶಃ ಸಂಚಲನ ಸೃಷ್ಟಿ ಮಾಡಿದ್ದು, ಇಡೀ ಫಿಲ್ಮ್ ಇಂಡಸ್ಟ್ರಿಯೇ ಶಾಕ್ ಆಗಿದೆ. ಅದಕ್ಕೆ ಕಾರಣವೂ ಇದೆ. ಯಾಕಂದ್ರೆ ಜಾನಿ ಮಾಸ್ಟರ್ ಹುಟ್ಟುತ್ತಾ ಏನೂ ಸ್ಟಾರ್ ಆಗಿ ಬೆಳೆದವನಲ್ಲ. ಅಕ್ಷರಶಃ ಜೀರೋದಿಂದ ಶುರುಮಾಡಿ, ಇವತ್ತು ಸ್ಟಾರ್ ಕೊರಿಯೋಗ್ರಾಫರ್ ಎನಿಸಿಕೊಂಡಿರೋ ಪ್ರೊಫೆಷನಲ್ ಡ್ಯಾನ್ಸರ್. ಚಿಕ್ಕ ಚಿಕ್ಕ ನಟರಿಂದ, ದೊಡ್ಡ ದೊಡ್ಡ ಸೆಲೆಬ್ರಿಟಿಗಳವರೆಗೂ ಸಖತ್ ಮಾಸ್ಟರ್ ಅನಿಸಿಕೊಂಡು ಭುಜ ತಟ್ಟಿಸಿಕೊಂಡವ. ಇವತ್ತು ಅಂತಹ ಸ್ಟಾರ್ಗಳ ಪ್ರೀತಿಯ ಜಾನಿ ಮಾಸ್ಟರ್ ಮೇಲೆ ಕೇಳಿ ಬಂದಿರೋ ಆರೋಪ ಎಲ್ಲರನ್ನೂ ಕೊಂಚ ಡಿಸ್ಟರ್ಬ್ ಮಾಡಿದೆ. ಅಸಲಿಗೆ ಜಾನಿ ಕಹಾನಿ ಏನು? ಈ ಕೇಸ್ ಅಸಲಿಯತ್ತೇನು? ಅದಕ್ಕೂ ಮೊದಲು ಜಾನಿ ಕೊರಿಯೋಗ್ರಾಫರ್ ಆದ ಬಂದ ನಡೆದು ಬಂದ ಹಾದಿಯನ್ನು ನೋಡೋಣ.
3 ಭಾಷೆಗಳಲ್ಲೂ ಟಾಪ್ ಡ್ಯಾನ್ಸ್ ಕೊರಿಯೋಗ್ರಾಫರ್ ಜಾನಿ!
ಪುನೀತ್ ರಾಜ್ಕುಮಾರ್ ಸಿನಿಮಾಗಳಲ್ಲಿ ಒಂದಲ್ಲ ಒಂದು ಸಾಂಗ್ ಜಾನಿಗಾಗಿ ಕಾಯ್ತಾ ಇರ್ತಿತ್ತು. ಯಾಕಂದ್ರೆ. ಕನ್ನಡದ ಸ್ಟಾರ್ ಅಪ್ಪು ಡ್ಯಾನ್ಸ್ನಲ್ಲಿ ಟಾಪ್ನಲ್ಲಿದ್ರು. ಅಪ್ಪು ಅವರ ಸ್ಟ್ಯಾಮಿನಾ, ಎನರ್ಜಿ ಹಾಗೂ ಡ್ಯಾನ್ಸಿಂಗ್ ಟ್ಯಾಲೆಂಟ್ಗೆ ಜಾನಿನೇ ಕರೆಕ್ಟ್ ಅಂತಾ ಡೈರೆಕ್ಟರ್ಗಳಿಗೆ ಅಷ್ಟೇ ಯಾಕೆ ಅಪ್ಪು ಅವರಿಗೂ ಅನಿಸ್ತಿತ್ತು. ಹಾಗಾಗಿ, ಜಾನಿ ಅಪ್ಪು ಅವರ ಸಿನಿಮಾದ ಮಾಸ್ ಸಾಂಗ್ಗಳಲ್ಲಿ ಕೊರಿಯೋಗ್ರಫಿಗೆ ಫಿಕ್ಸ್ ಆಗಿರ್ತಿದ್ರು.
ನಿಮಗೆ ರಾ ರಾ ರಕ್ಕಮ್ಮ ಸಿಗ್ನೇಚರ್ ಸ್ಟೆಪ್ ನೆನಪಿರಬೇಕಲ್ವಾ? ಅದರ ಮಾಸ್ಟರ್ಮೈಂಡೇ ಇದೇ ಜಾನಿ. ತೆಲುಗು ತಮಿಳಲ್ಲೂ ಡ್ಯಾನ್ಸ್ನಿಂದ ಗುರುತಿಸಿಕೊಂಡಿದ್ದ ಜಾನಿ ಕನ್ನಡದಲ್ಲೂ ಭಾರೀ ಬೇಡಿಕೆಯ ಡ್ಯಾನ್ಸರ್ ಆಗಿದ್ದ. ಪುನೀತ್ ರಾಜ್ಕುಮಾರ್ರನ್ನ ತೆರೆ ಮೇಲೆ ಮಾಸ್ ಡ್ಯಾನ್ಸರ್ ಆಗಿ ತೋರಿಸಿದ್ದ ಜಾನಿ, ಕಿಚ್ಚ ಸುದೀಪ್ರನ್ನ ಕೂಡ ಮಸ್ತ್ ಸ್ಟೆಪ್ಗಳಿಂದ ತೆರೆ ಮೇಲೆ ಮಿಂಚುವಂತೆ ಮಾಡಿದ್ರು. ಅತ್ತ ತಮಿಳಿನಲ್ಲಿ ಕ್ರಾಂತಿ ಮಾಡಿದ ನುವ್ವು ಕಾವಲಯ್ಯ ಹಾಡಿದ್ಯಲ್ಲ. ಆ ಹಾಡಿನ ಹೆಜ್ಜೆಗಳ ಸೃಷ್ಟಿಕರ್ತ ಕೂಡ ಇದೇ ಜಾನಿ ಮಾಸ್ಟರ್.
ಹೀಗೆ ತೆಲುಗು, ತಮಿಳು. ಅಲ್ಲು ಅರ್ಜುನ್, ರಾಮ್ ಚರಣ್, ದಳಪತಿ ವಿಜಯ್ ಪ್ರತಿಯೊಬ್ಬರಿಗೂ ಡ್ಯಾನ್ಸ್ನ ಖ್ಯಾತಿ ತಂದು ಕೊಡೋದ್ರಲ್ಲಿ ಜಾನಿ ಪಾತ್ರ ದೊಡ್ಡದಾಗಿದೆ. ಆಯಾ ಸ್ಟಾರ್ಗೆ ತಕ್ಕಂತೆ.. ಅವರವರ ಬಾಡಿ ಲಾಂಗ್ವೇಜ್ಗೆ ತಕ್ಕಂತ ಸ್ಟೆಪ್ಸ್ ಕ್ರಿಯೆಟ್ ಮಾಡೋದ್ರಲ್ಲಿ ಜಾನಿ ಪಂಟರ್. ಅದು ಐಟಮ್ ಸಾಂಗ್ಸ್ ಆದ್ರೂ ಸೈ. ಡುಯೆಟ್ ಸಾಂಗ್ ಆದ್ರೂ ಜೈ.
ಅಸಿಸ್ಟೆಂಟ್ ಆಗಿ ಸೇರಿದ್ದ ಯುವತಿ ಮೇಲೆ ಮಾಸ್ಟರ್ನಿಂದ ಬಲತ್ಕಾರ ?
ಹೀಗೆ ಜಾನಿ ಹಾಕಿಸೋ ಪ್ರತಿಯೊಂದು ಸ್ಟೆಪ್ಸ್ ನೋಡುಗರನ್ನ ಕಿಕ್ಕೇರಿಸೋದ್ರಲ್ಲಿ ಡೌಟಿಲ್ಲ. ಅಂತಹ ಕೊರಿಯೋಗ್ರಾಫರ್ ಮೇಲೆ ಬಂದಿರೋ ಆರೋಪ ಜಾನಿ ಮಾಸ್ಟರ್ ಕೈಕಾಲು ಕಟ್ಟಿ ಹಾಕಿದಂತಾಗಿದೆ. ಈಗ ಅಸಲಿ ಮ್ಯಾಟರ್ ಹೇಳ್ಬಿಡ್ತೀವಿ ಕೇಳಿ. 21 ವರ್ಷದ ಯುವತಿಯೊಬ್ಬಳು 2017ರಲ್ಲಿ ಜಾನಿ ಮಾಸ್ಟರ್ಗೆ ಪರಿಚಯವಾಗಿದ್ದಳಂತೆ. ಎರಡು ವರ್ಷಗಳ ಕಾಲ ಆಕೆ ಜಾನಿಯ ಜೊತೆಗೆ ಜೊತೆ ಟಚ್ನಲ್ಲಿದ್ದಳಂತೆ. ಇನ್ನು, 2019ರಲ್ಲಿ ಜಾನಿ ಟೀಮ್ನಲ್ಲೇ ಅಸಿಸ್ಟೆಂಟ್ ಡ್ಯಾನ್ಸರ್ ಆಗಿ ಆಕೆ ಸೇರ್ಕೊಂಡಿದ್ದಾಳೆ. ದಿನ ಕಳೆದಂತೆ, ಅವಳ ಬಳಿ ಮಾಸ್ಟರ್ ತನ್ನ ಅಸಲಿ ಮುಖದ ಪ್ರದರ್ಶನ ಮಾಡಿದ್ದನಂತೆ. ಶೂಟಿಂಗ್ ಹೋದಾಗ, ಮನೆ, ಆಫೀಸ್ ಬಳಿ ಆಕೆಯ ಮೇಲೆ ಲೈಂಗಿಕ ದೌರ್ಜನ್ಯವೆಸೆಗಿದ್ದಾನೆ ಅನ್ನೋದು 21 ವರ್ಷದ ಯುವತಿಯೇ ಮಾಡಿರೋ ಆರೋಪ.
ಸುತ್ತಮುತ್ತ ಯಾರೇ ಇದ್ದರೂ ಅಸಹ್ಯವಾಗಿ ಮೈಕೈ ಮುಟ್ಟುತ್ತಿದ್ದ. ಬೇರೆ ರಾಜ್ಯ, ಬೇರೆ ದೇಶಕ್ಕೆ ಶೂಟಿಂಗ್ಗೆ ಹೋದಾಗ ಅತ್ಯಾಚಾರ ನಡೆಸಿ, ಯಾರಿಗಾದ್ರೂ ಹೇಳಿದ್ರೆ ಸಾಯಿಸಿಬಿಡ್ತೀನಿ ಅಂತ ಬೆದರಿಕೆಗಳನ್ನ ಹಾಕ್ತಿದ್ದ ಅಂತಾ ಜಾನಿ ಮಾಸ್ಟರ್ ವಿರುದ್ಧ ಯುವತಿ ಆರೋಪ ಮಾಡಿದ್ದಾಳೆ. ಕಳೆದ ತಿಂಗಳು 28ನೇ ತಾರೀಕು ಯುವತಿಯ ಮನೆ ಮುಂದೆ ಒಂದು ಬ್ಯಾನರ್ ರೀತಿ ಪೋಸ್ಟರ್ ನೇತಾಕಲಾಗಿ. ಅದರಲ್ಲಿ ಇದೇ ನಿನ್ನ ಕೊನೆಯ ಶೂಟಿಂಗ್, ಇನ್ನೇಲೆ ನಿಂಗೆ ಅವಕಾಶಗಳೇ ಇಲ್ಲದಂತೆ ಮಾಡ್ತೀನಿ ಅಂತಾ ಬರೆದಿತ್ತಂತೆ. ಜಾನಿಯಿಂದ ಆ ಯುವತಿಗೆ ಪ್ರಾಣ ಹಾನಿ ಇರೋದನ್ನೂ ಎಫ್ಐಆರ್ನಲ್ಲಿ ದಾಖಲಿಸಿದ್ದಾಳೆ. ಯುವತಿಯ ದೂರಿನ ಮೇರೆಗೆ ಹೈದರಾಬಾದ್ನ ರಾಯದುರ್ಗ ಪೊಲೀಸರು ಜೀರೋ ಎಫ್‌ಐಆರ್ ದಾಖಲಿಸಿದ್ದಾರೆ. ಆಕೆ ನರಸಿಂಗಿ ನಿವಾಸಿಯಾಗಿದ್ರಿಂದ, ಇನ್ನಷ್ಟು ಹೆಚ್ಚಿನ ತನಿಖೆಗಾಗಿ ಈ ಪ್ರಕರಣವನ್ನ ನರಸಿಂಗಿ ಪೊಲೀಸರಿಗೆ ವರ್ಗಾಯಿಸಿದ್ದಾರೆ.
ನಾನು ಮೂಲತಃ ಮಧ್ಯ ಪ್ರದೇಶದವಳು. ನಾನು ಸ್ಪರ್ಧಿಸಿದ್ದ ರಿಯಾಲಿಟಿ ಡ್ಯಾನ್ಸ್ ಶೋ ಒಂದರಲ್ಲಿ ಜಾನಿ ಮಾಸ್ಟರ್ ಜಡ್ಜ್ ಆಗಿದ್ದರು. ನನ್ನ ಪ್ರದರ್ಶನ ಕಂಡು ಇಷ್ಟಪಟ್ಟಿದ್ದರು.. ಸಲುಗೆ ಬೆಳೆದಂತೆ ಜಾನಿ ಮಾಸ್ಟರ್ ನನಗೆ ಉತ್ತಮ ಅವಕಾಶಗಳನ್ನು ಕೊಡುವ ರೀತಿ ನನ್ನ ಮುಂದೆ ನಡೆದುಕೊಂಡಿದ್ರು. ಬಳಿಕ ಅವರು ನನ್ನನ್ನು ತಮ್ಮ ಅಸಿಸ್ಟೆಂಟ್ ಆಗಿ ಕೆಲಸ ಮಾಡುವಂತೆ ಹೇಳಿದ್ದರು. ನನ್ನ ಕರಿಯರ್ ದೃಷ್ಟಿಯಿಂದ ಮಧ್ಯಪ್ರದೇಶದಿಂದ ಹೈದರಾಬಾದ್ಗೆ ಶಿಫ್ಟ್ ಆಗುವಂತೆ ಸೂಚಿಸಿದ್ದರು. ನಾನು ಶಿಫ್ಟ್ ಆಗಿದ್ದೆ. ಬಳಿಕ ಒಮ್ಮೆ ಜಾನಿ ಮಾಸ್ಟರ್ ಮುಂಬೈನಲ್ಲಿ ಇವೆಂಟ್ ಒಂದಕ್ಕೆ ನನ್ನನ್ನು ಕರೆದುಕೊಂಡು ಹೋದರು. ಅಲ್ಲಿ ನನ್ನ ಮೇಲೆ ಲೈಂಗಿಕ ದೌರ್ಜನ್ಯವೆಸಗಿದ್ರು. ಅಲ್ಲಿ ಅವರನ್ನು ತಡೆಯಲು ಯತ್ನಿಸಿದ್ದರೂ ಬಿಡಲಿಲ್ಲ. ಜೀವ ಬೆದರಿಕೆ ಹಾಕಿದ್ದರು. ಯಾರಿಗಾದ್ರೂ ವಿಷಯ ತಿಳಿಸಿದ್ರೆ ನನಗೆ ಯಾವುದೇ ಅವಕಾಶಗಳು ಸಿಗದಂತೆ ಮಾಡಿಬಿಡ್ತೀನಿ ಅಂತಾ ಧಮ್ಕಿಯೂ ಹಾಕಿದ್ದರು. ತುಂಬಾ ದಿನಗಳ ಕಾಲ ನನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಡೆದರೂ ಜೀವ ಬೆದರಿಕೆಯಿದ್ದ ಕಾರಣ ನಾನು ಸುಮ್ಮನಿದ್ದೆ. ದಿನಗಳು ಕಳೆದರೂ ನನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಿಲ್ಲಲಿಲ್ಲ. ಅಷ್ಟೇ ಅಲ್ಲ, ನನ್ನನ್ನು ನನ್ನ ಧರ್ಮ ಬಿಟ್ಟು ಅವರ ಧರ್ಮಕ್ಕೆ ಮತಾಂತರವಾಗುವಂತೆಯೂ ಒತ್ತಡ ಹಾಕಿದ್ದರು.
ಸಂತ್ರಸ್ತೆ ಅಷ್ಟಕ್ಕೂ ಜಾನಿ ವಿರುದ್ಧ ದಾಖಲಾಗಿರೋ ಸೆಕ್ಷನ್ಗಳ್ಯಾವ್ಯಾವು ಅಂತ ನೋಡೊದಾದ್ರೆ. ಜಾನಿ ವಿರುದ್ಧ ಯುವತಿ ಕೊಟ್ಟ ದೂರಲ್ಲಿ ಮೂರು ವಿಷ್ಯಗಳು ಸ್ಪಷ್ಟ ಹೇಳಿದ್ದಾಳೆ. ಅವುಗಳಲ್ಲಿ ಐಪಿಸಿ ಸೆಕ್ಷನ್ 376 ಪ್ರಕಾರ ಅತ್ಯಾಚಾರ ಕೇಸ್ ಆಗಿ, ಸೆಕ್ಷನ್ 506 ಕ್ರಿಮಿನಲ್ ಬೆದರಿಕೆಯಾಗಿ, ಇನ್ನೂ ಸೆಕ್ಷನ್ 323 ಕಲಂ (2) (ಎನ್) – ಇದು ಸ್ವಯಂಪ್ರೇರಿತವಾಗಿ ಗಾಯ ಮಾಡಿದ್ದು, ನೋವುಂಟು ಮಾಡಿದ್ದಕ್ಕೆ ಕೇಸ್ ದಾಖಲಾಗಿದೆ.
ಇದು ಜಾನಿ ಮಾಸ್ಟರ್ ವಿರುದ್ಧ ನೊಂದ ಯುವತಿ ಮಾಡಿರೋ ಆರೋಪ. ಸೌತ್ ಸಿನಿ ಇಂಡಸ್ಟ್ರಿಯಲ್ಲಿ ಜಾನಿ ಅಂದ್ರೆ ಒಂದು ರೇಂಜ್ ಇದ್ದ ಡ್ಯಾನ್ಸರ್ಗೆ ಈಗ ಈ ರೇಪ್ ಕೇಸ್ ಆತನ ಸಾಧನೆಯನ್ನ ಅಣಕಿಸುವಂತಾಗಿದೆ. ಒಬ್ಬ ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ಕೋರಿಯಾಗ್ರಾಫರ್ ವಿರುದ್ಧ ರೇಪ್ ಕೇಸ್ ದಾಖಲಾಗಿದ್ದು ಇಡೀ ತೆಲುಗು ಇಂಡಸ್ಟ್ರಿ ಮೌನವಾಗಿರುವಂತೆ ಮಾಡಿದೆ. ಬಟ್, ಜಾನಿಗೆ ಈ ಜೈಲು, ಪೊಲೀಸ್ ಕೇಸು ಇದ್ಯಾವೂ ಹೊಸದಲ್ಲ..ಅಷ್ಟೇ ಅಲ್ಲ, ಆತ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟಿದ್ದ ರೀತಿಯೂ ಸಖತ್ ರೋಚಕವಾಗಿತ್ತು ಅಂದ್ರೆ ನೀವು ನಂಬಲೇಬೇಕು. ಜಾನಿಯ ಇತರೆ ಕೇಸ್ಗಳ ಹಿಸ್ಟರಿ ನೋಡಿದ್ರೆ ಜಾನಿ ಕಹಾನಿ ಸಣ್ಣದಲ್ಲ ಅಂತನಿಸಿಬಿಡುತ್ತೆ.
