ಬಾಲಿವುಡ್ ತಾರೆಯಾದ ಕಿಸ್ಸಿಂಗ್ ಕಿಂಗ್ ಇಮ್ರಾನ್ ಹಶ್ಮಿ ಪರಿಚಯ ಎಲ್ಲರಿಗೂ ಇದೆ. ಅದರಂತೆಯೇ ಮಾದಕ ನಟಿ ಸನ್ನಿ ಲಿಯೋನ್ ಬಗ್ಗೆಯೂ ಎಲ್ಲರಿಗೆ ಗೊತ್ತಿದೆ. ಆದರೆ ಇಲ್ಲೊಬ್ಬ ವಿದ್ಯಾರ್ಥಿಯ ಪರೀಕ್ಷಾ ಫಾರ್ಮ್ ನೋಡಿದಾಗ ನಿಮಗೆ ನಿಜವಾಗಲು ಅಚ್ಚರಿಯಾಗಬಹುದು. ಕಾರಣ ಈ ವಿದ್ಯಾರ್ಥಿಯ ಪರೀಕ್ಷಾ ಫಾರ್ಮ್ನಲ್ಲಿ ತಂದೆ ಇಮ್ರಾನ್ ಹಶ್ಮಿ, ತಾಯಿ ಸನ್ನಿ ಲಿಯೋನ್ ಎಂದು ನಮೂದಿಸಲಾಗಿದೆ.
ಕುಂದನ್ ಎಂಬ ವಿದ್ಯಾರ್ಥಿಯ ಪದವಿ ಪರೀಕ್ಷೆಯ ಫಾರ್ಮ್ ಇದಾಗಿದೆ. ಬಾಬಾಸಾಹೇಬ್ ಭೀಮರಾವ್ ಅಂಬೇಡ್ಕರ್ ಬಿಹಾರ ವಿಶ್ವವಿದ್ಯಾಲಯದ ಫಾರ್ಮ್ ಇದಾಗಿದೆ. ಫಾರ್ಮ್ನಲ್ಲಿ ತಿಳಿಸಿದಂತೆ ಕುಂದನ್ 2017ರಿಂದ 2020ರವರೆಗೆ ವಿದ್ಯಾಭ್ಯಾಸ ಮಾಡಿದ್ದು, ಅದರಲ್ಲಿ ಪೋಷಕರ ಹೆಸರನ್ನು ಇಮ್ರಾನ್ ಹಶ್ಮಿ, ಸನ್ನಿ ಲಿಯೋನ್ ಎಂದು ನಮೂದಿಸಲಾಗಿದೆ.
ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ವೈರಲ್ ಆಗಿದೆ. ಇನ್ಸ್ಟಾ ಬಾಲಿವುಡ್ ಎಂಬ ಇನ್ಸ್ಟಾ ಖಾತೆಯು ಫೋಟೋವನ್ನು ಹಂಚಿಕೊಂಡಿದ್ದು, ವೈರಲ್ ಆಗುತ್ತಿದೆ.
