ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ನಟನೆಯ ಪ್ಯಾನ್ ಇಂಡಿಯಾ ಸಿನಿಮಾ ‘ಪುಷ್ಪ 2’ ಡಿ.6ರಂದು ರಿಲೀಸ್ ಆಗಲಿದೆ. ಸಿನಿಮಾ ಬಿಡುಗಡೆ ದಿನಗಣನೆ ಶುರುವಾಗಿದೆ. ಹೀಗಿರುವಾಗ ಚಿತ್ರದ ಕುರಿತು ಇಂಟರೆಸ್ಟಿಂಗ್ ಮಾಹಿತಿಯೊಂದು ಸಿಕ್ಕಿದೆ. ಶ್ರದ್ಧಾ ಕಪೂರ್ ಈ ಚಿತ್ರದಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ ಎನ್ನಲಾದ ಸುದ್ದಿಯೊಂದು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಇದನ್ನು ಓದಿ: ಆಂಧ್ರ ಹೈಕೋರ್ಟ್‌ ಮೆಟ್ಟಿಲೇರಿದ ಅಲ್ಲು ಅರ್ಜುನ್; ಯಾಕೆ ಗೊತ್ತಾ?
‘ಪುಷ್ಪ 1’ರಲ್ಲಿಸ್ಪೇಷಲ್ ಹಾಡಿಗೆ ಹೆಜ್ಜೆ ಹಾಕಿ ಸಮಂತಾ ಕೂಡ ಈ ಚಿತ್ರದ ಯಶಸ್ಸಿನಲ್ಲಿ ಭಾಗಿಯಾಗಿದ್ದಾರೆ. ಊ ಅಂಟವಾ ಮಾವಾ ಎಂದು ಆಕೆ ಹಾಕಿದ ಹೆಜ್ಜೆಗಳು ಇನ್ನೂ ಕಣ್ಣಮುಂದೆ ಬರುತ್ತವೆ.ಚಿತ್ರದ ಗೆಲುವಿಗೆ ಕಥೆಯ ಜೊತೆ ಸಮಂತಾ ಡ್ಯಾನ್ಸ್ ಪ್ಲಸ್ ಆಗಿತ್ತು. ಹಾಗಾಗಿಯೇ ಪುಷ್ಪ 2ರಲ್ಲೂ ಇದನ್ನೇ ಫಾರ್ಮುಲಾ ಬಳಸುತ್ತಿದ್ದಾರೆ. ಈ ಹಿಂದೆ ಐಟಂ ಹಾಡಿಗೆ ಹೆಜ್ಜೆ ಹಾಕಲು ದಿಶಾ ಪಟಾನಿ ಹೆಸರು ಕೇಳಿ ಬಂದಿತ್ತು. ಅಲ್ಲದೇ ಅನಿಮಲ್ ಬ್ಯೂಟಿ ತ್ರಿಪ್ತಿ ಡಿಮ್ರಿ ಹೆಸರು ಕೂಡ ಸುದ್ದಿಯಲ್ಲಿ ಕೇಳಿ ಬಂದಿತ್ತು. ಆದರೆ ಅವೆಲ್ಲವೂ ವದಂತಿಗಳು ಎಂದು ತಿಳಿದುಬಂದಿದೆ. ಈಗ ಅಂತಿಮವಾಗಿ ಅವರು ನಟಿ ಶ್ರದ್ಧಾ ಕಪೂರ್ ಅವರೊಂದಿಗೆ ಸ್ಪೇಷಲ್ ಸಾಂಗ್ನ್ನು ಮಾಡಲಿದ್ದಾರೆ ಎಂದು ವರದಿಯಾಗಿದೆ. ಆದರೆ ಈ ಬಗ್ಗೆ ಅಧಿಕೃತ ಘೋಷಣೆ ಇನ್ನಷ್ಟೇ ಹೊರಬೀಳಬೇಕಿದೆ.
ಇದನ್ನು ಓದಿ: ಸಿನಿಮಾ ಬಿಡುಗಡೆ ಮುಂಚೆಯೇ 1000 ಕೋಟಿ ಗಳಿಸಿದ ‘ಪುಷ್ಪ 2’ !
ಪುಷ್ಪ 2 ಚಿತ್ರದಲ್ಲಿ ಅಲ್ಲು ಅರ್ಜುನ್ ಎದುರು ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ನಟಿಸುತ್ತಿದ್ದಾರೆ. ಇನ್ನು ಸ್ಪೆಷಲ್ ಸಾಂಗ್ ಗೆ ನಾರ್ತ್ ಹೀರೋಯಿನ್ ಹಾಕಿಕೊಂಡರೆ ಸಿನಿಮಾಗೆ ಬಾಲಿವುಡ್ ನಲ್ಲಿ ಒಳ್ಳೆ ಕ್ರೇಜ್ ಬರುತ್ತೆ ಅನ್ನೋದು ಮೇಕರ್ ಗಳ ಅನಿಸಿಕೆ. ಅದರ ಭಾಗವಾಗಿ ಸದ್ಯ ಟ್ರೆಂಡಿಂಗ್ ಆಗಿರುವ ಶ್ರದ್ಧಾ ಕಪೂರ್ ಅವರನ್ನು ಈ ಹಾಡಿಗೆ ಆಯ್ಕೆ ಮಾಡಲಾಗಿದೆ ಎಂಬ ಮಾತು ಕೇಳಿ ಬರುತ್ತಿದೆ. ಬಾಲಿವುಡ್ ನಲ್ಲಿ ಸ್ಟಾರ್ ಹೀರೋಯಿನ್ ಆಗಿ ಹೊರಹೊಮ್ಮುತ್ತಿರುವ ಶ್ರದ್ಧಾ ತೆಲುಗು ಪ್ರೇಕ್ಷಕರಿಗೂ ಚಿರಪರಿಚಿತ. ಈ ಹಿಂದೆ ಪ್ರಭಾಸ್ ಜೊತೆಗಿನ ಸಾಹೋ ಚಿತ್ರದಲ್ಲಿ ಈ ಸುಂದರಿ ಸದ್ದು ಮಾಡಿದ್ದರು. ಇತ್ತೀಚೆಗೆ ಆಕೆ ನಟಿಸಿದ ಸ್ತ್ರೀ 2 ಚಿತ್ರ 800 ಕೋಟಿ ಕಲೆಕ್ಷನ್ ಮಾಡಿದೆ.
