ಮುಂಬೈನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ”ಭೂಲ್ ಭುಲೈಯಾ” 3 ಚಿತ್ರದ ಹಾಡು ”ಅಮಿ ಜೆ ತೋಮರ್ಗೆ” ನೃತ್ಯ ಮಾಡುತ್ತಿರುವ ಸಂದರ್ಭದಲ್ಲಿ ನಟಿ ವಿದ್ಯಾ ಬಾಲನ್ ಆಯ ತಪ್ಪಿ ಬಿದ್ದಿದ್ದು, ವಿಡಿಯೋ ವೈರಲ್ ಆಗಿದೆ. ವಿದ್ಯಾ ಬಾಲನ್ ಅವರು ಮಾಧುರಿ ದೀಕ್ಷಿತ್ ಜೊತೆ ಈ ಹಾಡಿಗೆ ನೃತ್ಯ ಮಾಡುತ್ತಿದ್ದರು. ಅದ್ಭುತ ನೃತ್ಯದ ಮೂಲಕ ಇಬ್ಬರೂ ತಾರೆಯರು ಪ್ರೇಕ್ಷಕರನ್ನು ರಂಜಿಸುತ್ತಿದ್ದರು. ಆದರೆ ಏಕಾಏಕಿ ವಿದ್ಯಾ ಅವರು ಆಯ ತಪ್ಪಿ ಬಿದ್ದುಬಿಟ್ಟರು. ಆದರೆ ಅದೇ ವೇಳೆ ಸಮಯ ಪ್ರಜ್ಞೆ ಮೆರೆದ ನಟಿ, ಕೂಡಲೇ ಕುಳಿತಲ್ಲಿಯೇ ನೃತ್ಯಕ್ಕೆ ಸ್ಟೆಪ್ ಹಾಕಿ, ಏನೂ ಆಗಿಲ್ಲ ಎನ್ನುವಂತೆ ಎದ್ದುನಿಂತು ನೃತ್ಯ ಮುಂದುವರೆಸಿ ಜನರ ಮನಸ್ಸನ್ನು ಗೆದ್ದುಬಿಟ್ಟರು. ಇವರು ಬಿದ್ದರೂ ಮಾಧುರಿ ದೀಕ್ಷಿತ್ ವಿಚಲಿತಗೊಳ್ಳದೇ ತಮ್ಮ ನೃತ್ಯವನ್ನು ಮುಂದುವರೆಸಿದ್ದರು.
ಇದನ್ನು ಓದಿ : ನೈಜೀರಿಯಾದಲ್ಲಿ ಕನ್ನಡ ವರ್ಣಮಾಲೆ ಹೇಳಿಕೊಟ್ಟ ಡಾ.ಬ್ರೋ..!
ಇನ್ನು ವಿಡಿಯೋಗೆ ಕಮೆಂಟ್ಸ್ ಸುರಿಮಳೆಯಾಗುತ್ತಿದೆ. ಈ ಪರಿಯ ಡಾನ್ಸ್ ಮಾಡುವಾಗ ನಟಿಯರು ಸಿಕ್ಕಾಪಟ್ಟೆ ಸಂಭಾವನೆ ಪಡೆದಿರುತ್ತಾರೆ. ಅವರು ಸ್ವಲ್ಪ ಜಾಗರೂಕರಾಗಿ ಇರಬೇಕಾಗುತ್ತದೆ ಎಂದು ಕೆಲವರು ಹೇಳಿದರೆ, ವಿದ್ಯಾ ಬಾಲನ್ ಅವರ ಸಮಯ ಪ್ರಜ್ಞೆಯನ್ನು ನಿಜಕ್ಕೂ ಮೆಚ್ಚಬೇಕು. ಒಂದು ಕ್ಷಣವೂ ವಿಚಲಿತರಾಗದೇ ಅವರು, ಇದು ಕೂಡ ನೃತ್ಯದ ಒಂದು ಭಾಗ ಎನ್ನುವಂತೆ ಕುಳಿತಲ್ಲಿಯೇ ಆ್ಯಕ್ಷನ್ ಮಾಡಿ ನೃತ್ಯ ಮುಂದುವರೆಸಿರುವುದು ಶ್ಲಾಘನೀಯ ಎಂದು ಹಲವರು ಹೇಳಿದ್ದಾರೆ. ಮತ್ತೆ ಕೆಲವರು, ಪಕ್ಕದಲ್ಲಿಯೇ ವಿದ್ಯಾ ಬಿದ್ದರೂ ಮಾಧುರಿ ಆ ಕಡೆ ತಿರುಗಿಯೂ ನೋಡದೇ ಇರುವುದು ವಿಚಿತ್ರ ಎಂದು ಹೇಳಿದರೆ, ಮತ್ತೆ ಕೆಲವರು ಮಾಧುರಿ ಆ ರೀತಿ ಮಾಡಿದ್ದರೆ ಅದು ಅಸಭ್ಯವಾಗುತ್ತಿತ್ತು. ವೇದಿಕೆಯ ಮೇಲೆ ಇಬ್ಬರೂ ನಟಿಯರ ಮರ್ಯಾದೆ ಹೋಗುತ್ತಿತ್ತು. ಮಾಧುರಿ ಮಾಡಿರುವುದು ಸರಿಯಿದೆ ಎನ್ನುತ್ತಿದ್ದಾರೆ. ಒಟ್ಟಿನಲ್ಲಿ ಈ ವಿಡಿಯೋಗೆ ಸಾಕಷ್ಟು ಕಮೆಂಟ್ಸ್ ಸುರಿಮಳೆಯಾಗುತ್ತಿದೆ.. ಅಂದಹಾಗೆ ಭೂಲ್ ಭುಲೈಯಾ 3 ಚಿತ್ರವನ್ನು ಅನೀಸ್ ಬಾಜ್ಮೀ ನಿರ್ದೇಶಿಸಿದ್ದಾರೆ ಮತ್ತು ಭೂಷಣ್ ಕುಮಾರ್ ನಿರ್ಮಿಸಿದ್ದಾರೆ. ಈ ಚಿತ್ರವು ಭಯಾನಕ ಮತ್ತು ಹಾಸ್ಯದ ಸಂಯೋಜನೆಯಾಗಿದೆ.
