ಇಂದಿನ ದಿನದ ವಿಶೇಷತೆ ಎಂದರೆ ಕಾರ್ತಿಕ ಮಾಸದ ಶುಕ್ಲ ಪಕ್ಷದ ಸಪ್ತಮಿ ತಿಥಿ. ಸರ್ವಾರ್ಥ ಸಿದ್ಧಿ ಯೋಗ ಮತ್ತು ಉತ್ತರಾಷಾಢ ನಕ್ಷತ್ರದ ಶುಭ ಸಂಯೋಗವೂ ಇದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ.. 5 ರಾಶಿಗಳವರಿಗೆ ಶುಭಕಾಲ ಕೂಡಿ ಬಂದಿರೋ ದಿನ ನವೆಂಬರ್ 8ರ ಈ ಶುಕ್ರವಾರ. ಆ 5 ರಾಶಿಗಳು ಯಾವುವು.. ಆ ರಾಶಿಗಳಿಗೆ ಇರುವ ಶುಭಾಶುಭಗಳೇನು? ಎಲ್ಲದರ ವಿವರ ಇಲ್ಲಿದೆ.
ವೃಶ್ಚಿಕ ರಾಶಿ :
ಬಾಕಿ ಇರುವ ಕಾರ್ಯಗಳನ್ನು ಪೂರ್ಣಗೊಳಿಸಿಬಿಡಿ. ಅದಕ್ಕಾಗಿ ಎಲ್ಲ ರೀತಿಯ ಪ್ರಯತ್ನವನ್ನೂ ಮಾಡಿ. ಸೋಮಾರಿತನವನ್ನು ಒಡೆದೋಡಿಸಿ. ಇಡೀ ದಿನ ಆಕ್ಟಿವ್ ಆಗಿರಿ. ಏಕೆಂದರೆ ಇಂದು ವೃಶ್ಚಿಕ ರಾಶಿಯವರಿಗೆ ಶುಭ ದಿನ. ಅವಿವಾಹಿತರಿಗೆ ಒಳ್ಳೆಯ ಮದುವೆ ಪ್ರಸ್ತಾಪಗಳು ಬರಬಹುದು. ಮಕ್ಕಳಿಗೆ ಸಂಬಂಧಿಸಿದ, ತುಂಬಾ ದಿನಗಳಿಂದ ಕಾಡುತ್ತಿದ್ದ ಸಮಸ್ಯೆಗಳಿಗೆ ಪರಿಹಾರ ದೊರಕಬಹುದು. ಹೊಸ ಯೋಜನೆಗೆ ಓಂಕಾರ ಬೀಳಬಹುದು. ಒಟ್ಟಿನಲ್ಲಿ ಇಂದು ನೀವು ಸೋಮಾರಿತನಕ್ಕೆ ಮೊರೆ ಹೋದರೂ, ಸದಾ ಆಕ್ಟಿವ್ ಆಗಿರುವಷ್ಟು ಒಳ್ಳೆಯ ಸುದ್ದಿಗಳಿರುತ್ತವೆ.
ಮಕರ ರಾಶಿ :
ಈ ರಾಶಿಯವರಿಗೆ ಇಂದು ಆನಂದಮಯ.. ಸಂತೋಷಮಯ. ಏಕೆಂದರೆ ಚಂದ್ರನು ನಿಮ್ಮ ರಾಶಿಯಲ್ಲಿ ಆಕ್ಟಿವ್ ಆಗಿದ್ದಾನೆ. ಆಪ್ತರು ಮತ್ತು ಸ್ನೇಹಿತರೊಂದಿಗೆ ಧಾರ್ಮಿಕ ಸ್ಥಳಕ್ಕೆ ಭೇಟಿ ನೀಡಲು ಇದು ಶುಭದಿನ. ಹಿರಿಯರು, ಸಾಧು ಸಂತರ ಆಶೀರ್ವಾದ ಪಡೆದುಕೊಳ್ಳಿ. ವಿಶೇಷ ವ್ಯಕ್ತಿಗಳ ಸಹಾಯ ಪಡೆದುಕೊಳ್ಳಿ. ನೀವು ಸುಮ್ಮನಿದ್ದರೂ, ಅವು ಒದಗಿ ಬರುತ್ತವೆ. ಆ ಸಂದರ್ಭಗಳನ್ನು ದೂರ ತಳ್ಳಬೇಡಿ. ಪ್ರೀತಿಸಿದವರ ಜೊತೆ ಆತ್ಮೀಯತೆಯಿಂದ ಇರಿ. ಆತುರ ಬೇಡ. ಅವಸರ ಬೇಡ. ಚಿಂತಿಸಿ ಹೆಜ್ಜೆ ಇಟ್ಟರೆ ಯೋಗವು ಬರುವುದು ನಿಮಗೆ..
ತುಲಾ ರಾಶಿ :
ಮಹಾಲಕ್ಷ್ಮಿಯ ಅನುಗ್ರಹವಿದೆ. ಧನಲಕ್ಷ್ಮಿಯಷ್ಟೇ ಅಲ್ಲ, ವಿಜಯಲಕ್ಷ್ಮಿಯೂ ಇವತ್ತು ಜೊತೆಯಲ್ಲಿದೆ. ಯಶಸ್ಸು ಸಾಧಿಸುವ ಸಾಧ್ಯತೆ ಹೆಚ್ಚಿರುವ ದಿನವಿದು. ಹಣಕಾಸಿನ ತೊಂದರೆಯಿಂದ ತಿಣುಕಾಡುತ್ತಿದ್ದ ಯೋಜನೆಗಳೆಲ್ಲ ಕೈಗೂಡಿ ಬರುತ್ತವೆ. ಪ್ರೀತಿಯ ಅಲೆಯಲ್ಲಿ ತೇಲಿ ಹೋಗಿ.. ಮನಸ್ಸು ಪ್ರಫುಲ್ಲವಾಗುತ್ತದೆ.
ವೃಷಭ ರಾಶಿ :
ಇಂದು ಧಾರ್ಮಿಕ ಮತ್ತು ಸಾಮಾಜಿಕ ಕಾರ್ಯಗಳಲ್ಲಿ ಭಾಗವಹಿಸಿ, ಉತ್ಸಾಹದಿಂದ ಇರುತ್ತೀರಿ. ವಿದ್ಯಾರ್ಥಿಗಳಿಗೆ ಇಂದು ಸ್ಪರ್ಧೆ ಗೆಲ್ಲುವ ಸಮಯ. ಶುಕ್ರನ ಪ್ರಭಾವವೂ ಇದೆ. ಹೊಸ ಹೊಸ ಸ್ಥಳಗಳಿಗೆ ಭೇಟಿ ಕೊಡುತ್ತೀರಿ. ಹೊಸ ಹೊಸ ಜನರನ್ನು ಭೇಟಿ ಮಾಡುತ್ತೀರಿ. ದಿನವಿಡೀ ಪಾಸಿಟಿವ್ ಆಲೋಚನೆಗಳಿರುತ್ತೆ. ಬಿ ಪಾಸಿಟಿವ್.
ಕರ್ಕಾಟಕ ರಾಶಿ :
ಸೃಜನಶೀಲತೆಯನ್ನು ಅಡಗಿಕೊಂಡು ದಿನ ಇವತ್ತಲ್ಲ. ಪ್ರತಿಭೆ ಪ್ರಖರವಾಗಿ ಬೆಳಗುವ ದಿನ. ಆಸ್ತಿ ಖರೀದಿಯಾಗಲಿ, ಹೂಡಿಕೆಯಾಗಲೀ.. ಎಲ್ಲದಕ್ಕೂ ಇದು ಶುಭದಿನ. ಧನಲಕ್ಷ್ಮೀ ಕೃಪಾಕಟಾಕ್ಷ ಇದೆ. ಸರ್ಕಾರಿ ಯೋಜನೆಗಳ ಲಾಭ ದೊರಕಲಿದೆ. ಜೊತೆಗೆ.. ಹೃದಯದಲಿ ಇದೇನಿದು.. ನದಿಯೊಂದು ಓಡಿದೆ.. ಎಂದು ಪ್ರೇಮ ಪಲ್ಲವಿ ಹಾಡುವ ದಿನವಿದು.
