ಆಲಂನ್ನು ಹೆಚ್ಚಿನ ಮನೆಗಳಲ್ಲಿ ನಂಜು ನಿರೋಧಕವಾಗಿ ಬಳಸಲಾಗುತ್ತದೆ. ಕಲ್ಲುಪ್ಪಿನಂತೆ ಕಾಣುವ ಆಲಂ ನಿಮ್ಮ ಆರೋಗ್ಯವನ್ನು ಸರಿಯಾಗಿ ಇಟ್ಟುಕೊಳ್ಳುವುದಲ್ಲದೆ ನಿಮ್ಮ ಅನೇಕ ಸಮಸ್ಯೆಗಳನ್ನು ಕೂಡ ನಿವಾರಿಸುತ್ತದೆ. ಗಾಯವಾದಾಗ ರಕ್ತವನ್ನು ನಿಯಂತ್ರಿಸುವುದರಿಂದ ಹಿಡಿದು ನೀರನ್ನು ಸ್ವಚ್ಛಗೊಳಿಸುವವರೆಗೆ ಅನೇಕ ಔಷಧೀಯ ಗುಣಗಳು ಆಲಂನಲ್ಲಿ ಕಂಡುಬರುತ್ತವೆ. ವಾಸ್ತವವಾಗಿ ಆಲಂನ್ನು ಬಳಸುವುದರಿಂದ ನಿಮ್ಮ ಅದೃಷ್ಟವೂ ಬದಲಾಗುವುದು. ತಂತ್ರ ಶಾಸ್ತ್ರದ ಪ್ರಕಾರ, ಆಲಂನ್ನು ಬಳಸುವುದು ನಮಗೆ ಅನೇಕ ಪ್ರಯೋಜನವನ್ನು ನೀಡುತ್ತದೆ. ಈ ಪರಿಹಾರವನ್ನು ತೆಗೆದುಕೊಳ್ಳುವ ಮೂಲಕ, ನೀವು ನಕಾರಾತ್ಮಕ ಶಕ್ತಿ ಮತ್ತು ಬಡತನದಂತಹ ಅನೇಕ ತೊಂದರೆಗಳನ್ನು ತೊಡೆದುಹಾಕಬಹುದು. ಆಲಂನಿಂದ ಏನು ಮಾಡಬೇಕು..? ಇದರ ಪ್ರಯೋಜನವಾದರೂ ಏನು..?
- ವ್ಯವಹಾರದಲ್ಲಿ ಪ್ರಗತಿಗೆ ಹೀಗೆ ಮಾಡಿ
ತಂತ್ರ ಶಾಸ್ತ್ರದ ಪ್ರಕಾರ, ಆರ್ಥಿಕ ಹಿಂಜರಿತದಿಂದಾಗಿ ಅಂಗಡಿ ಅಥವಾ ಕಚೇರಿ ಸರಿಯಾಗಿ ಚಾಲನೆಯಲ್ಲಿಲ್ಲದಿದ್ದರೆ, ಆಲಂ ಅನ್ನು ಕಪ್ಪು ಬಟ್ಟೆಯಲ್ಲಿ ಇರಿಸಿ ಮತ್ತು ಅದನ್ನು ಅಂಗಡಿ ಅಥವಾ ಕಚೇರಿಯ ಮುಖ್ಯ ದ್ವಾರದಲ್ಲಿ ಕಟ್ಟಿಕೊಳ್ಳಿ. ಇದನ್ನು ಮಾಡುವುದರಿಂದ ಅಂಗಡಿ ಅಥವಾ ಕಚೇರಿಯಲ್ಲಿನ ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕುವುದು ಮಾತ್ರವಲ್ಲ, ವ್ಯವಹಾರದಲ್ಲೂ ನೀವು ಪ್ರಗತಿಯನ್ನು ಕಾಣುತ್ತೀರಿ. ಇದರಿಂದ ಕ್ರಮೇಣವಾಗಿ ನಿಮ್ಮ ಸಮಸ್ಯೆಗಳು ಕೂಡ ದೂರಾಗುವುದು.
2. ಈ ಪರಿಹಾರವು ಮನೆಯ ಕಲಹವನ್ನು ತೆಗೆದುಹಾಕುತ್ತದೆ
ಮನೆಯ ಸದಸ್ಯರ ನಡುವೆ ಜಗಳವಾಗಿದ್ದರೆ, ಒಂದು ಲೋಟ ನೀರಿನಲ್ಲಿ ಕೆಲವು ಆಲಂ ತುಂಡುಗಳನ್ನು ಹಾಕಿ ರಾತ್ರಿಯಲ್ಲಿ ಹಾಸಿಗೆಯ ಕೆಳಗೆ ಅಥವಾ ಹಾಸಿಗೆಯ ಪಕ್ಕದಲ್ಲಿಟ್ಟು ಮಲಗಿ. ನಂತರ ಮರುದಿನ ಬೆಳಗ್ಗೆ ಅರಳಿ ಮರಕ್ಕೆ ಹಾಕಿ. ಇದನ್ನು ಮಾಡುವುದರಿಂದ, ನಿಮ್ಮ ಮನೆಯಲ್ಲಿನ ಜಗಳಗಳು, ಮನಸ್ಥಾಪಗಳು ದೂರಾಗುತ್ತದೆ. ಜೊತೆಗೆ ಕುಟುಂಬದ ಸದಸ್ಯರ ನಡುವಿನ ಪ್ರೀತಿ ಹೆಚ್ಚಾಗುತ್ತದೆ. ಇದನ್ನು ನೀವು ಸುಮಾರು ಒಂದು ತಿಂಗಳುಗಳ ಕಾಲ ಮಾಡಬೇಕು
- ಸಂದರ್ಶನದಲ್ಲಿ ಯಶಸ್ಸು ಗಳಿಸುವಿರಿ
ಸಂದರ್ಶನದಲ್ಲಿ ನೀವು ಯಶಸ್ವಿಯಾಗಲು ಬಯಸಿದರೆ, ಮೊದಲನೇಯದಾಗಿ, ಐದು ತುಂಡು ಆಲಂನ್ನು, 6 ನೀಲಿ ಬಣ್ಣದ ಹೂವುಗಳನ್ನು ಮತ್ತು ಬೆಲ್ಟ್ ನ್ನು (ಸೊಂಟಕ್ಕೆ ಕಟ್ಟುವ ಬೆಲ್ಟ್) ತೆಗೆದುಕೊಂಡು ಅವೆಲ್ಲವನ್ನೂ ನವಮಿ ದಿನದಂದು ತಾಯಿ ದುರ್ಗಾ ದೇವಿಗೆ ಅರ್ಪಿಸಬೇಕು. ನಂತರ ದಶಮಿ ದಿನದಂದು, ಕನ್ಯೆಯರಿಗೆ ಬೆಲ್ಟ್ ನ್ನು ದಾನವಾಗಿ ಅಥವಾ ಉಡುಗೊರೆಯಾಗಿ ನೀಡಿ, ನೀಲಿ ಬಣ್ಣದ ಹೂವುಗಳನ್ನು ಹರಿಯುವ ನದಿಯಲ್ಲಿ ಬಿಡಿ ಮತ್ತು ಆಲಂ ತುಂಡುಗಳನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳಿ ಮತ್ತು ನಂತರ ಸಂದರ್ಶನಕ್ಕೆ ಹೋಗಿ. ಇದನ್ನು ಮಾಡುವುದರಿಂದ ನೀವು ಸಂದರ್ಶನದಲ್ಲಿ ಯಶಸ್ಸನ್ನು ಪಡೆಯುವಿರಿ.
- ಸಾಲದಿಂದ ಮುಕ್ತಿ ನೀಡುವುದು
ನೀವು ಸಾಲದ ಬಗ್ಗೆ ಚಿಂತೆ ಮಾಡುತ್ತಿದ್ದರೆ ಅಥವಾ ಯಾರಿಂದಲಾದರೂ ಸಾಲ ತೆಗೆದುಕೊಂಡು ಅವರಿಗೆ ಮರುಪಾವತಿ ಮಾಡಲು ಸಾಧ್ಯವಾಗದೇ ಒದ್ದಾಡುತ್ತಿದ್ದರೆ ಈ ಪರಿಹಾರವು ಖಂಡಿತವಾಗಿಯೂ ನಿಮಗೆ ಸಹಾಯ ಮಾಡುತ್ತದೆ. ಇದಕ್ಕಾಗಿ ನೀವು ಬುಧವಾರ ಸ್ವಲ್ಪ ಆಲಂ ಮೇಲೆ ಸಿಂಧೂರವನ್ನು ಸಿಂಪಡಿಸಿ ನಂತರ ಅದನ್ನು ವೀಳ್ಯದೆಲೆಯಲ್ಲಿ ಸುತ್ತಿ ಕಲವಾ ದಾರದೊಂದಿಗೆ ಕಟ್ಟಿಕೊಳ್ಳಿ. ನಂತರ ಸಂಜೆ, ಅರಳಿ ಮರದ ಕೆಳಗೆ ಇಟ್ಟು ಅದರ ಮೇಲೆ ಒಂದು ದೊಡ್ಡ ಕಲ್ಲನ್ನು ಇಟ್ಟು ಬನ್ನಿ. ಸತತ ಮೂರು ಬುಧವಾರದವರೆಗೆ ಇದನ್ನು ಮಾಡಿ. ಆದರೆ ಇದನ್ನು ಮಾಡುವಾಗ ಯಾರು ಕೂಡ ನಿಮ್ಮನ್ನು ನೋಡಬಾರದು ಎನ್ನುವುದನ್ನು ಗಮನದಲ್ಲಿಟ್ಟುಕೊಳ್ಳಿ. ಈ ಆಲಂ ಪರಿಹಾರವು ಖಂಡಿತವಾಗಿಯೂ ನಿಮ್ಮ ಸಾಲದ ಸಮಸ್ಯೆಯನ್ನು ದೂರಾಗಿಸುತ್ತದೆ.
- ಧನ ಲಾಭಕ್ಕೆ ಈ ಪರಿಹಾರವನ್ನು ಮಾಡಿ
ಪ್ರತಿದಿನ ಮಲಗುವ ಮೊದಲು ನೀವು ಹಲ್ಲುಗಳನ್ನು ಆಲಂನಿಂದ ಸ್ವಚ್ಛಗೊಳಿಸಿ. ಇದರಿಂದ ನೀವು ಖಂಡಿತವಾಗಿಯೂ ಧನ ಲಾಭವನ್ನು ಪಡೆದುಕೊಳ್ಳುವಿರಿ. ಅಲ್ಲದೆ, ಕೆಲವೊಮ್ಮೆ ಸ್ನಾನದ ನೀರಿಗೆ ಆಲಂನ್ನು ಬೆರೆಸಿ ಸ್ನಾನ ಮಾಡಿ. ಅಲ್ಲದೆ, ನೀವು ಸ್ನಾನ ಮಾಡುವ ನೀರಿಗೆ ಆಲಂನ್ನು ಮತ್ತು ಸ್ವಲ್ಪ ಉಪ್ಪನ್ನು ಬೆರೆಸಿ ಸ್ನಾನ ಮಾಡುವುದರಿಂದ ವಾಸ್ತು ದೋಷ ದೂರಾಗುವುದು. ಮತ್ತು ನಕಾರಾತ್ಮಕ ಶಕ್ತಿಯು ಮನೆಯಿಂದ ಹೊರ ಉಳಿಯುತ್ತದೆ.
- ಇದು ನಿಮ್ಮನ್ನು ಕೆಟ್ಟ ಕಣ್ಣುಗಳಿಂದ ರಕ್ಷಿಸುತ್ತದೆ
ಒಬ್ಬ ವ್ಯಕ್ತಿಯು ಕಣ್ಣಿನ ದೋಷದಿಂದ ಅಥವಾ ಕೆಟ್ಟ ದೃಷ್ಟಿಯಿಂದ ಬಳಲುತ್ತಿದ್ದರೆ, ಅ ವ್ಯಕ್ತಿ ಮಲಗಿದಾಗ ನಂತರ ಆಲಂ ತುಂಡುಗಳನ್ನು ಆತನ ತಲೆಯಿಂದ ಕಾಲ್ಬೆರಳಿನವರೆಗೆ ಏಳು ಬಾರಿ ದೃಷ್ಟಿ ತೆಗೆಯಿರಿ. ಆಲಂ ಹಿಡಿದ ಕೈ ಆ ವ್ಯಕ್ತಿಯ ಪಾದದ ಬಳಿ ಬಂದಾಗ ನಿಮ್ಮ ಕೈ ನೆಲಕ್ಕೆ ತಾಗಬೇಕು. ನಂತರ ಅದನ್ನು ಬೆಂಕಿಯಲ್ಲಿ ಹಾಕಿ. ಹಾಗೆ ಮಾಡುವುದರಿಂದ ದುಷ್ಟ ಕಣ್ಣಿನ ಪರಿಣಾಮ ನಿವಾರಣೆಯಾಗುತ್ತದೆ.
