ರಾಜ್ಯದಲ್ಲಿ ನವೆಂಬರ್ 13 ರಂದು ಮೂರು ವಿಧಾನ ಸಭಾ ಕ್ಷೇತ್ರದ ಉಪಚುನಾವಣೆ ನಡೆದಿದೆ. ಶಿಗ್ಗಾಂವಿ, ಸಂಡೂರು, ಚನ್ನಪಟ್ಟಣ ಕ್ಷೇತ್ರದಲ್ಲಿ ಚುನಾವಣೆ ನಡೆದಿದ್ದು, ಯಾವ ಕ್ಷೇತ್ರದಲ್ಲಿ ಯಾವ ಪಕ್ಷ ಅಧಿಕಾರಕ್ಕೆ ಬರುತ್ತದೆ ಎಂಬ ಕುತೂಹಲ ಮೂಡಿದೆ. ನವೆಂಬರ್ 23 ರಂದು ಚುನಾವಣೆ ಫಲಿತಾಂಶ ಹೊರ ಬೀಳಲಿದ್ದು, ಅದಕ್ಕೂ ಮುನ್ನ ಪಿ ಮಾರ್ಕ್‌ ಎಕ್ಸ್‌ ಪೋಲ್ ಪ್ರಕಾರ, ಎನ್ಡಿಎಗೆ ಎರಡು ಹಾಗೂ ಕಾಂಗ್ರೆಸ್‌ಗೆ ಒಂದು ಸ್ಥಾನ ಸಿಗಲಿದೆ ಎಂದು ಹೇಳಲಾಗಿದೆ.
ಈಗ ಕುತೂಹಲ ಇರುವುದು ಎನ್‌ಡಿಎ ಗೆಲ್ಲುವ ಎರಡು ಕ್ಷೇತ್ರಗಳು ಯಾವುವು ಅನ್ನೋದು. ಚುನಾವಣೆಗೂ ಮುನ್ನ ಚನ್ನಪಟ್ಟಣ ಜೆಡಿಎಸ್‌, ಶಿಗ್ಗಾಂವಿ ಬಿಜೆಪಿ ಹಾಗೂ ಸಂಡೂರಿನಲ್ಲಿ ಕಾಂಗ್ರೆಸ್ ಗೆದ್ದಿತ್ತು. ಈ ಪ್ರಕಾರವೂ ಎನ್‌ಡಿಎ ಎರಡು ಸ್ಥಾನ, ಕಾಂಗ್ರೆಸ್ ಒಂದು ಕ್ಷೇತ್ರದಲ್ಲಿ ಅಸ್ಥಿತ್ವದಲ್ಲಿತ್ತು. ಈಗ ಕುತೂಹಲ ಇರುವುದು ಚನ್ನಪಟ್ಟಣ ಕ್ಷೇತ್ರದ ಫಲಿತಾಂಶದ ಮೇಲೆ. ಆದರೆ ಅಂತಿಮ ಫಲಿತಾಂಶ ಗೊತ್ತಾಗುವುದು ಮಾತ್ರ ನವೆಂಬರ್ 23ಕ್ಕೆ.
