ಕನ್ನಡದ ಬಿಗ್ಬಾಸ್ ಸೀಸನ್ 11, 12ನೇ ವಾರಕ್ಕೆ ಕಾಲಿಡುತ್ತಿದೆ. ಇದೇ ಹೊತ್ತಲ್ಲಿ ಬಿಗ್ಬಾಸ್ ಮನೆಯ ಕ್ಯಾಪ್ಟನ್ ಆಗಿ ಗೋಲ್ಡ್ ಸುರೇಶ್ ಹೊರ ಹೊಮ್ಮಿದ್ದಾರೆ. ಆದರೆ ಕ್ಯಾಪ್ಟನ್ಸಿ ಪಟ್ಟ ಸಿಗುತ್ತಿದ್ದಂತೆ ಗೋಲ್ಡ್ ಸುರೇಶ್ ಏಕಾಏಕಿ ತಮ್ಮ ಅಧಿಕಾರ ಚಲಾಯಿಸುತ್ತಿದ್ದಾರೆ.
ಗೋಲ್ಡ್ ಸುರೇಶ್ 12ನೇ ವಾರಕ್ಕೆ ಬಿಗ್ಬಾಸ್ ಮನೆಯ ಕ್ಯಾಪ್ಟನ್ ಆಗಿದ್ದಾರೆ. ಈ ವಾರ ಬಿಗ್ಬಾಸ್ ಎರಡು ತಂಡಗಳಾಗಿ ಮಾಡಿದ್ದರು. ಒಂದಕ್ಕೆ ಜವಾರಿ ಮಂದಿ, ಮತ್ತೊಂದಕ್ಕೆ 11ರ ಅಬ್ಬರ ಅಂತ ಹೆಸರು ಕೂಡ ಇದ್ದರು. ಆದರೆ ಬಿಗ್ಬಾಸ್ ಕೊಟ್ಟ ಮೂರು ಟಾಸ್ಕ್ನಲ್ಲಿ ಜವಾರಿ ಮಂದಿ ಗೆದ್ದುಕೊಂಡಿದ್ದಾರೆ.
ಈ ಮೂಲಕ ಭವ್ಯಾ ಗೌಡ, ಶಿಶಿರ್, ರಜತ್, ಗೋಲ್ಡ್ ಸುರೇಶ್, ಹನುಮಂತ ಹಾಗೂ ಐಶ್ವರ್ಯಾ ಜವಾರಿ ತಂಡದಲ್ಲಿ ಇದ್ದರು. ಬಿಗ್ಬಾಸ್ ಕೊಟ್ಟ ಟಾಸ್ಕ್ನಲ್ಲಿ ಗೆದ್ದುಕೊಂಡು 6 ಮಂದಿ ಕ್ಯಾಪ್ಟನ್ಸಿ ಓಟಕ್ಕೆ ಸೆಲೆಕ್ಟ್ ಆಗಿದ್ದರು. ಬಿಗ್ಬಾಸ್ ಕೊಟ್ಟ ಕ್ಯಾಪ್ಟನ್ಸಿ ಓಟದಲ್ಲಿ ಗೋಲ್ಡ್ ಸುರೇಶ್ ಗೆದ್ದುಕೊಂಡಿದ್ದಾರೆ. ಕ್ಯಾಪ್ಟನ್ ಆದ ಗೋಲ್ಡ್ ಸುರೇಶ್ ಕೆಲಸ ಮಾಡುವಂತೆ ಭವ್ಯಾ ಗೌಡ ಮೇಲೆ ರೇಗಾಡಿದ್ದಾರೆ. ಈ ಮೂಲಕ ಇಬ್ಬರ ಮಧ್ಯೆ ವಾದ ನಡೆದಿದೆ.
