ಟಾಲಿವುಡ್‌ ನ ಯುವಸಾಮ್ರಾಟ್‌ ಅಕ್ಕಿನೇನಿ ನಾಗರ್ಜುನ್ ಅವರು ನಡೆಸಿಕೊಡುವಂತಹ ತೆಲುಗು ಬಿಗ್ಬಾಸ್ ಸೀಸನ್-8 ಕೊನೆಯ ಹಂತಕ್ಕೆ ತಲುಪಿದೆ. ಇಂದು ಸಂಜೆ ಗ್ರ್ಯಾಂಡ್ ಫಿನಾಲೆ ನಡೆಯಲಿದ್ದು ವಿಜೇತ ಸ್ಪರ್ಧಿ ಯಾರೆಂದು ಘೋಷಣೆ ಮಾಡಲಿದ್ದಾರೆ. ಸತತ 14 ವಾರಗಳನ್ನು ಆಡಿರುವಂತ ಟಾಪ್- 5ರಲ್ಲಿ ನಿಖಿಲ್, ಗೌತಮ್, ಪ್ರೇರಣಾ, ಅವಿನಾಶ್, ನಬಿಲ್ ಇದ್ದಾರೆ. ಇದರಲ್ಲಿ ಒಬ್ಬರು ವಿಜೇತರು ಎಂದು ಘೋಷಣೆ ಮಾಡಲಾಗುತ್ತದೆ. ಇದಕ್ಕಾಗಿ ಪ್ರೇಕ್ಷರೆಲ್ಲಾ ಕಾತುರದಿಂದ ಕಾಯುತ್ತಿದ್ದಾರೆ.
ಬಿಗ್ ಬಾಸ್ ತೆಲುಗು ಸೀಸನ್ 8ರ ಗ್ರಾಂಡ್‌ ಫಿನಾಲೆ ಇಂದು ಅದ್ಧೂರಿಯಾಗಿ ನಡೆಯಲಿದ್ದು ಚೀಫ್ ಗೆಸ್ಟ್ ಯಾರು ಬರಲಿದ್ದಾರೆ ಎಂದು ಟಾಲಿವುಡ್‌ನಲ್ಲಿ ದೊಡ್ಡ ಮಟ್ಟದಲ್ಲಿ ಚರ್ಚೆ ನಡೆಯುತ್ತಿದೆ. ಇದರ ಮಧ್ಯೆ ಎರಡು ಹೆಸರು ಕೇಳಿ ಬಂದಿದ್ದು, ಪುಷ್ಪ2 ಸಿನಿಮಾದ ನಟ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಚೀಫ್ ಗೆಸ್ಟ್ ಆಗಿ ಎಂಟ್ರಿ ಕೊಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಇನ್ನೊಂದೆಡೆ ಅಲ್ಲು ಅರ್ಜುನ್ ಅಲ್ಲವೇ ಅಲ್ಲ, ರಾಮ್ಚರಣ್ ಗ್ರಾಂಡ್‌ ಫಿನಾಲೆಗೆ ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ ಎನ್ನಲಾಗಿತ್ತು. ಆದರೆ ಯಾರು ಫಿನಾಲೆಗೆ ಬರುತ್ತಾರೆ ಎನ್ನುವುದು ಚಾನೆಲ್ ಎಲ್ಲಿಯೂ ರಿವೀಲ್ ಮಾಡಿರಲಿಲ್ಲ. ಆದರೆ ಇದೀಗ ಕನ್ನಡದ ರಿಯಲ್‌ ಸ್ಟಾರ್ ಉಪೇಂದ್ರ ಅವರು ಅತಿಥಿಗಳಾಗಿ ತೆಲುಗು ಬಿಗ್ಬಾಸ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಈ ಸಲ ಬಿಗ್ಬಾಸ್ 100 ದಿನಗಳಿಗೂ ಅಧಿಕ ದಿನಗಳನ್ನು ಮನರಂಜನೆ ನೀಡಿದೆ. ಬಿಗ್ ಬಾಸ್ ಭಾನುವಾರ ಡಿಸೆಂಬರ್ 15 ರಂದು ಸಂಜೆ 7 ರಿಂದ ಲೈವ್ ಸ್ಟ್ರೀಮ್ಗೆ ಸಿದ್ಧವಾಗಿದೆ. ವಿಶೇಷ ಅತಿಥಿಗಳಲ್ಲಿ ಉಪೇಂದ್ರ, ಪ್ರಜ್ಞಾ ಜೈಸ್ವಾಲ್, ನಭಾ ನಟೇಶ್ ಮತ್ತು ಲಕ್ಷ್ಮಿ ರೈ ಇರಲಿದ್ದಾರೆ. ಈಗಾಗಲೇ ಪ್ರೋಮೋ ರಿಲೀಸ್ ಮಾಡಿದ್ದು ಉಪ್ಪಿ ಸಖತ್ ಸ್ಟೈಲೀಶ್ ಆಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಪ್ರೋಮೋದಲ್ಲಿ ಉಪೇಂದ್ರ ಅವರ ಡೈಲಾಗ್ ಈ ಪ್ರೀತಿ ಗೀತಿ ಎಲ್ಲ ಪುಸ್ತಕದ ಬದನೆಕಾಯಿ ಎಂದು ಅಭಿಮಾನಿಯೊಬ್ಬರು ಹೇಳಿದ್ದಾರೆ.
