ಡೆವಿಲ್…ಡಿಬಾಸ್ ನಟನೆಯ ಮೋಸ್ಟ್ ಅವೈಟೆಡ್ ಮೂವೀ. ಟೈಟಲ್ ನಿಂದಲೇ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಡೆವಿಲ್ ಈಗ ಮೇಕಿಂಗ್ ಮೂಲಕ ಸಖತ್ ಕಿಕ್ ಕೊಡ್ತಿದೆ. ಅಕ್ಷಯ ತೃತೀಯ ಪ್ರಯುಕ್ತ ಡೆವಿಲ್ ಫಿಲ್ಮ್‌ ಟೀಮ್ ಮೇಕಿಂಗ್ ರಿಲೀಸ್ ಮಾಡಿದೆ.
ಇನ್ನೂ ರಿವೀಲ್ ಆಗಿರುವ ಮೇಕಿಂಗ್ ಗ್ಲಿಂಪ್ಸ್ ನಲ್ಲಿ ಡಿಬಾಸ್ ಮಸ್ತಾಗಿ ಕಾಣ್ತಿದ್ದಾರೆ. ತಾರಕ್ ಸಿನಿಮಾದಲ್ಲಿ ಅದೆಷ್ಟು ಯಂಗ್ ಆಗಿ ಕಾಣಿಸಿಕೊಂಡಿದ್ರೋ ಅದಕ್ಕಿಂತ ಸ್ಮಾರ್ಟ್ ಆಗಿ ಡೆವಿಲ್ ಮೂವೀನಲ್ಲಿ ಕಾಣಿಸ್ತಾರೆ ಅನ್ನೋದಕ್ಕೆ ರಿಲೀಸ್ ಆಗಿರುವ ಮೇಕಿಂಗ್ ವಿಡಿಯೋನೇ ಸಾಕ್ಷಿ.
ತಾರಕ್ ಚಿತ್ರದ ಕಾಂಬೋ ಡೆವಿಲ್ ನಲ್ಲಿ ಮತ್ತೆ ರಿಪೀಟ್ ಆಗಿದೆ. ನಿರ್ದೇಶಕ ಪ್ರಕಾಶ್ ವೀರ್ ಹಾಗೂ ದಚ್ಚು ಕಾಂಬಿನೇಷನ್ ನಲ್ಲಿ ಬರ್ತಿರೋ ಡೆವಿಲ್ ಮೇಲೆ ನಿರೀಕ್ಷೆ ಬೆಟ್ಟದಷ್ಟಿದೆ. ಮೊದಲ ಶೆಡ್ಯೂಲ್ಡ್ ಶೂಟಿಂಗ್ ವೇಳೆ ಸಾಹಸ ಸನ್ನಿವೇಶಗಳಲ್ಲಿ ಭಾಗಿಯಾಗಿದ್ದಾಗ ನಟ ದರ್ಶನ್ ಅವರ ಕೈಗೆ ಪೆಟ್ಟಾಗಿತ್ತು. ದಚ್ಚು ಕೈಗೆ ಶಸ್ತ್ರ ಚಿಕಿತ್ಸೆ ಮಾಡಲಾಗಿದ್ದರಿಂದ ಚಿತ್ರೀಕರಣ ಸ್ಥಗಿತಗೊಳಿಸಲಾಗಿತ್ತು. ಇದೀಗ ಡಿಬಾಸ್ ಚೇತರಿಸಿಕೊಂಡು ಡೆವಿಲ್ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ.
‘ಡೆವಿಲ್’ ಸಿನಿಮಾವನ್ನು ವೈಷ್ಣೋ ಸ್ಟುಡಿಯೋಸ್‌ ಬ್ಯಾನರ್ ಅಡಿಯಲ್ಲಿ ಜೆ ಜಯಮ್ಮ ನಿರ್ಮಾಣ ಮಾಡುತ್ತಿದ್ದಾರೆ. ಈ ಸಿನಿಮಾಗೆ ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ. ಸುಧಾಕರ್ ಜೆ ರಾಜ್ ಛಾಯಾಗ್ರಹಣ ಮಾಡುತ್ತಿದ್ದಾರೆ. ಅಕ್ಟೋಬರ್ ತಿಂಗಳಿನಲ್ಲೇ ಈ ಸಿನಿಮಾವನ್ನು ತೆರೆಗೆ ತರಬೇಕು ಎಂದು ಡೆವಿಲ್ ಟೀಮ್ ತೀರ್ಮಾನ ಮಾಡಿದೆ.
