ಸತ್ಯರಾಜ್ ಅವರು ತಮಿಳು ಸಿನಿಮಾರಂಗದ ಪ್ರಮುಖ ನಾಯಕ. 1980-90ರ ದಶಕದಲ್ಲಿ ಲೀಡ್ ರೋಲ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ಇತ್ತೀಚೆಗೆ ಅವರು ಜಾಸ್ತಿ ಪೋಷಕ ಪಾತ್ರದಲ್ಲಿ ಮಿಂಚುತ್ತಿದ್ದಾರೆ. ಆದರೆ ವೈಯಕ್ತಿಕವಾಗಿ ಕಳೆದ 4 ವರ್ಷಗಳಿಂದ ದೊಡ್ಡ ನೋವಿನಲ್ಲಿ ಇದ್ದಾರೆ. ಅವರ ಮಗಳು ಈಗ ಇನ್‌ಸ್ಟಾಗ್ರಾಂನಲ್ಲಿ ವಿಷಯ ಹಂಚಿಕೊಂಡಿದ್ದಾರೆ.
ಖ್ಯಾತ ನಟ ಸತ್ಯರಾಜ್ ಮೂಲತಃ ತಮಿಳು ನಟನಾಗಿದ್ದರೂ, ತೆಲುಗು, ಹಿಂದಿ, ಕನ್ನಡ, ಮಲಯಾಳಂ ಭಾಷೆಗಳಲ್ಲೂ ಅಭಿನಯಿಸಿ ಮನೆಮಾತಾಗಿದ್ದಾರೆ. ಅದರಲ್ಲೂ ಬಾಹುಬಲಿಯ ಕಟ್ಟಪ್ಪನ ಪಾತ್ರವಂತೂ ಅವರ ಪ್ರಸಿದ್ಧಿಯನ್ನ ಇನ್ನೊಂದು ಹಂತಕ್ಕೆ ಕೊಂಡೊಯ್ದಿದೆ. ಇಂಥ ನಟನ ವೈಯಕ್ತಿಕ ಬದುಕಲ್ಲಿ ಶೋಕವೇ ತುಂಬಿದೆ. ಕಳೆದ ನಾಲ್ಕು ವರ್ಷಗಳಿಂದಲೂ ಇವರು ಮೌನವಾಗಿಯೇ ನೋವು ತಿನ್ನುತ್ತಿದ್ದಾರೆ. ಈಗಲೂ ಅಷ್ಟೇ, ತಾವು ಯಾವ ಪರಿಸ್ಥಿತಿಯಲ್ಲಿ ಇದ್ದೇವೆ? ಬದುಕಲ್ಲಿ ಏನಾಗಿದೆ ಎಂಬುದನ್ನ ಸತ್ಯರಾಜ್ ಅವರು ಎಲ್ಲಿಯೂ ಹೇಳಿಕೊಳ್ಳಲಿಲ್ಲ. ಅವರ ಮಗಳು ದಿವ್ಯಾ ಸತ್ಯರಾಜ್ ಅವರು ಸೋಷಿಯಲ್ ಮೀಡಿಯಾದಲ್ಲಿ ವಿಷಯ ಹಂಚಿಕೊಂಡಿದ್ದಾರೆ.
ಇದನ್ನು ಓದಿ : ಲುಂಗಿ ಉಟ್ಟು ಲೇಡಿ ಹನುಮಂತು ಹಾವಳಿ!
ಸತ್ಯರಾಜ್ ಅವರ ಪತ್ನಿ ಮಹೇಶ್ವರಿ ಕಳೆದ ನಾಲ್ಕು ವರ್ಷಗಳಿಂದಲೂ ಕೋಮಾದಲ್ಲಿ ಇದ್ದಾರಂತೆ. ಈ ವಿಚಾರವನ್ನ ದಿವ್ಯಾ ಹೇಳಿಕೊಂಡಿದ್ದಾರೆ. ತಮ್ಮ ಅಮ್ಮನ ಸ್ಥಿತಿ ಬಗ್ಗೆ ದಿವ್ಯಾ ಭಾವನಾತ್ಮಕ ಪೋಸ್ಟ್ ಹಾಕಿದ್ದಾರೆ. ಸತ್ಯರಾಜ್ ಅವರು 1979ರಲ್ಲಿ ಮಹೇಶ್ವರಿಯವರನ್ನ ಮದುವೆಯಾಗಿದ್ದಾರೆ. ಇವರಿಗೆ ಇಬ್ಬರು ಮಕ್ಕಳು. ಮಗಳ ಹೆಸರು ದಿವ್ಯಾ ಮತ್ತು ಮಗ ಸಿಬಿರಾಜ್. ಸತ್ಯರಾಜ್ ಅವರು ಸಿನಿಮಾ ಬದುಕಲ್ಲಿ ಬ್ಯುಸಿಯಾಗಿದ್ದಾರೆ. ಅದರ ಜೊತೆಜೊತೆಗೆ ಮನೆಯಲ್ಲೂ ಈ ಕಷ್ಟ ಎದುರಾಗಿದ್ದು, ಕೋಮಾಕ್ಕೆ ಹೋದ ಪತ್ನಿಯನ್ನ ನೋಡಿ ದುಃಖದಲ್ಲೇ ಕಾಲಕಳೆಯುತ್ತಿದ್ದಾರೆ. ಇನ್ನು ದಿವ್ಯಾ ಸತ್ಯರಾಜ್ ಅವರು ವೃತ್ತಿಯಲ್ಲಿ ನ್ಯೂಟ್ರಿಶಿಯನಿಸ್ಟ್ ಆಗಿದ್ದು, ತಮ್ಮ ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ ಅಮ್ಮನ ಪರಿಸ್ಥಿತಿ ಬಗ್ಗೆ ತಿಳಿಸಿದ್ದಾರೆ. ನಾಲ್ಕು ವರ್ಷಗಳಿಂದಲೂ ಅಮ್ಮ ಕೋಮಾದಲ್ಲೇ ಇದ್ದಾರೆ ಎಂದಿದ್ದಾರೆ..
‘ನನ್ನ ಅಮ್ಮ 4 ವರ್ಷಗಳಿಂದ ಕೋಮಾದಲ್ಲಿ ಇದ್ದಾರೆ. ಅವರಿಗೆ ನಾವು ಪಿಇಜಿ ಟ್ಯೂಬ್ ಮೂಲಕ ಆಹಾರ ಕೊಡುತ್ತಿದ್ದೇವೆ. ನಮ್ಮ ಪಾಲಿಗೆ ಭರಸಿಡಿಲಿನಂಥ ಕಷ್ಟ ಇದು. ಆದರೂ ನಾವು ವೈದ್ಯಕೀಯ ಪವಾಡಕ್ಕಾಗಿ ಕಾಯುತ್ತಿದ್ದೇವೆ. ಅಮ್ಮ ಆರಾಮಾಗಲಿ ಎಂದು ಎದುರು ನೋಡುತ್ತಿದ್ದೇವೆ. ನಾಲ್ಕು ವರ್ಷಗಳಿಂದಲೂ ನಮಗೆ ಅಪ್ಪ ಸಿಂಗಲ್ ಪೇರೆಂಟ್ ಆಗಿದ್ದಾರೆ. ಅಪ್ಪನ ಅಮ್ಮ ಕೆಲವು ವರ್ಷಗಳ ಹಿಂದೆ ತೀರಿಕೊಂಡಿದ್ದಾರೆ. ನಾನು ನನ್ನ ಅಪ್ಪನಿಗೆ ಅಮ್ಮನಾಗಿದ್ದೇನೆ. ಹೀಗಾಗಿ ನಾನು ಮತ್ತು ಅಪ್ಪಾ ಇಬ್ಬರೂ ಪವರ್‌ಫುಲ್ ಸಿಂಗಲ್ ಮದರ್ಸ್ ಕ್ಲಬ್‌ಗೆ ಸೇರಿದ್ದೇವೆ ಎಂದ ಎಮೋಶನಲ್ ಆಗಿ ಪೋಸ್ಟ್ ಹಾಕಿಕೊಂಡಿದ್ದಾರೆ.. ಅಂದಹಾಗೇ, ಅಮ್ಮಂಗೆ ಏನಾಯಿತು ಎಂಬ ಕಮೆಂಟ್‌ಗೆ ಉತ್ತರಿಸಿ ಅವರು ‘ಅಮ್ಮನಿಗೆ ಬ್ರೇನ್ ಹೆಮರೇಜ್ ಆಗಿತ್ತು..ವೈದ್ಯರು ಭರವಸೆ ಇಲ್ಲ ಎಂದಿದ್ದಾರೆ. ಆದರೆ ನಾವಿನ್ನೂ ಅವರು ಬದುಕುತ್ತಾರೆ ಎಂಬ ಆಶಯ ಕಳೆದುಕೊಂಡಿಲ್ಲ’ ಎಂದು ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಇದನ್ನು ಓದಿ : ಗಿನ್ನೆಸ್‌ ವಿಶ್ವ ದಾಖಲೆ ಬರೆದ ಕೋಳಿಯ ಆಕಾರದಲ್ಲಿ ನಿರ್ಮಾಣವಾಯ್ತು ಹೋಟೆಲ್!
ಸತ್ಯರಾಜ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ರಜನಿಕಾಂತ್ ನಟನೆಯ ‘ಕೂಲಿ’ ಚಿತ್ರದ ಮುಖ್ಯ ಪಾತ್ರದಲ್ಲಿ ಅವರು ಬಣ್ಣ ಹಚ್ಚಿದ್ದಾರೆ. ಲೋಕೇಶ್ ಕನಕರಾಜ್ ನಿರ್ದೇಶನದ ಆಕ್ಷನ್ ಥ್ರಿಲ್ಲರ್ ‘ಕೂಲಿ’ ಚಿತ್ರದಲ್ಲಿ ಕನ್ನಡ ನಟ ಉಪೇಂದ್ರ ಸಹ ನಟಿಸುತ್ತಿದ್ದಾರೆ. ‘ಶಬ್ಬಾಸ್ ವಿಕ್ರಂ’ ಎನ್ನುವ ಕನ್ನಡ ಚಿತ್ರದಲ್ಲಿ ಕೂಡ ಸತ್ಯರಾಜ್ ಬಣ್ಣ ಹಚ್ಚಿದ್ದರು. ಸತ್ಯರಾಜ್ ತಮ್ಮ ಅದ್ಬುತ ನಟನೆಯಿಂದ ಅಭಿಮಾನಿಗಳ ಮನಗೆದ್ದಿದ್ದಾರೆ. ಯಾವುದೇ ಪಾತ್ರ ಆದ್ರು ಜೀವತುಂಬಿ ನಟಿಸುವುರಲ್ಲಿ ಸತ್ಯರಾಜ್ ಕೂಡ ಒಬ್ಬರು. ಮೋದಿ ಲುಕ್‌ನಲ್ಲಿ ಸತ್ಯರಾಜ್ ಕಾಣಿಸಿಕೊಳ್ತಾರೆ ಎನ್ನಲಾಗಿತ್ತು. ಮೋದಿ ಪಾತ್ರಕ್ಕೆ ಸರಿಯಾಗಿ ಆಯ್ಕೆ ಎಂದು ಅನೇಕ ವರದಿಗಳು ಹರಿದಾಡಿತ್ತು.ಇದು ಕೇವಲ ರೂಮರ್ಸ್ ಅಷ್ಟೆ ಎಂದು ಸತ್ಯರಾಜ್ ಹೇಳಿದ್ದರು.
