ಪ್ರಯಾಗ್ ರಾಜ್: 1990ರ ದಶಕದಲ್ಲಿ ಹಲವಾರು ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದ ಬಾಲಿವುಡ್ ಖ್ಯಾತ ನಟಿ ಮಮತಾ ಕುಲಕರ್ಣಿ (52ವರ್ಷ) ಅವರು ಜನವರಿ 24ರಂದು ಕಿನ್ನಾರ್ ಅಖಾಡದಲ್ಲಿ ಮಹಾಮಂಡಲೇಶ್ವರ್ ದೀಕ್ಷೆ ಸ್ವೀಕರಿಸಲಿದ್ದಾರೆ ಎಂದು ವರದಿ ತಿಳಿಸಿದೆ.
ಬಾಲಿವುಡ್ ನ ಮಾಜಿ ನಟಿ ಮಮತಾ ಕುಲಕರ್ಣಿ ಯಾರಿಗೆ ಗೊತ್ತಿಲ್ಲ? 90ರ ದಶಕದ ಹಿಂದಿ ಸಿನಿಮಾಗಳನ್ನು ನೋಡಿದವರಿಗೆ ಈ ಕಲರ್ ಫುಲ್ ಚಿಟ್ಟೆಯ ಹೆಸರನ್ನು ಕೇಳಿಯೇ ಇರುತ್ತಾರೆ. ಹದಿಹರೆಯದ ಹುಡುಗರ, ಸಿನಿಮಾ ರಸಿಕರ ನಿದ್ದೆಗೆಡಿಸಿದ್ದ ರೂಪವತಿ ಮಮತಾ ಕುಲಕರ್ಣಿ ಆ ಕಾಲದ ಸೂಪರ್ ಸ್ಟಾರ್.
ಸಿನಿಮಾಗಳಲ್ಲಿ ಹಾಟ್ ಅವತಾರಗಳಲ್ಲಿ ನಟಿಸಿದ್ದ ನಟಿ, ಜೀವನದಲ್ಲಿ ಸಾಕಷ್ಟು ಐಶಾರಾಮಿತನಗಳನ್ನು ಕಂಡಿದ್ದ ನಟಿ ಈಗ ಒಮ್ಮೆಲೆ ಅಧ್ಯಾತ್ಮದ ಹಾದಿ ಹಿಡಿದ್ದಾರೆ. ಎಲ್ಲ ವಿಷಯ ವಾಸನೆಗಳನ್ನು ತ್ಯಜಿಸಿ ಸನ್ಯಾಸಿನಿ ಆಗಿದ್ದಾರೆ. ಕನ್ನಡದ ‘ವಿಷ್ಣುವಿಜಯ’ ಸೇರಿದಂತೆ ಹಲವು ಹಿಂದಿ, ತೆಲುಗು, ಮಲಯಾಳಂ, ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದ, 90ರ ದಶಕದಲ್ಲಿ ಹಾಟ್ ನಟಿಯಾಗಿ ಗುರುತಿಸಿಕೊಂಡಿದ್ದ ಮಮತಾ ಕುಲಕರ್ಣಿ ಈಗ ಸಾಧ್ವಿ ಆಗಿದ್ದಾರೆ. ಅವರು ಕಿನ್ನರ ಅಖಾಡದ ಮಹಾಮಂಡಲೇಶ್ವರಿ ಆಗಿ ನೇಮಕ ಆಗಿದ್ದಾರೆ.
ಏನಿದು ಕಿನ್ನರ್ ಅಖಾಡ?
ಕಿನ್ನರ್ ಅಖಾಡವು 2018ರಲ್ಲಿ ಸ್ಥಾಪನೆಯಾಗಿರುವ ಧಾರ್ಮಿಕ ಸಂಘಟನೆ. ಗಮನಾರ್ಹ ವಿಚಾರವೇನೆಂದರೆ, ಇದು ತೃತೀಯ ಲಿಂಗಿಗಳ ಅಧ್ಯಾತ್ಮಿಕ ಸಾಧನೆಗಾಗಿ ಹುಟ್ಟಿಕೊಂಡಿರುವ ಸಂಘಟನೆ. ಇದು ಪಂಚದಾಶನಾಮ್ ಜುನಾ ಅಖಾಡಾ ಎಂಬ (ಜುನಾ ಅಖಾಡಾ) ಎಂಬ ಧಾರ್ಮಿಕ ಸಂಘಟನೆಯ ಅಧೀನದಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಸಂಘಟನೆಯಲ್ಲಿ ತೃತೀಯ ಲಿಂಗಿಗಳಿಗೆ ಅಧ್ಯಾತ್ಮ ದೀಕ್ಷೆ ನೀಡುವುದು, ಅವರಿಗೆ ಜಪ ತಪಗಳನ್ನು ಕಲಿಸುವುದು ಇತ್ಯಾದಿ ಧಾರ್ಮಿಕ ಚಟುವಟಿಕೆಗಳನ್ನು ನಡೆಸುತ್ತದೆ. ಈ ಸಂಘಟನೆಯು ಹಿಂದು ಧರ್ಮ ಹಾಗೂ ತೃತೀಯ ಲಿಂಗಿಗಳ ಹಕ್ಕುಗಳ ಪರವಾಗಿ ನಿಲ್ಲುತ್ತದೆ.
ಈಗ ಮಮತಾ ಕುಲಕರ್ಣಿಯವರನ್ನು ತಮ್ಮ ಪೀಠಾಧ್ಯಕ್ಷೆಯನ್ನಾಗಿಸುವ ಮೂಲಕ ದೇಶದ ಅನೇಕ ತೃತೀಯ ಲಿಂಗಿಗಳನ್ನು ಅಧ್ಯಾತ್ಮಿಕ ದಾರಿಯತ್ತ ಆಕರ್ಷಿಸಲು ಕಿನ್ನರ್ ಅಖಾಡಾ ಯೋಜಿಸಿದೆ. ಅಲ್ಲದೆ, ಮಮತಾ ಅವರನ್ನು ತಮ್ಮ ಪೀಠಾಧ್ಯಕ್ಷೆಯನ್ನಾಗಿಸಿದರೆ ತಮ್ಮ ಅಧ್ಯಾತ್ಮಿಕ ಯೋಜನೆಗಳು ಜನರಿಗೆ ತಲುಪಲು ಹೆಚ್ಚಿನ ವೇಗ ಸಿಗುತ್ತದೆ ಎಂಬುದು ಅವರ ಆಲೋಚನೆ.
ಗ್ಯಾರಂಟಿ ನ್ಯೂಸ್ ವಾಟ್ಸಾಪ್ ಚಾನೆಲ್ ಫಾಲೋ ಮಾಡಿ:https://whatsapp.com/channel/0029VafyCqRFnSzHn1JWKi1B
ಜೊತೆಯಲ್ಲೇ ಗ್ಯಾರಂಟಿ ನ್ಯೂಸ್ ಸಮುದಾಯವನ್ನು ಸೇರಲು ಈ ಲಿಂಕ್ ಕ್ಲಿಕ್ಕಿಸಿ:https://chat.whatsapp.com/HWayJDSBf9aI06q6jplPgc
