ಬಿಗ್‌‌ಬಾಸ್‌‌ ಮನೆಯಲ್ಲಿ ನಾಮಿನೇಷನ್‌‌‌‌ ಗದ್ದಲ ಜೋರಾಗಿದೆ!

ಬಿಗ್ ಬಾಸ್ ಮನೆಗೆ ವೈಲ್ಡ್ ಕಾರ್ಡ್ ಮೂಲಕ ಶೋಭಾ ಶೆಟ್ಟಿ ಹಾಗೂ ರಜತ್ ಎಂಟ್ರಿ ಕೊಟ್ಟಿದ್ದಾರೆ. ಈ ವಾರದ ಆಟ ಜೋರಾಗಲಿದೆ. ಇದರ ನಡುವೆಯೇ ನಾಮಿನೇಷನ್ ಗಲಾಟೆ ಸಖತ್ ಸದ್ದು ಮಾಡ್ತಿದೆ.

ಬಿಗ್ ಬಾಸ್ ಮನೆಯಲ್ಲಿ 50 ದಿನಗಳು ಕಳೆದಿವೆ. ಈಗ ವಾತಾವರಣ ಬದಲಾಗಿದೆ. ಮಡಿಕೆ ಒಡೆಯುವ ಮೂಲಕ ನಾಮಿನೇಷನ್ ಮಾಡುವಂತೆ ಬಿಗ್ ಬಾಸ್​ ಸ್ಪರ್ಧಿಗಳಿಗೆ ಸೂಚಿಸಿದ್ರು. ಉಗ್ರಂ ಮಂಜು ಜೊತೆ ಇಷ್ಟು ದಿನ ಆಪ್ತವಾಗಿದ್ದ ಮೋಕ್ಷಿತಾ ಅವರು ಈಗ ತಿರುಗಿ ಬಿದ್ದಿದ್ದಾರೆ.  ಮಂಜಣ್ಣನ ಕೆಲವು ಮಾತುಗಳು ನನ್ನನ್ನು ಕುಗ್ಗಿಸಿದೆ . ಹೀಗಾಗಿ ನಾಮಿನೇಟ್ ಮಾಡ್ತಿರೋದಾಗಿ ಮೋಕ್ಷಿತಾ ಕಾರಣ ಹೇಳಿದ್ರು. ಇದಕ್ಕೆ ಉಗ್ರಂ ಮಂಜು ಸಿಟ್ಟಾಗಿದ್ದಾರೆ.

ಮೋಕ್ಷಿತಾ ನಾಮಿನೇಟ್ ಮಾಡ್ತಿದ್ದಂತೆ ಮಂಜು ಫುಲ್ ಗರಂ ಆಗಿದ್ದಾರೆ. ಇನ್ಮುಂದೆ ನನ್ನ ಅಣ್ಣ ಎಂದು ನೀವು ಕರೀಬೇಡಿ. ಅಣ್ಣ ಅನ್ನುವ ಪದ ಬಳಸಬೇಡಿ ಎಂದು ಕೈ ಮುಗಿದು ಕೇಳಿಕೊಂಡ್ರು. ಮೋಕ್ಷಿತಾ ವಿಚಾರದಲ್ಲಿ ಮಂಜು ಬೇಸರಗೊಂಡಿದ್ದಾರೆ.

ಗೌತಮಿ, ಮೋಕ್ಷಿತಾ ಹಾಗೂ ಉಗ್ರಂ ಮಂಜು ಮೂವರು ತುಂಬಾ ಕ್ಲೋಸ್ ಆಗಿದ್ರು. ಎಲ್ಲರ ಬಗ್ಗೆ ಮಾತಾಡ್ತಿದ್ರು. ಇದೀಗ ಮಂಜು ಮೇಲೆ ಮೋಕ್ಷಿತಾ ಕಂಪ್ಲೇಟ್ ಮಾಡ್ತಿದ್ದಾರೆ. ನಾನು ಅವರಿಬ್ಬರ ಜೊತೆ ಇರಲ್ಲ ಎಂದು ಮನೆ ಮಂದಿಗೆ ಹೇಳ್ತಿದ್ದಾರೆ.

ನಾಮಿನೇಷನ್ ವಿಚಾರದಲ್ಲಿ ಮಂಜು ಹಾಗೂ ತ್ರಿವಿಕ್ರಮ್​ ನಡುವೆ ಜಗಳ ನಡೆದಿದೆ. ಪರ್ಸನಲ್ ಆಗಿ ಟಾರ್ಗೆಟ್ ಮಾಡ್ತಾರೆ ಎಂದು ತ್ರಿವಿಕ್ರಮ್ ಹೇಳಿದ್ರು. ಇನ್ನೊಬ್ಬರನ್ನು ತುಳಿದು ಮೇಲಕ್ಕೆ ಬರೋದು ಹೇಗೆ ಗೊತ್ತಾ ಎಂದು ಮಂಜು ಕೋಪದಲ್ಲಿ ಹೇಳಿದ್ರು. ಇದಕ್ಕೆ ಸಿಟ್ಟಾದ ತ್ರಿವಿಕ್ರಮ್, ಎಲ್ಲರಿಗೂ ನೀವು ಏನು ಅನ್ನೋದು ಗೊತ್ತು ಎಂದಿದ್ದಾರೆ. ಕೆಲಸ ಆಗೋವರೆಗೂ ಮಾತ್ರ ಅವರು ಕೆಲಸ ಆದ್ಮೇಲೆ ಅವನ್ಯಾರೋ ಗೊತ್ತಿಲ್ಲ ಎನ್ನುವಂತವರು ತ್ರಿವಿಕ್ರಮ್ ಎಂದು ಮಂಜಣ್ಣ ಹೇಳ್ತಿದ್ದಂತೆ. ಎಲ್ಲರೂ ಕೂಡ ಅಷ್ಟೇನೇ ಎಂದು ತ್ರಿವಿಕ್ರಮ್ ಕೂಗಾಡಿದ್ರು. ವಾಯ್ಸ್ ಜೋರ್ ಮಾಡಿ ಮಾತಾಡ್ತಿನಿ ಅಂದ್ರೆ ನನಗೂ ಬರುತ್ತೆ ಎಂದು ತ್ರಿವಿಕ್ರಮ್​ ಕೋಪದಲ್ಲೇ ಹೇಳಿದ್ರು. ಇಂದು ಯಾರೆಲ್ಲಾ ನಾಮಿನೇಷನ್‌‌‌‌ ಆಗಿದ್ದಾರೆಂದು ಇಂದಿನ ಎಪಿಸೋಡ್‌‌ನಲ್ಲಿ ತಿಳಿಯಲಿದೆ.