ನವದೆಹಲಿ: ಪ್ಯಾನ್ ಇಂಡಿಯಾದ ಬ್ಲಾಕ್‌ಬ್ಲಾಸ್ಟರ್ ಸಿನಿಮಾ ‘ಕಲ್ಕಿ 2898 AD’ ಜನವರಿಯಲ್ಲಿ ಜಪಾನ್‌ನಲ್ಲಿ ಬಿಡುಗಡೆಯಾಗುತ್ತಿದೆ. 2025ರ ಜನವರಿ 3 ರಂದು ಜಪಾನ್‌ನಲ್ಲಿ ಹೊಸ ವರ್ಷದ ಆಚರಣೆ ಮಾಡಲಾಗುತ್ತದೆ. ಅಂದೇ ಸಿನಿಮಾವನ್ನು ಬಿಡುಗಡೆ ಮಾಡಲಾಗುತ್ತಿದೆ ಎಂದು ಚಿತ್ರ ನಿರ್ಮಾಣ ತಂಡ ಹೇಳಿದೆ.
ಇದನ್ನು ಓದಿ : ಲುಂಗಿ ಉಟ್ಟು ಲೇಡಿ ಹನುಮಂತು ಹಾವಳಿ!
ಅಮಿತಾಬ್ ಬಚ್ಚನ್, ಪ್ರಭಾಸ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ ಸೇರಿದಂತೆ ಹಲವು ತಾರೆಯರು ಈ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ನಾಗ ಅಶ್ವಿನ್ ನಿರ್ದೇಶನದಲ್ಲಿ, ವೈಜಯಂತಿ ಮೂವೀಸ್ ನಿರ್ಮಾಣದಲ್ಲಿ ಮೂಡಿಬಂದಿರುವ ಪುರಾಣದ ಕಥಾಹಂದರದ ಕಲ್ಕಿ ಚಿತ್ರ ಭಾರತದಲ್ಲಿ ₹600 ಕೋಟಿ ಗಳಿಕೆ ಮಾಡಿದೆ ಎಂದು ವರದಿಯಾಗಿದೆ. ಭಾರತದಲ್ಲಿ 3ಡಿ ಮತ್ತು 2ಡಿ ಎರಡಲ್ಲೂ ಮೇ 9ರಂದು ಚಿತ್ರ ತೆರೆ ಕಂಡಿತ್ತು. ಭಾರತದಲ್ಲಿ ಒಟಿಟಿಯಲ್ಲೂ ಸಿನಿಮಾ ಈಗ ಲಭ್ಯವಿದೆ. ನೆಟ್‌ಪ್ಲಿಕ್ಸ್ ಮತ್ತು ಅಮೆಜಾನ್ ಪ್ರೈಮ್ ವಿಡಿಯೊದಲ್ಲಿ ಕಲ್ಕಿ ಸಿನಿಮಾ ನೋಡಬಹುದು.
Continue Reading
