ಪ್ರಸಿದ್ಧ ನಟ ರಾಣಾ ದಗ್ಗುಬಾಟಿ ಪ್ಯಾನ್-ಇಂಡಿಯಾ ಮಟ್ಟದ ನಟರಾಗಿ ಬೆಳೆದಿದ್ದಾರೆ. ಪ್ರಭಾಸ್, ಪವನ್ ಕಲ್ಯಾಣ್, ರಜನೀಕಾಂತ್ ಮುಂತಾದ ಸ್ಟಾರ್‌ಗಳೊಂದಿಗೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 1984 ಡಿಸೆಂಬರ್ 14, ರಂದು ಜನಿಸಿದ ರಾಣಾ, ಪ್ರಸಿದ್ಧ ನಿರ್ಮಾಪಕ ಡಿ.ಸುರೇಶ್ ಬಾಬು ಅವರ ಪುತ್ರ.
ಲೀಡರ್, ದಮ್ ಮಾರೋ ದಮ್, ಬಾಹುಬಲಿ, ಘಾಜಿ ಮುಂತಾದ ಸಿನಿಮಾಗಳ ಮೂಲಕ ಅವರು ಜನಪ್ರಿಯತೆ ಗಳಿಸಿದರು. ಚೆನ್ನೈನ ಚೆಟ್ಟಿನಾಡ್ ವಿದ್ಯಾಶ್ರಮ, ಹೈದರಾಬಾದ್ ಪಬ್ಲಿಕ್ ಸ್ಕೂಲ್‌ನಲ್ಲಿ ರಾಣಾ ಶಿಕ್ಷಣ ಪಡೆದಿದ್ದಾರೆ. ಹೈದರಾಬಾದ್‌ನ ಸೇಂಟ್ ಮೇರಿಸ್ ಕಾಲೇಜಿನಿಂದ ಇಂಡಸ್ಟ್ರಿಯಲ್ ಫೋಟೋಗ್ರಫಿಯಲ್ಲಿ ಪದವಿ ಪಡೆದಿದ್ದಾರೆ.
ರಾಣಾ ಸ್ಪಿರಿಟ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್ ಸಂಸ್ಥಾಪಕರಾಗಿದ್ದಾರೆ, 70ಕ್ಕೂ ಹೆಚ್ಚು ಸಿನಿಮಾಗಳಿಗೆ ಅನಿಮೇಷನ್, ವಿಷುಯಲ್ ಎಫೆಕ್ಟ್ ಒದಗಿಸಿದ್ದಾರೆ. ಪ್ಯಾನ್ ಇಂಡಿಯಾ ನಟನಾಗಿ ಮಿಂಚುತ್ತಿರುವ ರಾಣಾ ದಗ್ಗುಬಾಟಿ ಸಿನಿಮಾ ನಿರ್ಮಾಪಕರೂ ಹೌದು. 2020 ರಲ್ಲಿ ಮಿಹಿಕಾ ಬಜಾಜ್ ಅವರನ್ನು ವಿವಾಹವಾಗಿದ್ದಾರೆ. ಹೈದರಾಬಾದ್‌ನ ರಾಮಾನಾಯ್ಡು ಸ್ಟುಡಿಯೋಸ್‌ನಲ್ಲಿ ಅವರ ವಿವಾಹ ಜರುಗಿದೆ. ಹಲವು ವರದಿಗಳ ಪ್ರಕಾರ, ನಟ-ನಿರ್ಮಾಪಕ-ಉದ್ಯಮಿ ರಾಣಾ ದಗ್ಗುಬಾಟಿ ಅವರ ನಿವ್ವಳ ಆಸ್ತಿ 142 ಕೋಟಿ ಎಂದು ತಿಳಿದುಬಂದಿದೆ.
