ಬಿಗ್ ಬಾಸ್ ಮನೆಯಲ್ಲಿ ಈ ವಾರದ ಟಾಸ್ಕ್‌ಗಳು ಕುತೂಹಲಕರ ಮತ್ತು ಸ್ಪರ್ಧಾತ್ಮಕವಾಗಿ ಮುಂದುವರಿಯುತ್ತಿವೆ. ಶಾಕಿಂಗ್ ಎಲಿಮಿನೇಷನ್ ನಂತರ, ಸ್ಪರ್ಧಿಗಳು ದೊಡ್ಡ ಆಟಕ್ಕೆ ಮುಂದಾಗಿದ್ದು, ಈ ಬಾರಿ ಮನೆಯನ್ನು ಸುದ್ದಿ ವಾಹಿನಿಗಳ ರೀತಿಗೆ ಪರಿವರ್ತಿಸಲಾಗಿದೆ. ಸ್ಪರ್ಧಿಗಳನ್ನು ಸುರೇಶ್, ತ್ರಿವಿಕ್ರಮ್, ಭವ್ಯ, ಐಶ್ವರ್ಯ, ಗೌತಮಿ, ಮಂಜಣ್ಣ ಮತ್ತು ಧನರಾಜ್, ಹನುಮಂತ, ಶಿಶಿರ್, ರಜತ್, ಮೋಕ್ಷಿತಾ, ಚೈತ್ರಾ ಎಂದು ಎರಡು ತಂಡಗಳಾಗಿ ವಿಭಜಿಸಿ, ಪ್ರತಿ ತಂಡಕ್ಕೆ ವಿಭಿನ್ನ ಹೆಸರುಗಳನ್ನು ನೀಡಲಾಗಿದೆ. ಟಾಸ್ಕ್‌ನಲ್ಲಿ ನಿನ್ನೆ ಸುದ್ದಿ ಓದುವ ಮತ್ತು ಅಡುಗೆ ಮಾಡುವ ಸ್ಪರ್ಧೆಗಳನ್ನು ಏರ್ಪಡಿಸಿದ್ದು, ಜನರ ವೋಟ್ ಮೂಲಕ ಗೆದ್ದ ತಂಡವನ್ನು ನಿರ್ಧರಿಸಲಾಗುತ್ತದೆ. ಇಂದು ನಡೆದ ಎಸ್/ನೋ ಟಾಸ್ಕ್ ಕೂಡ ವಿಶೇಷವಾಗಿದ್ದು, ಸ್ಪರ್ಧಿಗಳು ಎದುರಾಳಿ ತಂಡದ ಸವಾಲುಗಳನ್ನು ಸ್ವೀಕರಿಸಿ ತಮ್ಮ ತಾಕತ್ತನ್ನು ತೋರಿಸಿದ್ದಾರೆ.
ಈ ಟಾಸ್ಕ್‌ಗಳಲ್ಲಿ ಐಶ್ವರ್ಯಾ, ಹಾಗಲಕಾಯಿ ತಿನ್ನುವ ಸವಾಲು ಸ್ವೀಕರಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ, ಗೌತಮಿ, ಮೆಣಸಿನ ಕಾಯಿ ತಿನ್ನುವ ಧೈರ್ಯ ತೋರಿಸಿ ಭರಪೂರ ಕಷ್ಟ ಅನುಭವಿಸಿದ್ದಾರೆ. ಇದರಿಂದಾಗಿ ಪ್ರೋಮೋಗಳಲ್ಲಿ ತೀವ್ರ ಭಾವನೆಗಳು ಮೂಡಿವೆ. ತ್ರಿವಿಕ್ರಮ್, ಶಿಶಿರ್ ಅವರ ನಡುವೆ ನಡೆದ ವ್ಯರ್ಥ ಮಾತುಕತೆಗಳು ಚರ್ಚೆಗೆ ಕಾರಣವಾಗಿದ್ದು, ವಿಶೇಷವಾಗಿ ತ್ರಿವಿಕ್ರಮ್ ಮತ್ತು ಚೈತ್ರಾ ನಡುವಿನ ಸಂಭಾಷಣೆ ಗರಂ ವಾತಾವರಣವನ್ನು ಸೃಷ್ಟಿಸಿದೆ. ಮಂಜು ರಜತ್ ಅವರು ತಲೆ ಬೋಳಿಸಬೇಕೆನ್ನುವ ಸವಾಲು ಕೊಟ್ಟಿದ್ದಾರೆ. ಈ ಸವಾಲನ್ನು ರಜತ್ ಸ್ವೀಕರಿಸಿ ತಲೆ ಬೋಳಿಸಲು ಮುಂದಾಗಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ. ಕಲ್ಚರ್ ಮತ್ತು ಮನೋಭಾವನೆಗಳ ಕುರಿತಾದ ಮಾತುಗಳು ತಂಡಗಳಲ್ಲಿನ ಭಿನ್ನಾಭಿಪ್ರಾಯವನ್ನು ತೀವ್ರಗೊಳಿಸುತ್ತಿವೆ. ಈ ಎಲ್ಲ ಸನ್ನಿವೇಶಗಳು ಪ್ರೇಕ್ಷಕರಲ್ಲಿ ಉದ್ವಿಗ್ನತೆ ಹೆಚ್ಚಿಸುತ್ತಿದ್ದು, ಮುಂದಿನ ದಿನಗಳಲ್ಲಿ ಬಿಗ್ ಬಾಸ್ ಮನೆಗೆ ಹೊಸ ತಿರುವುಗಳನ್ನು ತರುತ್ತವೆ ಎಂಬ ನಿರೀಕ್ಷೆ ಮೂಡುತ್ತಿದೆ.
