ಹನುಮಂತ ಈಗ ಮೊದಲಿನಂತಿಲ್ಲ. ವೈಲ್ಡ್ ಕಾರ್ಡ್ ಮೂಲಕ ಬಿಗ್ ಬಾಸ್ ಮನೆಯೊಳಗೆ ಬಂದ ಅವರು ಆರಂಭದಲ್ಲಿ ಎಲ್ಲದಕ್ಕೂ ಹಿಂಜರಿಯುತ್ತಿದ್ದರು. ಆದರೆ ಈಗ ನಿಧಾನಕ್ಕೆ ಅವರು ಬದಲಾಗಿದ್ದಾರೆ. ಅವರ ಆಟದ ವೈಖರಿ ತುಸು ವೈಲೆಂಟ್ ಆಗುತ್ತಿದೆ. ಹೊಸ ಟಾಸ್ಕ್ನಲ್ಲಿ ಅವರು ಮುನ್ನುಗ್ಗಿದ ರೀತಿ ಕಂಡು ಎಲ್ಲರಿಗೂ ಅಚ್ಚರಿ ಆಗಿದೆ. ಇಂದಿನ ಪ್ರೋಮೊದಲ್ಲಿ ಹನುಮಂತನ್ನದ್ದೇ ಕಾರುಬಾರು.
ಇದನ್ನು ಓದಿ: ಕೈ ಕೊಟ್ಟ ರೋಹಿತ್ ಶರ್ಮಾ; ಟೀಮ್ ಇಂಡಿಯಾಗೆ ಕ್ಯಾಪ್ಟನ್ ಯಾರು?
ಗ್ರಾಮೀಣ ಪ್ರತಿಭೆ ಹನುಮಂತ ‘ಬಿಗ್ ಬಾಸ್ ಕನ್ನಡ ಸೀಸನ್ 11’ ಶೋನಲ್ಲಿ ತಮ್ಮ ಬುದ್ಧಿವಂತಿಕೆ ತೋರಿಸುತ್ತಿದ್ದಾರೆ. ಇಷ್ಟು ದಿನ ಏನೂ ಗೊತ್ತಿಲ್ಲದವನ ಹಾಗೆ ಇರುತ್ತಿದ್ದ ಅವರು ಈಗ ಚುರುಕಾಗಿದ್ದಾರೆ. ಟಾಸ್ಕ್ ಆಡುವಾಗ ಹನುಮಂತ ಅವರು ಭಾರಿ ಹುಮ್ಮಸ್ಸಿನಿಂದ ಮುನ್ನುಗ್ಗಿದ್ದಾರೆ. ಅವರ ಆಟವನ್ನು ನೋಡಿ ತ್ರಿವಿಕ್ರಮ್ ಅವರಿಗೂ ಆಶ್ಚರ್ಯ ಆಗಿದೆ. ‘ನಿಜವಾದ ಗೇಮ್ ಹನುಮಂತನದ್ದು’ ಎಂದು ತ್ರಿವಿಕ್ರಮ್ ಹೇಳಿದ್ದಾರೆ. ‘ನೀ ಭಾರಿ ಅದಿ’ ಎಂದು ಧನರಾಜ್ ಕೂಡ ಹನುಮಂತನ ಬೆನ್ನು ತಟ್ಟಿದ್ದಾರೆ.
