ರ್ದೇಶಕ ತರುಣ್ ಸುಧೀರ್ ಶೀಘ್ರದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವ ವಿಚಾರ ಚಂದನವನದಲ್ಲಿ ಕಳೆದ ಕೆಲ ದಿನಗಳಿಂದ ಹರಿದಾಡುತ್ತಿದೆ.
ಸೋನಲ್ ಮಂಥೆರೋ ಜೊತೆ ಅವರು ಜೀವನದ ಹೊಸ ಹೆಜ್ಜೆಯನ್ನು ಇಡಲಿದ್ದಾರೆ ಎನ್ನಲಾಗುತ್ತಿದೆ. ಬಹುತೇಕ ತರುಣ್ – ಸೋನಲ್ ಪ್ರೇಮ್‌ ಕಹಾನಿ ಮದುವೆಯ ಹಂತಕ್ಕೆ ಬಂದಿರುವುದು ಅಧಿಕೃತವಾಗಿದ್ದು, ಈ ಬಗ್ಗೆ ಇಬ್ಬರು ಜೊತೆಯಾಗಿ ಮಾಧ್ಯಮಗಳೊಂದಿಗೆ ವಿಚಾರವನ್ನು ಹಂಚಿಕೊಳ್ಳಲು ಡೇಟ್‌ ಫಿಕ್ಸ್ ಆಗಿದೆ. ಜುಲೈ 22ರಂದು ತರುಣ್ ಸುಧೀರ್ ತಾನು ಕೈ ಹಿಡಿಯುವ ಹುಡುಗಿ, ತನ್ನ ಜೀವನದ ಹೀರೋಯಿನ್‌ ಯಾರೆಂದು ಬಹಿರಂಗ ಮಾಡಲಿದ್ದಾರೆ. ಹೀರೋಯಿನ್‌ – ಡೈರೆಕ್ಟರ್‌ ಕುರ್ಚಿಯ ಫೋಟೋವನ್ನು ಹಂಚಿಕೊಂಡು, ಕೊನೆಗೂ ನಿರ್ದೇಶಕರು ತನ್ನ ಜೀವನದ ನಾಯಕಿಯನ್ನು ಕಂಡುಕೊಂಡಿದ್ದಾರೆ” ಎಂದು ಬರೆದುಕೊಂಡಿದ್ದಾರೆ. ಈ ಫೋಟೋವನ್ನು ಸೋನಲ್ ಕೂಡ ಹಂಚಿಕೊಂಡಿದ್ದಾರೆ.
