ಸಿರಿಧಾನ್ಯಗಳಿಂದ ಪ್ರಧಾನಿ ಮೋದಿ ಭಾವಚಿತ್ರ ರಚಿಸಿ ಬಾಲಕಿಯೋರ್ವಳು ವಿಶ್ವ ದಾಖಲೆ ನಿರ್ಮಿಸಿದ್ದಾಳೆ. ಇದರ ವಿಡಿಯೋ ವೈರಲ್ ಆಗುತ್ತಿದೆ. 13 ವರ್ಷದ ಶಾಲಾ ವಿದ್ಯಾರ್ಥಿನಿ ಪ್ರೀಸ್ಲಿ ಶೆಕಿನಾ 800 ಕೆಜಿ ರಾಗಿಯನ್ನು ಬಳಸಿ ಸತತ 12 ಗಂಟೆಗಳ ಕಾಲ ಪ್ರಧಾನಿ ನರೇಂದ್ರ ಮೋದಿಯವರ ಭಾವಚಿತ್ರವನ್ನು ಬಿಡಿಸುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದ್ದಾಳೆ.
ಸೆಪ್ಟೆಂಬರ್ 17 ರಂದು ಪ್ರಧಾನಿ ಮೋದಿಯವರ ಜನ್ಮದಿನ. ಈ ಹಿನ್ನೆಲೆ ಅವರು ವಿಶ್ವದ ಅತಿದೊಡ್ಡ ರಾಗಿ ವರ್ಣಚಿತ್ರವನ್ನು ಅನಾವರಣಗೊಳಿಸಿದರು. ಬಾಲಕಿಗೆ ಚೆನ್ನೈನ ವೇಲಮ್ಮಲ್ ಶಾಲೆಯಲ್ಲಿ 8ನೇ ತರಗತಿಯಲ್ಲಿ ಓದುತ್ತಿದ್ದಾಳೆ. 800 ಕೆಜಿ ಸಿರಿಧಾನ್ಯಗಳನ್ನು ಬಳಸಿ 600 ಚದರ ಅಡಿಯಲ್ಲಿ ಪ್ರಧಾನಿ ಮೋದಿಯವರ ಬೃಹತ್ ಭಾವಚಿತ್ರವನ್ನು ಅವರು ಬಿಡಿಸಿದ್ದಾರೆ. ಅವರು 12 ಗಂಟೆಗಳ ಕಠಿಣ ಪರಿಶ್ರಮದ ನಂತರ ತಮ್ಮ ಚಿತ್ರಕಲೆಯನ್ನು ಪೂರ್ಣಗೊಳಿಸಿದರು. ಅದನ್ನು ಅವರು ಬೆಳಗ್ಗೆ 8.30ಕ್ಕೆ ಪ್ರಾರಂಭಿಸಿದರು ಮತ್ತು ಸಂಜೆ 8.30 ರವರೆಗೆ ಮುಗಿಸಿದರು.
ವಿದ್ಯಾರ್ಥಿ ಸಾಧನೆ ವಿಭಾಗದಲಿ ನೋಂದಾಯಿಸಲಾದ ಯುನಿಕೊ ವರ್ಲ್ಡ್ ರೆಕಾರ್ಡ್ ನಿಂದ ಪ್ರೀಸ್ಲಿಯನ್ನು ಗುರುತಿಸಲಾಗಿದೆ. ಯುನಿಕೋ ವರ್ಲ್ಡ್ ರೆಕಾರ್ಡ್ಸ್ ನಿರ್ದೇಶಕ ಆರ್. ಶಿವರಾಮನ್ ಅವರು ಪ್ರಮಾಣಪತ್ರ ಮತ್ತು ಪದಕ ನೀಡಿ ಗೌರವಿಸಿದರು. ಶಾಲಾ ಆಡಳಿತ ಮಂಡಳಿ ಪ್ರಾಂಶುಪಾಲರು, ಪೋಷಕರು ಮತ್ತು ಸಂಬಂಧಿಕರು ಬಾಲಕಿಯ ಸಾಧನೆಯನ್ನು ಶ್ಲಾಘಿಸಿದ್ದಾರೆ.