ಮಾಲಾಶ್ರೀ ಮಗಳು ಆರಾಧನಾ ರಾಮ್‌ ದರ್ಶನ್‌ ಅಭಿನಯದ ಕಾಟೇರಾ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ರು, ಸಿನಿಮಾದ ಸೂಪರ್‌ ಸಕ್ಸಸ್‌ನಿಂದಾಗಿ ಆರಾಧನಾಗೆ ಬಿಗ್‌ ಓಪನಿಂಗ್‌ ಸಿಕ್ಕಿದೆ. ಡಿಮ್ಯಾಂಡ್‌ ಕ್ರಿಯೇಟ್‌ ಆಗಿದೆ. ಆಫರ್‌ಗಳು ಬರ್ತಾ ಇವೆ. ಈ ನಡುವೆ ಆರಾಧನಾ ತಮಿಳು ಹಾಡೊಂದಕ್ಕೆ ರೀಲ್ಸ್‌ ಮಾಡಿ ಶೇರ್‌ ಮಾಡಿರೋದು ದರ್ಶನ್‌ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದಾರೆ.
ಪರಬಾಷಾ ಹೀರೋಯಿನ್‌ಗಳಿಗೆ ಅವಕಾಶ ಬೇಡವೆಂದು, ಕನ್ನಡ ನಟಿಯರಿಗೆ ಅವಕಾಶ ಸಿಗಬೇಕು ಎಂದು ಆರಾಧನಾಗೆ ದರ್ಶನ್‌ ಚಾನ್ಸ್‌ ಕೊಟ್ಟಿದ್ರು, ಈ ಹಿಂದಿನ ಸಿನಿಮಾಗಳಲ್ಲೂ ದರ್ಶನ್‌ ಕನ್ನಡ ನಟಿಯರಿಗೆ ಅವಕಾಶ ನೀಡಿದ್ದಾರೆ, ಆದ್ರೆ ಆರಾಧನಾ ಪರಭಾಷಾ ವ್ಯಾಮೋಹದಿಂದ, ಪರಭಾಷಾ ಹಾಡಿಗೆ ಕುಣಿದಿದ್ದಾರೆ, ನಿಯತ್ತಿಲ್ಲ, ನಾಯಿಗಿಂತ ಕಡೆ ಅಂತೆಲ್ಲಾ ಕಮೆಂಟ್‌ಗಳ ಸುರಿಮಳೆಯನ್ನೇ ಸುರಿಸ್ತಾ ಇದ್ದಾರೆ.
ದರ್ಶನ್‌ ಪ್ರಕರಣಕ್ಕೆ ಸಂಬಂಧ ಪಟ್ಟಂತೆ ಮಾಧ್ಯಮಗಳು ಕೇಳಿದಾಗ, ಯಾವುದೇ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ್ದೇ ಈಗ ಆರಾಧನಾಗೇ ಮುಳುವಾಗಿದೆ. ನೀನು ನಿನ್ನ ಅಮ್ಮನಷ್ಟೇನು ಒಳ್ಳೆ ನಟಿಯಲ್ಲ ಅಂತಲೂ ಕಮೆಂಟ್‌ ಮಾಡಿದ್ದಾರೆ.
ಜೊತೆಗೆ ಈಗ ಪರಭಾಷಾ ಹಾಡಿಗೆ ಸ್ಟೆಪ್‌ ಹಾಕಿರೋದು ದರ್ಶನ್‌ ಫ್ಯಾನ್ಸ್‌ ಜೊತೆಗೆ ಬೇರೆ ಕನ್ನಡ ಸಿನಿಮಾ ಪ್ರೇಮಿಗಳು ರೊಚ್ಚಿಗೇಳುವಂತೆ ಮಾಡಿದೆ.
