ಜೀ ಕನ್ನಡದಲ್ಲಿ ಡ್ಯಾನ್ಸ್‌ ಹಬ್ಬ ಮತ್ತೆ ಶುರುವಾಗಿದೆ. ಇಂದಿನಿಂದ ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ರಿಯಾಲಿಟಿ ಶೋನ ಹೊಸ ಸೀಸನ್‌ ಶುರುವಾಗ್ತಾ ಇದೆ. ಈ ಮೊದಲು ರಿಲೀಸ್‌ ಆಗಿದ್ದ ಪ್ರೋಮೊದಲ್ಲಿ ಶಿವರಾಜ್‌ಕುಮಾರ್‌ ಕುಣಿಯಲು ಬಾರದವರ ಕೈಲಿ ಡ್ಯಾನ್ಸ್‌ ಮಾಡಿಸೋದೇ ಈ ಬಾರಿಯ ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ಶೋನ ಸ್ಪೆಷಾಲಿಟಿ ಅನ್ನೋದನ್ನ ರಿವೀಲ್‌ ಮಾಡಿದ್ದರು. ಇದಕ್ಕೆ ತಕ್ಕಂತೆ ಕುಣಿಯಲು ಬಾರದ, ಕಿರುತೆರೆ, ಹಿರಿತೆರೆ ಹಾಗೂ ಇನ್ನಿತರ ರಂಗದಲ್ಲಿ ತಮ್ಮದೇ ಬ್ರಾಂಡ್‌ ಬೆಳೆಸಿಕೊಂಡಿರೋ 12 ಜನರನ್ನ ಶೋಗೆ ಕರೆತರಲಾಗಿದೆ.
ಬಿಗ್‌ಬಾಸ್‌ ಮನೆಗೆ ಎಂಟ್ರಿ ಕೊಟ್ಟ ನಂಬರ್‌ ಜ್ಯೋತಿಷಿ ಕಮ್‌ ಸಂಖ್ಯಾಶಾಸ್ತ್ರಜ್ಞ ಆರ್ಯವರ್ಧನ್‌ ಗುರುಜಿ, ಸಿದ್ದರಾಮಯ್ಯ, ದೇವೇಗೌಡ್ರ ಮಿಮಿಕ್ರಿಯಿಂದಲೇ ಮೆನಮಾತಾದ ಮಿಮಿಕ್ರಿ ಗೋಪಿ, ಒಳ್ಳೆ ಹುಡುಗ ಪ್ರಥಮ್‌, ಹಾಡುಗಾರ್ತಿ ಮಜಾಟಾಕೀಸ್‌ ಖ್ಯಾತಿಯ ರೆಮೋ, ಜೀ ಕನ್ನಡ ವಾಹಿನಿಯ ಪ್ರಸಿದ್ದ ಸೀರಿಯಲ್‌ನ ಕಲಾವಿದರಾದ ಸಿಹಿ, ಕಂಠಿ, ಸಹನಾ,ಪ್ರಿಯಾ,ವಿಶ್ವ, ಜೀವನ್‌ ಮಹಾನಟಿ ಶೊನ ಚಟ್ ಪಟ್‌ ಪಟಾಕಿ ಗಗನ, ಕಲರ್ಸ್‌ ಕನ್ನಡ ವಾಹಿನಿಯ ಕೆಂಡಸಂಪಿಗೆ ಸೀರಿಯಲ್‌ ಹೀರೋಯಿನ್‌ ಕಾವ್ಯ ಶೈವಾ ಡಿಕೆಡಿಯ ಸ್ಪರ್ಧಿಗಳಾಗಿದ್ದಾರೆ.
ಡ್ಯಾನ್ಸ್‌ ಲೆಜೆಂಡ್‌ ಕರುನಾಡ ಚಕ್ರವರ್ತಿ ಡಾ ಶಿವರಾಜ್‌ಕುಮಾರ್‌ ಮಹಾಗುರುವಾಗಿ, ರಕ್ಷಿತಾ ಪ್ರೇಮ್‌, ವಿಜಯ ರಾಘವೇಂದ್ರ, ಚಿನ್ನಿ ಮಾಸ್ಟರ್‌ ಜಡ್ಜ್‌ಗಳಾಗಿ ಶೋನ ಮೆರಗು ತುಂಬ್ತಾ ಇದ್ರೆ, ಅನುಶ್ರೀ ನಿರೂಪಣೆಯ ಜವಾಬ್ದಾರಿ ಹೊತ್ತಿದ್ದಾರೆ. ಈ ಜನಪ್ರಿಯ ರಿಯಾಲಿಟಿ ಶೋ ಇಂದಿನಿಂದ ಪ್ರತಿ ಶನಿವಾರ ಮತ್ತು ಭಾನುವಾರ ಸಂಜೆ 7.30ರಿಂದ 9ರವರೆಗೆ ಪ್ರಸಾರವಾಗಲಿದೆ. ಇಷ್ಟು ದಿನ ಡ್ಯಾನ್ಸ್‌ ಬಲ್ಲವರ ಡ್ಯಾನ್ಸ್‌ ನೋಡಿದ್ದ ಪ್ರೇಕ್ಷಕರಿಗೆ ಇನ್ಮುಂದೆ, ಈ ಟ್ರೆಂಡಿಂಗ್‌ ಸ್ಟಾರ್‌ಗಳ ಡ್ಯಾನ್ಸ್‌ ಧಮಾಕಾ ನೋಡೊ ಚಾನ್ಸ್.
