- ಹಿಂದಿ ಪಾತ್ರವಲ್ಲ ಕನ್ನಡ ವರ್ಷನ್ ಗೂ ಕೂಡ ಡಿಪ್ಪಿ ವಾಯ್ಸ್ ಕೊಟ್ಟಿದ್ದಾರಂತೆ.
- ಕಲ್ಕಿ ಸಿನಿಮಾದ ಬಗ್ಗೆ ಹೇಳೋದಾದರೆ 6000 ವರ್ಷಗಳ ಹಳೆಯ ಕಥೆ.
- ಹಿಂದಿಯಲ್ಲಿ ಪ್ರಸಿದ್ಧ ನಿರ್ಮಾಪಕ ಕಂ ವಿತರಕ ಅನಿಲ್ ತಡಾನಿಯವರು ಕಲ್ಕಿ ವಿತರಣೆ
ಡಾರ್ಲಿಂಗ್ ಪ್ರಭಾಸ್ ಅಭಿನಯದ ಮೋಸ್ಟ್ ಅವೈಟೆಡ್ ಸಿನಿಮಾಗಳ ಪೈಕಿ ಕಲ್ಕಿ 2898AD ಕೂಡ ಒಂದು. ಈ ಚಿತ್ರದಲ್ಲಿ ಬಾಲಿವುಡ್ ಬ್ಯೂಟಿ ದೀಪಿಕಾ ಪಡುಕೋಣೆ ಪದ್ಮ ಹೆಸರಿನ ಪಾತ್ರಕ್ಕೆ ಜೀವ ತುಂಬಿದ್ದಾರೆ.
ರೆಬೆಲ್ ಸ್ಟಾರ್ ಪ್ರಭಾಸ್ ಗೆ ಜೋಡಿಯಾಗಿ ಕಿಕ್ಕೇರಿಸೋ ಡಿಪ್ಪಿ, ಗರ್ಭಿಣಿಯಾಗಿದ್ರೂ ಕೂಡ ವೃತ್ತಿಪರತೆಯನ್ನ ಮರೆಯದೇ ತಮ್ಮ ಪಾತ್ರಕ್ಕೆ ತಾವೇ ಡಬ್ ಮಾಡಿದ್ದಾರಂತೆ.
ಇಂಟ್ರೆಸ್ಟಿಂಗ್ ಅಂದರೆ ಹಿಂದಿ ಪಾತ್ರವಲ್ಲ ಕನ್ನಡ ವರ್ಷನ್ ಗೂ ಕೂಡ ಡಿಪ್ಪಿ ವಾಯ್ಸ್ ಕೊಟ್ಟಿದ್ದಾರಂತೆ. ಅಂತರಾಷ್ಟ್ರೀಯ ಮಟ್ಟದಲ್ಲಿ ಗುರ್ತಿಸಿಕೊಂಡ್ರೂ ಕೂಡ ಮಾತೃಭಾಷೆಗೆ ಡಬ್ ಆದ ಕಲ್ಕಿ ಚಿತ್ರಕ್ಕೆ ಕನ್ನಡತಿ ಡಿಪ್ಪಿ ಸ್ವತಃ ಕಂಠದಾನ ಮಾಡಿರುವುದು ವಿಶೇಷ. ಅದರಲ್ಲೂ, ಪ್ರಗ್ನೆಸಿ ಟೈಮ್ ನಲ್ಲಿ ಆಯಾಗಿ ಮನೆಯಲ್ಲಿ ಕೂರದೇ, ತಾವು ಕಮಿಟ್ ಆಗಿರುವ ಸಿನಿಮಾಗಳ ಕೆಲಸಗಳನ್ನು ಪದ್ಮಾವತಿ ದೀಪಿಕಾ ಪಡುಕೋಣೆ ಅಚ್ಚುಕಟ್ಟಾಗಿ ಮುಗಿಸಿಕೊಡ್ತಿದ್ದಾರೆ. ಇದು ನಟಿ ದೀಪಿಕಾ ಕಲೆಗೆ ಕೊಡ್ತಿರುವ ಗೌರವ. ನಟನಾವೃತ್ತಿ ಮೇಲಿರುವ ಪ್ರೀತಿ ಮತ್ತು ಬದ್ಧತೆಗೆ ಸಾಕ್ಷಿಯಾಗುತ್ತೆ.
ಇನ್ನೂ ಕಲ್ಕಿ ಸಿನಿಮಾದ ಬಗ್ಗೆ ಹೇಳೋದಾದರೆ 6000 ವರ್ಷಗಳ ಹಳೆಯ ಕಥೆ. ಇದನ್ನ ಭೂತ ಮತ್ತು ಭವಿಷ್ಯತ್ ಕಾಲದಲ್ಲಿ ಮಹಾನಟಿ ಖ್ಯಾತಿಯ ನಿರ್ದೇಶಕ ನಾಗ್ ಅಶ್ವಿನ್ ಕಟ್ಟಿಕೊಟ್ಟಿದ್ದಾರೆ. ಸೈನ್ಸ್ ಫಿಕ್ಷನ್ ಪ್ಲಸ್ ಆಕ್ಷನ್ ಜಾನರ್ ನಲ್ಲಿ ತಯಾರಾಗಿರೋ ಕಲ್ಕಿನಲ್ಲಿ ಅತೀ ದೊಡ್ಡ ತಾರಾಬಳಗವಿದೆ. ಡಾರ್ಲಿಂಗ್ ಪ್ರಭಾಸ್ ಹೀರೋ, ದೀಪಿಕಾ ಹಾಗೂ ದಿಶಾ ಪಠಾಣಿ ಹೀರೋಯಿನ್ಸಾಗಿ ಮಿಂಚಿದ್ದಾರೆ. ಬಿಟೌನ್ ಬಿಗ್ ಬಿ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್ ಒಳಗೊಂಡಂತೆ ಬಿಗ್ ಸ್ಟಾರ್ ಕಾಸ್ಟ್ ಕಲ್ಕಿನಲ್ಲಿದೆ.
ಸುಮಾರು 600 ಕೋಟಿ ವೆಚ್ಚದಲ್ಲಿ ಈ ಸಿನಿಮಾ ತಯಾರಾಗಿದೆ. ಈಗಾಗಲೇ ಪ್ರಿ ರಿಲೀಸ್ ಬ್ಯುಸಿನೆಸ್ ನಲ್ಲಿ 750 ಕೋಟಿ ಬಾಚಿಕೊಂಡಿದೆ ಎಂಬ ಸುದ್ದಿ ಬಿಗ್ ಬ್ರೇಕಿಂಗ್ ನ್ಯೂಸ್ ಆಗಿದೆ. ಹಿಂದಿಯಲ್ಲಿ ಪ್ರಸಿದ್ಧ ನಿರ್ಮಾಪಕ ಕಂ ವಿತರಕ ಅನಿಲ್ ತಡಾನಿಯವರು ಕಲ್ಕಿ ವಿತರಣೆ ಮಾಡಿದ್ದಾರೆ.
ಕನ್ನಡದಲ್ಲಿ ಕೆವಿಎನ್ ಸಂಸ್ಥೆ ಡಿಸ್ಟ್ರಿಬ್ಯೂಟ್ ಮಾಡ್ತಿದೆ. ಜಗದೇಕ ವೀರಡು ಅತಿಲೋಕ ಸುಂದರಿ, ಮಹಾನಟಿಯಂತಹ ಬ್ಲಾಕ್ ಬಸ್ಟರ್ ಚಿತ್ರಗಳನ್ನ ನಿರ್ಮಿಸಿರೋ ವೈಜಯಂತಿ ಮೂವೀಸ್ ಈಗ ಕಲ್ಕಿಗೆ ಬಂಡವಾಳ ಸುರಿದಿದೆ. ಎರಡು ಭಾಗಗಳಾಗಿ ಕಲ್ಕಿ ತಯಾರಾಗಿದ್ದು, ಇದರ ಮೊದಲ ಭಾಗ ಜೂನ್‌27 ರಂದು ವರ್ಲ್ಡ್ ವೈಡ್ ತೆರೆಕಾಣಲಿದೆ.
