ಜೇನ ಧನಿಯೋಳೆ, ಮೀನ ಕಣ್ಣೋಳೆ, ಸೊಬಗೇ ಮೈದುಂಬಿದೆ..
ಹಂಸ ನಡೆಯೋಳೆ, ಎದೆಗೆ ಇಳಿದೋಳೆ, ಜೀವ ಝಲ್‌ ಎಂದಿದೆ..
ಪಾದ ಪದ್ಯಾನ ಬರೆದ ಹಾಗಿರುವ ಹೆಜ್ಜೆಯ ಮುದ್ರೆಯೂ..
ನಿನ್ನ ನಡೆಕಂಡು ಹಿಂದೆ ಬರಬಹುದು ತಂಗೆಯೂ ಭದ್ರೆಯೂ..
ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಕೃಷ್ಣಂ ಪ್ರಣಯ ಸಖಿ ಸಿನಿಮಾದ ರೊಮ್ಯಾಂಟಿಕ್‌ ಹಾಡಿನ ಸಾಲುಗಳಿವು, ನಿನ್ನೆಯಷ್ಟೆ ರಿಲೀಸ್‌ ಆಗಿರೋ ಈ ಮೆಲೋಡಿಯಸ್‌ ಹಾಡನ್ನ ಬರೆದಿರೋದು ಕನ್ನಡದ ಹೆಮ್ಮೆಯ ಗೀತರಚನೆಕಾರ ಡಾ.ವಿ ನಾಗೇಂದ್ರ ಪ್ರಸಾದ್‌. ಅಬ್ಬರದ ಪರಭಾಷಾ ಸಾಲುಗಳ್ಳುಳ್ಳ ಸಾಂಗುಗಳ ನಡುವೆ, ಬರೀಯ ಕನ್ನಡದ ಪದಗಳನ್ನೇ ಫೋಣಿಸಿ ಮುದ್ದಾಗಿ ಬರೆದ ಸಾಲುಗಳ ಈ ಹಾಡು, ಮುಂಗಾರು ಮಳೆಯ ಸೀಸನ್‌ನಲ್ಲಿ ತಂಪೆರೆವ ತಣ್ಣನೆ ತುಂತುರು ಮಳೆಯಂತೆ ಕಾಡಲಿದೆ.
ಇದೇ ಆಗಸ್ಟ್‌ 15ರಂದು ತೆರೆಗೆ ಬರ್ತಾ ಇರೋ ಕೃಷ್ಣಂ ಪ್ರಣಯ ಸಖಿಯಲ್ಲಿದೆ ಈ ಹಾಡು, ಈ ಹಾಡಿ ಮ್ಯಾಜಿಕಲ್‌ ಕಂಪೋಸರ್‌ ಅರ್ಜುನ್‌ ಜನ್ಯ ಮ್ಯೂಸಿಕ್‌ ಕಂಪೋಸ್‌ ಮಾಡಿದ್ದು, ನಾಗೇಂದ್ರ ಪ್ರಸಾದ್‌ ಲಿರಿಕ್ಸ್‌ ಕಿವಿಗೆ ತಂಪೆರೆಯುತ್ತೆ. ಈ ಹಾಡನ್ನ ಸರಿಗಮಪ ರಿಯಾಲಿಟಿ ಶೋ ಖ್ಯಾತಿಯ ಜಸ್ಕರಣ್‌ ಸಿಂಗ್‌ ಹಾಡಿದ್ದಾರೆ. ಇದೇ ಮೊದಲ ಬಾರಿಗೆ ಸಿನಿಮಾಕ್ಕಾಗಿ ಹಾಡಿರೋ ಜಸ್ಕರಣ್‌ ವಾಯ್ಸ್‌ನಲ್ಲಿ ಹಾಡು ಫ್ರೆಶ್‌ ಅನ್ನಿಸ್ತಾ ಇದೆ. ಈ ಮೆಲೋಡಿಯಸ್‌ ಹಾಡಿಗೆ ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಹಾಗೂ ಮಾಳ್ವಿಕಾ ನಾಯರ್‌ ಹೆಜ್ಜೆ ಹಾಕಿದ್ದಾರೆ. ತೆಲುಗಿನ ಪಾಪ್ಯುಲರ್‌ ಕೊರಿಯೋಗ್ರಾಫರ್‌ ಶೇಖರ್‌ ಮಾಸ್ಟರ್‌ ಈ ಹಾಡಿಗೆ ಕೊರಿಯೋಗ್ರಾಫ್‌ ಮಾಡಿಸಿದ್ದಾರೆ.
ಈಗಾಗ್ಲೆ ಸಿನಿಮಾದ ಎರಡೂ ಹಾಡುಗಳು ರಿಲೀಸ್‌ ಆಗಿದ್ದು, ಈ 2 ಹಾಡುಗಳು ಅದಾಗ್ಲೆ ವೈರಲ್ ಆಗಿವೆ. ಈಗ ರಿಲೀಸ್‌ ಆಗಿರೋ ಹಾಡುಕೂಡ ಪಾಪ್ಯುಲರ್‌ ಹಾಡುಗಳ ಪ್ಲೇಲಿಸ್ಟ್‌ ಸೇರೋದ್ರಲ್ಲಿ ಡೌಟೇ ಇಲ್ಲ. ಕೃಷ್ಣಂ ಪ್ರಣಯ ಸಖಿ ಸಿನಿಮಾವನ್ನ ದಂಡುಪಾಳ್ಯ ಸಿನಿಮಾದ ನಿರ್ದೇಶಕ ಶ್ರೀನಿವಾಸ್‌ ರಾಜು ಡೈರೆಕ್ಟ್‌ ಮಾಡ್ತಾ ಇದ್ದು, ಪ್ರಶಾಂತ್‌ ಜಿ ರುದ್ರಪ್ಪ ನಿರ್ಮಾಣ ಮಾಡ್ತಾ ಇದ್ದಾರೆ. ಬಹಳ ದಿನಗಳ ನಂತ್ರ ಕನ್ನಡದಲ್ಲಿ ರಿಲೀಸ್‌ ಆಗ್ತಾ ಇರೋ ರೊಮ್ಯಾಂಟಿಕ್‌ ಫ್ಯಾಮಿಲಿ ಡ್ರಾಮ ಜನರನ್ನ ಹಾಡುಗಳ ಮೂಲಕವೇ ಥಿಯೇಟರ್‌ಗೆ ಕರೆತರೋದ್ರಲ್ಲಿ ಡೌಟಿಲ್ಲ.
