ಮಲಯಾಳಂನ ಸೂಪರ್ ಹಿಟ್ ಸಿನಿಮಾ ʼಆವೇಷಂʼ ಈಗ ತೆಲುಗಿಗೆ ರಿಮೇಕ್ ಆಗುತ್ತಿದೆ. ಫಹದ್ ಫಾಜಿಲ್ ಅಭಿನಯದ ʻಆವೇಷಂʼ ಚಿತ್ರ ಕಳೆದ ಏಪ್ರಿಲ್ ನಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರವನ್ನು ಜಿತು ಮಾಧವನ್ ನಿರ್ದೇಶಿಸಿದ್ದಾರೆ. ಮನ್ಸೂರ್ ಅಲಿ ಖಾನ್, ಆಸಿಸ್ ವಿದ್ಯಾರ್ಥಿ, ಸಜಿನ್ ಗೋಬು, ಪೂಜಾ ಮೋಹನರಾಜ್ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಮಲಯಾಳಂ ಚಿತ್ರಗಳು 2024 ರಲ್ಲಿ ದಾಖಲೆಯ ಕಲೆಕ್ಷನ್ ಮಾಡುತ್ತಿವೆ. ಮಂಜುಮ್ಮಲ್‌ ಬಾಯ್ಸ್‌, ಪ್ರೇಮಾಲು ಮತ್ತು ಆಡುಜೀವಿತಂ ಒಟ್ಟಿಗೆ 100 ಕೋಟಿ ಕಲೆಕ್ಷನ್ ಪಟ್ಟಿಯಲ್ಲಿ ಇತಿಹಾಸವನ್ನು ಸೃಷ್ಟಿಸಿದರೆ, ಫಹದ್ ಅವರ ಆವೇಷಂ ಕೂಡ ಆ ಅನುಕ್ರಮದಲ್ಲಿ ಬಾಕ್ಸ್ ಆಫೀಸ್ ಅನ್ನು ಅಲ್ಲಾಡಿಸಿತು.
ನಾಯಕಿ ಇಲ್ಲದೆ ತೆರೆಕಂಡತಹ ಸಿನಿಮಾವಾದರು, ‘ಆವೇಷಂ’ ಭರ್ಜರಿ ಯಶಸ್ಸು ಕಂಡಿತ್ತು. ಈಗ ಈ ಸಿನಿಮಾ ತೆಲುಗಿಗೆ ರಿಮೇಕ್ ಆಗಲಿದೆಯಂತೆ. ಆವೇಶಂ ತೆಲುಗು ರಿಮೇಕ್‌ನಲ್ಲಿ ಬಾಲಕೃಷ್ಣ ನಟಿಸಲಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆಯುತ್ತಿದೆ. ಆದರೆ ಅಧಿಕೃತ ಘೋಷಣೆ ಇನ್ನಷ್ಟೇ ಬರಬೇಕಿದೆ. ಈ ಸಿನಿಮಾದ ಕಥೆ ತೆಲುಗಿನ ನೇಟಿವಿಟಿಗೆ ಹೊಂದಿಕೊಳ್ಳಲಿದೆಯಂತೆ. ಈ ಚಿತ್ರಕ್ಕೆ ಸಂಬಂಧಿಸಿದ ಅಧಿಕೃತ ಘೋಷಣೆ ಶೀಘ್ರದಲ್ಲೇ ಬರಲಿದೆ.
