ಟಿಟೌನ್ ಸ್ಟಾರ್, ಸೌತ್ ಸುಂದರಿ ಸಮಂತಾ ಮಾಜಿ ಪತಿ ಅಕ್ಕಿನೇನಿ ನಾಗಚೈತನ್ಯ ಬುಜ್ಜಿ ಜತೆ ಸಖತ್ ಚಿಲ್ ಮಾಡಿದ್ದಾರೆ. ತುಂಬಾ ಎಕ್ಸೈಟ್ ಆಗಿ ಬುಜ್ಜಿ ಜೊತೆ ಸವಾರಿ ಹೊರಟ ಚೈ ಕೊನೆಗೆ ಶಾಕ್ ಆಗಿದ್ದಾರೆ. ಈ ಸುದ್ದಿ ಓದಿದ್ಮೇಲೆ ಯಾರ್ರೀ ಬುಜ್ಜಿ ? ಹೀಗೊಂದು ಕುತೂಹಲವಂತೂ ಮೂಡುತ್ತದೆ. ಆ ಕುತೂಹಲಕ್ಕೆ ಉತ್ತರ ಕಲ್ಕಿ ಸಿನಿಮಾದ ಸ್ಪೆಷಲ್ ಕಾರು ಬುಜ್ಜಿ ಬಗ್ಗೆ ಹೇಳಬೇಕು..
ಕಲ್ಕಿ ಸಿನಿಮಾಗಾಗಿ ಬುಜ್ಜಿ ಹೆಸರಿನ ಸ್ಪೆಷಲ್ ಕಾರನ್ನ ತಯಾರಿಸಲಾಗಿದೆ. ಇತ್ತೀಚಿಗಷ್ಟೇ ಹೈದಾರಾಬಾದ್ ನಲ್ಲಿ ಆ ಸ್ಪೆಷಲ್ ಕಾರನ್ನ ಇಂಟ್ರುಡ್ಯೂಸ್ ಮಾಡಲಾಯ್ತು. ಕಾರ್ಯಕ್ರಮಕ್ಕೆ ಡಾರ್ಲಿಂಗ್ ಪ್ರಭಾಸ್ ಬುಜ್ಜಿನಾ ಡ್ರೈವ್ ಮಾಡ್ಕೊಂಡು ಗ್ರ್ಯಾಂಡ್ ಆಗಿ ಎಂಟ್ರಿಕೊಟ್ಟಿದ್ದರು. ಇನ್ನೂ ಕಲ್ಕಿಯಲ್ಲಿ ಬುಜ್ಜಿ ಮಹತ್ವದ ಪಾತ್ರ ವಹಿಸಲಿದ್ದು, ಪ್ರಭಾಸ್ ಉರುಫ್ ಭೈರವನ ಆಪ್ತ ಸ್ನೇಹಿತನಾಗಿ ಕೆಲಸ ಮಾಡುತ್ತಂತೆ. ಈ ಬಗ್ಗೆ ಖುದ್ದು ಚಿತ್ರತಂಡವೇ ಇಂಟ್ರೆಸ್ಟಿಂಗ್ ಮಾಹಿತಿ ರಿವೀಲ್ ಮಾಡಿದೆ.
ಇದೀಗ ಅಕ್ಕಿನೇನಿ ನಾಗಚೈತನ್ಯ ಪ್ರಭಾಸ್ ಓಡಿಸಿದ್ದ ಬುಜ್ಜಿ ಕಾರ್ ನ ಡ್ರೈವ್ ಮಾಡಿದ್ದಾರೆ. ಬುಜ್ಜಿನಾ ರೇಸ್ ಟ್ರ್ಯಾಕ್ ಗಿಳಿಸಿ ಸಖತ್ ಎಂಜಾಯ್ ಮಾಡಿದ್ದಾರೆ. ಥ್ರಿಲ್ಲಿಂಗ್ ಅನುಭವ ಕೊಟ್ಟ ಬುಜ್ಜಿ ಬಗ್ಗೆ ಚೈ ಮಾತನಾಡಿದ್ದು, ಆ ವಿಡಿಯೋನಾ ವೈಜಯಂತಿ ಮೂವೀಸ್ ಸಂಸ್ಥೆ ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.
ಪ್ರಭಾಸ್ ನಟನೆಯ ‘ಕಲ್ಕಿ 2898 ಎಡಿ’ ಸಿನಿಮಾ ಬಗ್ಗೆ ಸಾಕಷ್ಟು ನಿರೀಕ್ಷೆ ಸೃಷ್ಟಿಯಾಗಿದೆ. ಪ್ರಭಾಸ್ ಜೊತೆ ಅಮಿತಾಭ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ ಮೊದಲಾದವರು ನಟಿಸಿದ್ದಾರೆ. ಈ ಚಿತ್ರವನ್ನು ನಾಗ್ ಅಶ್ವಿನ್ ಅವರು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದ ಬಜೆಟ್ 600 ಕೋಟಿ ರೂಪಾಯಿಗೂ ಅಧಿಕವಾಗಿದೆ. ಈ ಚಿತ್ರದ ಪ್ರಚಾರದ ಬಜೆಟ್ 60 ಕೋಟಿ ರೂಪಾಯಿ ಇದೆ. ಸದ್ಯ ಬುಜ್ಜಿ ಕಾರು ಎಲ್ಲರ ಗಮನ ಸೆಳೆಯುತ್ತಿದೆ.
ಫ್ಯಾನ್ಸ್ ಮಾತ್ರವಲ್ಲ ಸೆಲೆಬ್ರಿಟಿಗಳು ಕೂಡ ಬುಜ್ಜಿ ಜೊತೆ ರೈಡ್ ಹೋಗಲಿಕ್ಕೆ ಕಾತುರರಾಗಿದ್ದಾರೆ. ಇಂಟ್ರೆಸ್ಟಿಂಗ್ ಅಂದರೆ ಅಭಿಮಾನಿಗಳಿಗೆ ಬುಜ್ಜಿ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳೋಕೆ ಅವಕಾಶ ಮಾಡಿಕೊಡಲಾಗ್ತಿದೆ. ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ಬುಜ್ಜಿ ಕಾರನ್ನ ಪಾರ್ಕ್ ಮಾಡಿ ಸೆಲ್ಫಿ ಕಾಂಟ್ಯಾಸ್ಟ್ ಗೆ ಅನುವು ಮಾಡಿಕೊಡ್ತಿದೆ. ಕಲ್ಕಿ ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು, ಪ್ರಚಾರಕ್ಕೆ ಕಿಕ್ ಸ್ಟಾರ್ಟ್ ನೀಡಲಾಗಿದೆ. ಇದೇ ಜೂನ್‌27 ರಂದು ಸಿನಿಮಾ ಅದ್ದೂರಿಯಾಗಿ ತೆರೆಗೆ ಬರ್ತಿದೆ.
