- ಶೋಭಿತ ಧೂಳಿಪಾಲ ಜೊತೆ ಸಿಕ್ಕಿಬಿದ್ದ ನಾಗಚೈತನ್ಯ
- ನಾಗಚೈತನ್ಯ , ಶೋಭಿತ ಜೊತೆಗಿದ್ದ ಫೋಟೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್
ಸೌತ್‌ ಸುಂದರಿ ಸಮಂತಾ ಮಾಜಿ ಗಂಡ ಅಕ್ಕಿನೇನಿ ನಾಗಚೈತನ್ಯ, ಶೋಭಿತ ಧೂಳಿಪಾಲ ಜೊತೆ ಸಿಕ್ಕಿಬಿದ್ದಿದ್ದಾರೆ. ಅಷ್ಟಕ್ಕೂ, ಚೈ ನಟಿ ಶೋಭಿತ ಜೊತೆ ಕಾಣಿಸಿಕೊಳ್ಳೋದು ಇದೇನು ಮೊದಲಲ್ಲ. ಆದರೆ, ಮೀಡಿಯಾಗಳ ಕ್ಯಾಮೆರಾ ಕಣ್ಣು ತಪ್ಪಿಸಿ ಶೋಭಿತ ಜೊತೆ ಫಾರೆಸ್ಟ್‌, ಪಾರ್ಟಿ, ಫಾರಿನ್‌ ಅಂತ ಸುತ್ತಾಡೋ ಚೈ ಇದೀಗ ಮತ್ತೊಮ್ಮೆ ಆಕೆ ಜೊತೆ ಪ್ರತ್ಯಕ್ಷಗೊಂಡು ಬಿಗ್ ಬ್ರೇಕಿಂಗ್‌ ನ್ಯೂಸ್ ಆಗಿದ್ದಾರೆ.
ಪತ್ನಿ ಸ್ಯಾಮ್‌ಗೆ ಡಿವೋರ್ಸ್‌ ಕೊಟ್ಟಾಗಿಂದಲೂ ಅಕ್ಕಿನೇನಿ ನಾಗಚೈತನ್ಯ ಹೆಸರು ನಟಿ ಶೋಭಿತ ಜೊತೆ ಕೇಳಿಬರ್ತಿದೆ. ಈಕೆ ಜೊತೆ ರಿಲೇಷನ್‌ಶಿಪ್‌ನಲ್ಲಿದ್ದಾರೆ. ಇಬ್ಬರು ಕೂಡಿ ಡೇಟಿಂಗ್‌ ಮಾಡ್ತಿದ್ದಾರೆ ಅಂತೆಲ್ಲಾ ಸುದ್ದಿಯಾಗುತ್ತಲೇ ಇದೆ. ಆದರೆ, ಈ ಬಗ್ಗೆ ತಲೆಕೆಡಿಸಿಕೊಳ್ಳದೇ ರಿಯಾಕ್ಟ್‌ ಮಾಡದೆ ಚೈತನ್ಯ ಹಾಗೂ ಶೋಭಿತ ಪಾಪರಾಜಿಗಳ ಕಣ್ಣು ತಪ್ಪಿಸಿ ಓಡಾಡ್ತಿದ್ದಾರೆ. ಸದ್ಯ ಯುರೋಪ್‌ ಪ್ರವಾಸದಲ್ಲಿರೋ ಈ ರೂಮರ್ಡ್‌ ಲವ್‌ ಬರ್ಡ್ಸ್‌ ವೈನ್‌ ಟೇಸ್ಟಿಂಗ್‌ ಸೆಷನ್‌ನಲ್ಲಿ ಪಾಲ್ಗೊಂಡಿದ್ದಾರೆ. ಅಲ್ಲಿ ಯಾರೋ ಫೋಟೋ ಕ್ಲಿಕ್ಕಿಸಿದ್ದು ಸದ್ಯ ಸೋಷಿಯಲ್‌ ಮೀಡಿಯಾದಲ್ಲಿ ಈ ಫೋಟೋ ಸಿಕ್ಕಾಪಟ್ಟೆ ಸದ್ದುಸುದ್ದಿ ಮಾಡ್ತಿದೆ.
ಇವತ್ತು ನಟಿ ಶೋಭಿತ ಧೂಳಿಪಾಲ ಹುಟ್ಟುಹಬ್ಬ. ಹೀಗಾಗಿ, ಈ ಜೋಡಿ ಫಾರಿನ್‌ಗೆ ಹಾರಿರಬಹುದು. ಅಲ್ಲಿ ಬರ್ತ್‌ಡೇ ಸೆಲಬ್ರೇಷನ್‌ ಪ್ಲಸ್‌ ಹಾಲಿಡೇ ವೆಕೇಷನ್‌ ಮುಗಿಸೋಕೆ ಪ್ಲಾನ್‌ ಮಾಡ್ಕೊಂಡು ತೆರಳಿರಬಹುದು. ಅಷ್ಟಕ್ಕೂ, ಇಬ್ಬರು ಕೋಡಿ ವಿದೇಶಕ್ಕೆ ಹಾರೋದು ಇದೇನು ಮೊದಲಲ್ಲ. ಈ ಹಿಂದೆ ಲಂಡನ್‌ಗೆ ಹೋಗಿ ರೆಸ್ಟೋರೆಂಟ್‌ನಲ್ಲಿ ಊಟ ಮಾಡ್ತಿದ್ದಾಗ ಕ್ಯಾಮೆರಾ ಕಣ್ಣಿಗೆ ತಗ್ಲಾಕ್ಕೊಂಡಿದ್ದರು. ಹೋಟೆಲ್‌ನ ಮಾಣಿಯೊಬ್ಬ ಫೋಟೋ ತಗೊಂಡು ಅದನ್ನ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇದ್ರಿಂದ ಟಿಟೌನ್‌ಗೆ ನಾಗಚೈತನ್ಯ ಹಾಗೂ ಶೋಭಿತ ಡೇಟಿಂಗ್‌ನಲ್ಲಿರುವ ವಿಚಾರ ತಿಳಿದಿತ್ತು.
ಇನ್ನೂ ಇತ್ತೀಚೆಗೆ ಕಾಡಲ್ಲಿ ಸಫಾರಿ ಹೋಗಿಬಂದಿದ್ದರು. ಒಟ್ಟಿಗೆ ಇರುವ ಫೋಟೋಗಳನ್ನ ಹಂಚಿಕೊಳ್ಳದ ಈ ಜೋಡಿ ಸಿಂಗಲ್‌ ಫೋಟೋಗಳನ್ನಷ್ಟೇ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿತ್ತು. ಆದರೂ ಕೂಡ ತಲೆ ಉಪಯೋಗಿಸಿದ ನೆಟ್ಟಿಗರು ಇಬ್ಬರು ಹಂಚಿಕೊಂಡಿರುವ ಫೋಟೋದಲ್ಲಿ ಬ್ಯಾಕ್‌ಡ್ರಾಪ್‌ ಸೇಮ್‌ ಇದೆ. ಇಬ್ಬರು ಕೂಡಿನೇ ಕಾಡಲ್ಲಿ ಸುತ್ತಾಡಿದ್ದಾರೆ, ಬಟ್‌ ನಮಗೆ ಯಾಮಾರಿಸಿದ್ದಾರೆ ಅಂತ ಕಲರ್‌ ಕಲರ್‌ ಕಮೆಂಟ್‌ ಹಾಕಿ ರೂಮರ್ಡ್‌ ಲವ್‌ ಬರ್ಡ್ಸ್‌ನ ತರಾಟೆಗೆ ತೆಗೆದುಕೊಂಡಿದ್ದರು. ಅದರಲ್ಲೂ ಸ್ಯಾಮ್‌ ಫ್ಯಾನ್ಸ್ ಅಂತೂ ಉರಿದು ಉರಿದು ಬಿದ್ದಿದ್ದರು. ಮನಸ್ತಾಪ ಮರೆತು ಒಂದಾಗಿ ಅಂದರೆ ಬೇರೆ ನಟಿಯ ಹಿಂದೆ ಹೋಗ್ತೀರಾ ಚೈ ಅಂತ ಎಕ್ಕಾಮಕ್ಕಾ ಕ್ಲಾಸ್‌ ತಗೊಂಡಿದ್ದರು. ಆದರೆ, ಸ್ಯಾಮ್‌ ಅಂಡ್‌ ಚೈ ಒಂದಾಗುವ ಲಕ್ಷಣಗಳು ಕಾಣ್ತಿಲ್ಲ. ಪರಸ್ಪರ ಡಿವೋರ್ಸ್‌ ಘೋಷಿಸಿಕೊಂಡು ತಮ್ಮ ಜೀವನ ತಾವು ನೋಡಿಕೊಳ್ತಿದ್ದಾರೆ. ಅಭಿಮಾನಿಗಳು ಮಾತ್ರ ಈಗಲೂ ಮನಂ ಜೋಡಿ ಒಂದಾಗುವ ಕ್ಷಣಕ್ಕಾಗಿ ಕಾಯ್ತಿದ್ದಾರೆ.
