ಗಾಸಿಪ್‌ ಲೋಕದಲ್ಲಿ ಕೇಳಿಬಂದ ಸುದ್ದಿ ಕೊನೆಗೂ ನಿಜವಾಗಿದೆ. ಇಷ್ಟು ದಿನ ಕ್ಯಾಮೆರಾ ಕಣ್ಣು ತಪ್ಪಿಸಿ ಗೆಳತಿ ಶೋಭಿತಾ ಜೊತೆ ಕದ್ದುಮುಚ್ಚಿ ಓಡಾಡ್ತಿದ್ದ ಅಕ್ಕಿನೇನಿ ನಾಗಚೈತನ್ಯ ಕೊನೆಗೂ ಗರ್ಲ್‌ಫ್ರೆಂಡ್‌ ಜೊತೆ ಕ್ಯಾಮೆರಾ ಮುಂದೆ ಬಂದಿದ್ದಾರೆ. ಮಾತ್ರವಲ್ಲ ಬಿಗ್ ಬ್ರೇಕಿಂಗ್‌ ನ್ಯೂಸ್ ಕೊಟ್ಟಿದ್ದಾರೆ. ಹೌದು ತಮ್ಮ ಪ್ರೇಯಸಿ ಶೋಭಿತಾ ಜೊತೆ ಎಂಗೇಜ್‌ಮೆಂಟ್‌ ಮಾಡ್ಕೊಂಡಿದ್ದಾರೆ. ಈ ವಿಚಾರವನ್ನ ಚೈತನ್ಯ ತಂದೆ ಟಾಲಿವುಡ್‌ ನಟ ಅಕ್ಕಿನೇನಿ ನಾಗಾರ್ಜನ್‌ ಕನ್ಫರ್ಮ್‌ ಮಾಡಿದ್ದಾರೆ. ಚೈತನ್ಯ ಹಾಗೂ ಶೋಭಿತಾ ನಿಶ್ಚಿತಾರ್ಥ ಮಾಡ್ಕೊಂಡಿರು ಫೋಟೋಗಳನ್ನ ತಮ್ಮ ಸೋಷಿಯಲ್‌ ಪುಟದಲ್ಲಿ ಹಂಚಿಕೊಂಡು ತಮ್ಮ ಕುಟುಂಬಕ್ಕೆ ಪ್ರೀತಿಯಿಂದ ನಟಿ ಶೋಭಿತಾರನ್ನ ಬರಮಾಡಿಕೊಂಡಿದ್ದಾರೆ.
ಈ ಫೊಟೋಗಳನ್ನ ನೋಡಿ ಸ್ಯಾಮ್‌ ಫ್ಯಾನ್ಸ್ ಉರಿದುರಿದು ಬೀಳ್ತಿದ್ದಾರೆ. ಹೌದು, ಚೈ ಹಾಗೂ ಸ್ಯಾಮ್‌ ಒಂದಾಗ್ಬೇಕು ಅನ್ನೋದು ಮನಂ ಜೋಡಿಯ ಅಭಿಮಾನಿಗಳ ಮಹಾ ಕನಸಾಗಿತ್ತು. ಆದರೆ, ಆ ಕನಸಿಗೆ ಚೈತನ್ಯ ಕೊಳ್ಳಿಯಿಟ್ಟಿದ್ದಾರೆ. ತಮ್ಮ ಬಾಳಿಗೆ ತಮ್ಮ ಗೆಳತಿ ಶೋಭಿತಾಳನ್ನ ಬರಮಾಡ್ಕೊಂಡಿದ್ದಾರೆ. ಅಂದ್ಹಾಗೇ, ಚೈತನ್ಯ ಸ್ಯಾಮ್‌ನ ಪ್ರೀತಿಸಿ ಮದ್ವೆ ಮಾಡ್ಕೊಂಡಿದ್ದರು. ಯೇ ಮಾಯೇ ಚೇಸಾವೆ ಸಿನಿಮಾ ಟೈಮ್‌ನಲ್ಲಿ ಇಬ್ಬರ ಮಧ್ಯೆ ಪ್ರೇಮಾಂಕುರವಾಗಿತ್ತು. ತಮ್ಮ ಪ್ರೀತಿಗೆ ಈ ಜೋಡಿ 2017ರಲ್ಲಿ ದಾಂಪತ್ಯದ ಮುದ್ರೆ ಹೊತ್ತಿದ್ದರು. ಮೂರ್ನಾಲ್ಕು ವರ್ಷಗಳ ಕಾಲ ಸುಖವಾಗಿ ಸಂಸಾರ ಮಾಡಿದ್ದರು. ಆದರೆ, ಈ ಕ್ಯೂಟ್‌ ಕಪಲ್ಸ್‌ 2021ರಲ್ಲಿ ಏಕಾಏಕಿ ಡಿವೋರ್ಸ್‌ ಘೋಷಿಸಿಕೊಂಡು ಫ್ಯಾನ್ಸ್‌ಗೆ ಶಾಕ್‌ ಕೊಟ್ಟಿದ್ದರು. ಇದೀಗ ಚೈತನ್ಯ ತಮ್ಮ ಗೆಳತಿ ಶೋಭಿತಾ ಧೂಳಿಪಾಲ ಕೈ ಬೆರಳಿಗೆ ರಿಂಗ್‌ ಹಾಕಿ ಸ್ಯಾಮ್‌ ಫ್ಯಾನ್ಸ್‌ಗೆ ಶಾಕ್‌ ಕೊಟ್ಟಿದ್ದಾರೆ.
