ನೆವರ್ ಎಂಡಿಂಗ್ ಡಿಸಕಷನ್ ನಂತಾಗಿದ್ದ ಪುಷ್ಪ ದಿ ರೂಲ್ ಐಟಂ ಸಾಂಗ್ ಚರ್ಚೆಗೆ ಕೊನೆಗೂ ಬ್ರೇಕ್ ಬಿದ್ದಿದೆ. ಅನಿಮಲ್ ಬ್ಯೂಟಿ ತೃಪ್ತಿ ದಿಮ್ರಿಗೆ ಪುಷ್ಪರಾಜ್ ಜೊತೆ ಲೆಗ್ ಶೇಕ್ ಮಾಡುವ ಚಾನ್ಸ್ ಸಿಕ್ಕಿದೆ. ನಿಮಗೆಲ್ಲ ಗೊತ್ತಿರೋ ಹಾಗೇ ಅನಿಮಲ್ ಚಿತ್ರದಲ್ಲಿ ತೃಪ್ತಿ ಸಿಕ್ಕಾಪಟ್ಟೆ ಬೋಲ್ಡ್ ಆಗಿದ್ದರು. ಬಿಟೌನ್ ಹಾರ್ಟ್ ಥ್ರೋಬ್ ರಣಬೀರ್ ಕಪೂರ್ ಜೊತೆ ತೃಪ್ತಿ ಕಿಚ್ಚು ಹಚ್ಚಿದ್ದರು. ಈಗ ಸ್ಟೈಲಿಷ್ ಸ್ಟಾರ್ ಜೊತೆ ತಮ್ಮ ಜೀರೋ ಸೈಜ್ ಸೊಂಟ ಕುಣಿಸೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ಇನ್ನೇನು ಕೆಲವೇ ಕೆಲವು ದಿನಗಳಲ್ಲಿ ಪುಷ್ಪರಾಜ್ ಅಖಾಡಕ್ಕೆ ಅನಿಮಲ್ ಚೆಲುವೆ ಗ್ರ್ಯಾಂಡ್ ಎಂಟ್ರಿ ಕೊಡಲಿದ್ದಾರೆ. ಇಂಟ್ರೆಸ್ಟಿಂಗ್ ಅಂದರೆ ಅನಿಮಲ್ ಚಿತ್ರದಲ್ಲಿ ರಶ್ಮಿಕಾ ನಾಯಕಿಯಾಗಿದ್ದರು. ತೃಪ್ತಿ ಸ್ಪೆಷಲ್ ಎಂಟ್ರಿಕೊಟ್ಟು ಕಿಕ್ಕೇರಿಸಿದ್ದರು. ಇದೀಗ, ಪುಷ್ಪ 2 ನಲ್ಲೂ ನ್ಯಾಷನಲ್ ಕ್ರಷ್ ನಾಯಕಿಯಾಗಿದ್ದಾರೆ. ಹಾಟ್ ಬ್ಯೂಟಿ ದಿಮ್ರಿ ಪುಷ್ಪರಾಜ್ ಜೊತೆ ಐಟಂ ಹಾಡಿಗೆ ಕುಣಿಯಲು ಬರ್ತಿದ್ದಾರೆ.
ಪುಷ್ಪ ಪಾರ್ಟ್‌ 1 ನಲ್ಲಿ ಸೌತ್‌ ಸುಂದರಿ ಸಮಂತಾ ಊ ಅಂಟಾವ ಮಾವ ಅಂತ ತಮ್ಮ ಸೆಕ್ಸಿ ಸೊಂಟ ಕುಣಿಸಿ ಕಲಾಭಿಮಾನಿಗಳನ್ನ ಕುಂತಲ್ಲೇ ಕುಣಿಸಿದ್ದರು. ಬಿಗ್ ಸ್ಕ್ರೀನ್‌ಗೆ ಕಿಚ್ಚು ಹಚ್ಚಿ ಪುಷ್ಪರಾಜ್ ಮೈಲೇಜ್‌ ಹೆಚ್ಚಿಸಿದ್ದರು. ಪ್ಯಾನ್‌ ಇಂಡಿಯಾ ತುಂಬೆಲ್ಲಾ ಪುಷ್ಪರಾಜ್ ಜೊತೆ ತಮ್ಮ ಖ್ಯಾತಿಯನ್ನೂ ಹೆಚ್ಚಿಸಿಕೊಂಡಿದ್ದರು. ಹೀಗಾಗಿ, ಪಾರ್ಟ್‌ 2ಗೂ ಮಜಿಲಿನಾ ಅಪ್ರೋಚ್‌ ಮಾಡಲಾಗಿತ್ತು. ಐಟಂ ಹಾಡಿಗೆ ಪುಷ್ಪರಾಜ್ ಜೊತೆ ಲೆಗ್ ಶೇಕ್ ಮಾಡುವಂತೆ ಕೇಳಿಕೊಳ್ಳಲಾಗಿತ್ತು. ಆದರೆ, ಐಟಂ ಹಾಡಿಗೆ ಹಾಟ್ ಅಂಡ್‌ ಬೋಲ್ಡ್ ಆಗಲಿಚ್ಚಿಸದ ಸ್ಯಾಮ್‌ ಪುಷ್ಪ-2 ಆಫರ್‌ನ ರಿಜೆಕ್ಟ್‌ ಮಾಡಿದ್ದಾರೆನ್ನುವ ಸುದ್ದಿ ಹಬ್ಬಿತ್ತು. ಅನಂತರ ಕಿಸ್‌ ಚೆಲುವೆ ಶ್ರೀಲೀಲಾ, ಬಿಟೌನ್ ಬ್ಯೂಟಿ ಜಾಹ್ನವಿ ಕಪೂರ್, ಕೋಸ್ಟಲ್‌ ಬ್ಯೂಟಿ ಪೂಜಾ ಹೆಗ್ಡೆ, ಸೌತ್‌ ಸುಂದರಿ ಕಾಜಲ್‌ ಅಗರ್ವಾಲ್‌, ಬಾಲಿವುಡ್‌ ಬೆಡಗಿ ದಿಶಾ ಪಟಾಣಿ ಹೀಗೆ ಅನೇಕ ನಟಿಮಣಿಯರ ಹೆಸರು ಕೇಳಿಬಂದಿತ್ತು. ಫೈನಲ್‌ ಆಗಿ ಅನಿಮಲ್ ಚೆಲುವೆ ಆಯ್ಕೆಯಾಗಿದ್ದಾರೆ.
ಈಗಾಗಲೇ ಪುಷ್ಪ ಪುಷ್ಪ ಹಾಡು ಟ್ರೆಂಡಿಂಗ್ ನಲ್ಲಿದೆ. ರಶ್ಮಿಕಾ ಹೆಜ್ಜೆ ಹಾಕಿರೋ ಹಾಡು ಇದೇ 29 ಕ್ಕೆ ರಿಲೀಸ್ ಆಗಲಿದೆ. ಈಗಾಗಲೇ ಅದರ ಝಲಕ್ ರಿವೀಲ್ ಆಗಿದ್ದು, ಶ್ರೀವಲ್ಲಿಯ ಲುಕ್ ಗೆ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ದೇವಿಶ್ರೀ ಪ್ರಸಾದ್ ಸಂಗೀತ ಸಂಯೋಜಿಸಿದ್ದು, ಸ್ಪೆಷಲ್ ಸಾಂಗ್ ಚಿತ್ರೀಕರಣದ ಜೊತೆಗೆ ಒಂದಿಷ್ಟು ಟಾಕಿ ಪೋಶನ್‌ ಶೂಟಿಂಗ್‌ ಬ್ಯಾಲೆನ್ಸ್‌ ಇದೆ. ಅಲ್ಲು ಅರ್ಜುನ್‌, ರಶ್ಮಿಕಾ ಮಂದಣ್ಣ, ಫಹಾದ್‌ ಫಾಸಿಲ್‌, ಡಾಲಿ ಧನಂಜಯ್‌, ಪ್ರಕಾಶ್‌ ರಾಜ್‌, ಜಗಪತಿ ಬಾಬು, ಸುನಿಲ್‌ ಸೇರಿದಂತೆ ಬಿಗ್ ಸ್ಟಾರ್ಸ್‌ ಸಮಾಗಮ ಇಲ್ಲಾಗಿದೆ. ಈಗಾಗಲೇ ರಿಲೀಸ್ ಡೇಟ್‌ ಫಿಕ್ಸಾಗಿದ್ದು, ಇದೇ ಆಗಸ್ಟ್‌ 15ರಂದು ಪುಷ್ಪ ದಿ ರೂಲ್ ಚಿತ್ರ ವರ್ಲ್ಡ್‌ವೈಡ್‌ ತೆರೆಗಪ್ಪಳಿಸಲಿದೆ.
