- ಬಾಲಿವುಡ್ ಬಾಕ್ಸ್ ಆಫೀಸ್ ಸುಲ್ತಾನ್ ಸಲ್ಮಾನ್ ಗೆ ನಾಯಕಿಯಾದ ರಶ್ಮಿಕಾ
- ನಟಿ ರಶ್ಮಿಕಾಗೆ ಇದು ನಾಲ್ಕನೇ ಹಿಂದಿ ಸಿನಿಮಾ
ಕನ್ನಡತಿ ರಶ್ಮಿಕಾ ಮಂದಣ್ಣ ಲಕ್ ಚೆನ್ನಾಗಿದೆ. ಹಾರ್ಡ್ ವರ್ಕ್ ಜತೆ ಅದೃಷ್ಟ ಖುಲಾಯಿಸ್ತಿರೋದ್ರಿಂದ ಸಿನಿದುನಿಯಾದಲ್ಲಿ ಗೆಲುವಿನ ನಾಗಾಲೋಟ ಮುಂದುವರೆಸಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಸ್ಟಾರ್ ಹೀರೋಗಳಿಗೆ ಜೋಡಿಯಾಗ್ತಿದ್ದಾರೆ. ಸೌತ್ ನ ಬಹುತೇಕ ಸೂಪರ್ ಸ್ಟಾರ್ ಗಳಿಗೆ ಜೊತೆಯಾಗಿ ಬೆಳ್ಳಿತೆರೆ ಮೇಲೆ ಮಿಂಚಿರೋ ಕೂರ್ಗ್ ಚೆಲುವೆಗೆ, ಈಗ ಬಾಲಿವುಡ್ ಬಾಕ್ಸ್ ಆಫೀಸ್ ಸುಲ್ತಾನ್ ಸಲ್ಮಾನ್ ಗೆ ನಾಯಕಿಯಾಗುವ ಚಾನ್ಸ್ ಸಿಕ್ಕಿದೆ. ಖುದ್ದು ಸಾನ್ವಿಯೇ ಈ ಸುದ್ದಿನಾ ಖಚಿತಪಡಿಸಿದ್ದಾರೆ. ಸಲ್ಮಾನ್ ಖಾನ್ ಜೊತೆ ಸಿಕಂದರ್ ಸಿನಿಮಾದಲ್ಲಿ ಸ್ಕ್ರೀನ್ ಶೇರ್ ಮಾಡ್ತಿರುವ ಸರ್ಪೈಸಿಂಗ್ ಸುದ್ದಿನಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಬಹಳ ದಿನಗಳಿಂದ ಅಪ್ ಕಮ್ಮಿಂಗ್ ಸಿನಿಮಾದ ಅಪ್ ಡೇಟ್ ಕೇಳ್ತಿದ್ರಿ. ಸೋ ಫೈನಲೀ ತನ್ನ ಮುಂದಿನ ಸಿನಿಮಾ ಸಿಕಂದರ್ ಅಂತ ಹೇಳೋ ಟೈಮ್ ಬಂದಿದೆ. ಈ ಸಿನಿಮಾದ ಭಾಗವಾಗಿರುವುದಕ್ಕೆ ಸಂತೋಷ ಮತ್ತು ಹೆಮ್ಮೆಯಿದೆ ಎಂದಿದ್ದಾರೆ ನಟಿ ರಶ್ಮಿಕಾ. ನಟಿ ಸಾನ್ವಿಗೆ ಇದು ನಾಲ್ಕನೇ ಹಿಂದಿ ಸಿನಿಮಾ. ಬಿಗ್ ಬಿ ಅಮಿತಾಬ್ ಜೊತೆ ಗುಡ್ ಬೈ ಮೂಲಕ ಬಿಟೌನ್ ಗೆ ಎಂಟ್ರಿಕೊಟ್ಟ ರಶ್ಮಿಕಾ, ಮಿಷನ್ ಮಜ್ನು, ಅನಿಮಲ್ ಚಿತ್ರಗಳಲ್ಲಿ ಮಿಂಚಿದ್ದಾರೆ. ಸದ್ಯ ವಿಕ್ಕಿ ಕೌಶಲ್ ಜೊತೆ ಛತ್ರಪತಿ ಸಂಭಾಜಿ ಮಹಾರಾಜರ ಬಯೋಪಿಕ್ ಆದಂತಹ ಛಾವಾ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಈ ನಡುವೆ ಬ್ಯಾಡ್ ಬಾಯ್ ಜೊತೆ ಬಿಗ್ ಆಫರ್ ಸಿಕ್ಕಿದ್ದು, ಸಖತ್ ಥ್ರಿಲ್ಲಾಗಿದ್ದಾರೆ ರಶ್ಮಿಕಾ.
ಇನ್ನೂ ಸಿಕಂದರ್… ಸಲ್ಮಾನ್ ಖಾನ್ ಅಭಿನಯದ ಮೋಸ್ಟ್ ಅವೈಟೆಡ್ ಸಿನ್ಮಾ. ದಶಕಗಳ ಕಾಲ ಬಾಕ್ಸ್ ಆಫೀಸ್ ಸುಲ್ತಾನ್ ಆಗಿ ಮೆರೆದ ಸಲ್ಮಾನ್, ಕಳೆದ ಎರಡ್ಮೂರು ವರ್ಷಗಳಿಂದ ಸೋಲಿನ ಸುಳಿಗೆ ಸಿಕ್ಕಿದ್ದಾರೆ. ಯಾವುದೇ ಜಾನರ್ ಸಿನ್ಮಾ ಮಾಡಿದ್ರೂ ಕೈ ಹಿಡಿಯುತ್ತಿಲ್ಲ. ಹೀಗಾಗಿ, ಬ್ಯಾಡ್ ಬಾಯ್ ಸೌತ್ ಸ್ಟಾರ್ ಡೈರೆಕ್ಟರ್ ಎ. ಆರ್ ಮುರುಗದಾಸ್ ಜೊತೆ ಕೈ ಜೋಡಿಸಿದ್ದಾರೆ. ಗಜಿನಿ, ಸ್ಟಾಲಿನ್, ಸೆವೆಂತ್ ಸೆನ್ಸ್, ತುಪ್ಪಾಕಿ, ಸ್ಪೈಡರ್ ಹೀಗೆ ಹಲವು ಬ್ಲಾಕ್ ಬಸ್ಟರ್ ಸಿನ್ಮಾ ಕೊಟ್ಟಿರೋ ಮುರುಗದಾಸ್ ಈಗ ಸಲ್ಮಾನ್ ಗೆ ಆಕ್ಷನ್ ಕಟ್ ಹೇಳಿದ್ದಾರೆ. ಸಿಕಂದರ್ ಸಿನ್ಮಾದ ಮೂಲಕ ಈ ಜೋಡಿ ಒಂದಾಗಿದ್ದು, ಚಿತ್ರದ ಮೇಲೆ ಸಾಕಷ್ಟು ನಿರೀಕ್ಷೆಯಿದೆ.
ಈದ್‌ ಹಬ್ಬಕ್ಕೆ ಸ್ಪೆಷಲ್ಲಾಗಿ ಸಲ್ಮಾನ್ ‘ಸಿಖಂದರ್’ ಸಿನ್ಮಾ ಅನೌನ್ಸ್ ಮಾಡಲಾಗಿತ್ತು. ಸುಮಾರು 400 ಕೋಟಿ ವೆಚ್ಚದಲ್ಲಿ, ಸಾಜಿದ್ ನಾಡಿಯಾವಾಲ ಅವರ ನಿರ್ಮಾಣದಲ್ಲಿ ಸಿಕಂದರ್ ತಯಾರಾಗಲಿದೆ. ಸದ್ಯ ತಾರಾಬಳಗದ ಆಯ್ಕೆಯಲ್ಲಿ ಚಿತ್ರತಂಡ ಬ್ಯುಸಿಯಾಗಿದ್ದು, ನ್ಯಾಷನಲ್ ಕ್ರಷ್ ರಶ್ಮಿಕಾ ಸಿಕಂದರ್ ಟೀಮ್ ಸೇರಿಕೊಂಡಿದ್ದಾರೆ. ಉಳಿದ ಕಾಸ್ಟ್ ಅಂಡ್ ಕ್ರೂ ಡೀಟೈಲ್ಸ್ ಇನ್ನಷ್ಟೇ ಹೊರಬೀಳಬೇಕಿದೆ. 2025 ಈದ್‌ ಹಬ್ಬಕ್ಕೆ ಸ್ಪೆಷಲ್ಲಾಗಿ ರಿಲೀಸ್ ಮಾಡಲು ಪ್ಲಾನ್‌ ರೂಪಿಸಲಾಗಿದೆ.
