ಚಂದನವನದ ಮುದ್ದಾದ ಸೆಲೆಬ್ರಿಟಿ ಜೋಡಿಗಳು ಅಂದ್ರೆ ಅದು ಹರಿಪ್ರಿಯಾ ಮತ್ತು ವಸಿಷ್ಠ ಸಿಂಹ. ಈ ಜೋಡಿ ಹೆಚ್ಚಾಗಿ ಕೈ ಕೈ ಹಿಡಿದು ಎಲ್ಲೆಡೆ ಕಾಣಿಸಿಕೊಳ್ಳುತ್ತಿರುತ್ತಾರೆ. ಇದೀಗ ಜೋಡಿ ಸ್ಪೆಷಲ್ ಡೇ ಸೆಲೆಬ್ರೇಟ್ ಮಾಡೋದಕ್ಕಾಗಿ ವಿದೇಶಕ್ಕೆ ಹಾರಿದ್ದು, ಅಲ್ಲಿನ ಮುದ್ದಾದ ಫೋಟೊಗಳನ್ನು ತಮ್ಮ ಸೋಶಿಯಲ್ ಮಿಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಅಕ್ಟೋಬರ್ 29ರಂದು ಹರಿಪ್ರಿಯಾ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದು, ತಮ್ಮ ಹುಟ್ಟುಹಬ್ಬವನ್ನು ಮತ್ತಷ್ಟು ವಿಶೇಷವಾಗಿಸಲು ಈ ಜೋಡಿ ಮಾಲ್ಡೀವ್ಸ್ ಗೆ ಹಾರಿದೆ. ಹರಿಪ್ರಿಯಾ ತಮ್ಮ ಇನ್’ಸ್ಟಾಗ್ರಾಂ ಖಾತೆಯಲ್ಲಿ ಏರ್ ಪೋರ್ಟ್ ನ ಫೋಟೊಗಳು, ಜೊತೆಯಾಗಿರುವ ಫೋಟೊಗಳು, ನೀರಿನ ಮಧ್ಯದಲ್ಲಿ ಸಾಗುವ ಫೋಟೊಗಳನ್ನು ಶೇರ್ ಮಾಡಿದ್ದಾರೆ.
ಫೋಟೊ ಮತ್ತು ವಿಡೀಯೋಗಳನ್ನು ಶೇರ್ ಮಾಡಿರುವ ಹರಿಪ್ರಿಯಾ ಬರ್ತ್ ಡೇ ವೀಕ್ ಇಲ್ಲಿದೆ, ಸೆಲೆಬ್ರೇಷನ್ ಶುರುವಾಗಿದೆ. ನಾವು ಹೋಗುತ್ತಿರುವುದು ಎಂದು ಬರೆದು ಪ್ರಶ್ನಾರ್ಥಕ ಚಿಹ್ನೆ ಹಾಕಿದ್ದಾರೆ. (Birthday week is here & the celebration begins, En route to …..!? ) ತಾವು ಯಾವ ತಾಣಕ್ಕೆ ಹೋಗ್ತಿರೋದು ಅನ್ನೋದನ್ನು ಈ ಜೋಡಿ ರಿವೀಲ್ ಮಾಡಿಲ್ಲ.
ಆದರೆ ಹರಿಪ್ರಿಯಾ ಮತ್ತು ವಸಿಷ್ಠ ಶೇರ್ ಮಾಡಿರುವಂತಹ ಫೋಟೊಗಳನ್ನು ನೋಡಿದ್ರೆ ಇವರು ಮಾಲ್ಡೀವ್ಸ್ ಗೆ ಹಾರಿದಂತೆ ಕಾಣಿಸ್ತಿದೆ. ಇತ್ತೀಚೆಗಷ್ಟೇ ಸ್ಯಾಂಡಲ್ ವುಡ್ ನ ನವ ವಧುವರರಾದ ತರುಣ್ ಸುಧೀರ್ ಮತ್ತು ಸೋನಲ್ ಮಾಲ್ಡೀವ್ಸ್ ನಲ್ಲಿ ಹನಿಮೂನ್ ಮುಗಿಸಿ ಬಂದಿದ್ದರು. ಇದೀಗ ವಸಿಷ್ಠ- ಹರಿಪ್ರಿಯಾ ಕೂಡ ಅಲ್ಲಿಗೆ ಹಾರಿದಂತಿದೆ.
