ಬಿಗ್ ಬಾಸ್ ಮಾಜಿ ಸ್ಪರ್ಧಿ ನಟಿ ನಿವೇದಿತಾ ಗೌಡ, ಚಂದನ್ ಶೆಟ್ಟಿಗೆ ಡಿವೋರ್ಸ್ ಕೊಟ್ಟು ಕಳಿಸಿಯಾಗಿದೆ. ಇದೀಗ ಹಾಟ್ ಅಂಡ್ ಬೋಲ್ಡ್‌ ಆಗಿ ರೀಲ್ಸ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುವ ನಟಿ ನಿವೇದಿತಾ ಗೌಡ ಅವರು ಜನ್ಮದಿನಾಚರಣೆ ಹಿನ್ನೆಲೆಯಲ್ಲಿ ಬಾತಿಂಗ್ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ.
ಬಾರ್ಬಿಡಾಲ್ ಖ್ಯಾತಿಯ ನಟಿ ನಿವೇದಿತಾ ಗೌಡ ಅವರು ತಮ್ಮ ಹುಟ್ಟು ಹಬ್ಬದ ದಿನ ಲಕ್ಷಾಂತರ ಜನರಿಂದ ಶುಭಾಶಯಗಳನ್ನು ಸ್ವೀಕರಿಸಿದ್ದಾರೆ. ಇನ್ನು ಎಲ್ಲ ಶುಭ ಕೋರಿದ ಅಭಿಮಾನಿಗಳಿಗೆ ಧನ್ಯವಾದಗಳನ್ನು ತಿಳಿಸಲು ತಮ್ಮ ಸ್ನಾನದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಸ್ಟಾರ್ ಹೋಟೆಲೊಂದರ ಕೋಣೆಯಲ್ಲಿ ಹಾವಿನಂತೆ ನುಲಿಯುತ್ತಾ, ಹೊರಳಾಡುತ್ತಾ ತಾವೇ ಸ್ವಯಂ ವಿಡಿಯೋ ಮಾಡಿಕೊಂಡಿದ್ದಾರೆ.
ಇದಾದ ನಂತರ ಹೊರಗೆ ಸ್ವಿಮ್ಮಿಂಗ್ ಪೂಲ್‌ಗೆ ಹರಿಯುವ ಬಿಸಿನೀರಿನಲ್ಲಿ ರಾತ್ರಿ ವೇಳೆ ಸ್ನಾನ ಮಾಡುವ ವಿಡಿಯೋ ಹಂಚಿಕೊಂಡಿದ್ದಾರೆ. ಆದರೆ, ಈ ವಿಡಿಯೋ ಮಾಡಿದ್ದು ಮಾತ್ರ ತನ್ನ ಮಾಜಿ ಗಂಡ ಚಂದನ್ ಶೆಟ್ಟಿ ಎಂದು ಹೇಳಿಕೊಂಡಿದ್ದಾರೆ.
ಈ ವಿಡಿಯೋವನ್ನು ನಟಿ ನಿಒವೇದಿತಾ ಗೌಡ ತಮ್ಮ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ರೀಲ್ಸ್ ಆಗಿ ಶೇರ್ ಮಾಡಿಕೊಂಡಿದ್ದಾರೆ. ಈ ವಿಡಿಯೋಗೆ ಎಲ್ಲಾ ಜನ್ಮದಿನದ ಶುಭಾಶಯಗಳಿಗೆ ತುಂಬಾ ಧನ್ಯವಾದಗಳು ಇದು ಅತ್ಯುತ್ತಮ ಜನ್ಮದಿನವಾಗಿತ್ತು ಎಲ್ಲಾ ಸಿಹಿ ಸಂದೇಶಗಳಿಗಾಗಿ ಒಂದು ಟನ್ ಧನ್ಯವಾದಗಳು… ತುಂಬಾ ಪ್ರೀತಿಯನ್ನು ಸ್ವೀಕರಿಸಲು ನಾನು ತುಂಬಾ ಸಂತಸಗೊಂಡಿದ್ದೇನೆ’ ಎಂದು ಟ್ಯಾಗ್‌ಲೈನ್ ಬರೆದುಕೊಂಡಿದ್ದಾರೆ. ಆದರೆ, ಈ ವಿಡಿಯೋ ಕ್ರೆಡಿಟ್ ಅನ್ನು ಸ್ವತಃ ತಮ್ಮ ಮಾಜಿ ಗಂಡ ಚಂದನ್ ಶೆಟ್ಟಿ ಅವರಿಗೆ ಕೊಟ್ಟಿದ್ದಾರೆ.
ಅಂದರೆ, ನಿವೇದಿತಾ ಗೌಡ ಬಾತಿಂಗ್ ವಿಡಿಯೋ ಮಾಡಿದ್ದು, ಸ್ವತಃ ಚಂದನ್ ಶೆಟ್ಟಿ ಇಲ್ಲಿ ಹೇಳಿಕೊಂಡಿದ್ದಾರೆ. ಮದುವೆ ಮಾಡಿಕೊಂಡು ಜೊತೆಗಿರಲಾಗದೇ ಡಿವೋರ್ಸ್ ಕೊಟ್ಟ ಜೋಡಿ ಅದೇಗೆ ತೀರಾ ಖಾಸಗಿ ಎನ್ನುವ ವಿಡಿಯೋ ಮಾಡುವುದಕ್ಕೆ ಒಪ್ಪಿಕೊಂಡಿದ್ದಾರೆ ಎಂದು ಅಭಿಮಾನಿಗಳು ಆಶ್ಚರ್ಯಗೊಂಡಿದ್ದಾರೆ.
