ರಿಯಲ್ ಸ್ಟಾರ್ ಉಪ್ಪಿ ಒಂಭತ್ತು ವರ್ಷಗಳ ನಂತರ ಡೈರೆಕ್ಟರ್ ಕ್ಯಾಪ್ ತೊಟ್ಟಿರುವುದು, ಯುಐ ಹೆಸರಿನ ಸಿನಿಮಾ ಡೈರೆಕ್ಟ್ ಮಾಡಿರುವುದು ನಿಮಗೆಲ್ಲ ಗೊತ್ತಿರುವ ವಿಚಾರ. ಟೈಟಲ್ ನಿಂದಲೇ ಸಿನಿಮಾ ಪ್ರೇಮಿಗಳ ತಲೆಗೆ ಹುಳ ಬಿಟ್ಟಿರೋ ಬುದ್ದಿವಂತ ಉಪ್ಪಿ, ಟೀಸರ್ ಹಾಗೂ ಹಾಡುಗಳ ಮೂಲಕ ಆಲ್ ಇಂಡಿಯಾ ಸಿನಿ ಪ್ರೇಮಿಗಳು ಕುತೂಹಲಭರಿತರಾಗಿ ಕಾಯುವಂತೆ ಮಾಡಿದ್ದಾರೆ. ಕೊಂಬಿರೋ ಕುದುರೆಯನ್ನೇರಿ ಹೊರಟಿರೋ ಸೂಪರ್ ರಂಗ, ವಿಶೇಷ ದಿನದಂದು ಪ್ಯಾನ್ ಇಂಡಿಯಾ ಕಣಕ್ಕಿಳಿಯಲು ತೀರ್ಮಾನಿಸಿದ್ದಾರೆ ಎನ್ನಲಾಗ್ತಿದೆ.
ಅಷ್ಟಕ್ಕೂ, ಆ ವಿಶೇಷ ದಿನ ಯಾವುದು? ಈ ಕುತೂಹಲಕ್ಕೆ ನಮಗೆ ಸಿಕ್ಕಿರೋ ಉತ್ತರ ಅಕ್ಟೋಬರ್ 22. ಯಸ್, ಇದೇ ದಿನದಂದು ಕಳೆದ 25 ವರ್ಷಗಳ ಹಿಂದೆ ಉಪ್ಪಿ ನಿರ್ದೇಶಿಸಿ, ನಟಿಸಿದ್ದ ಉಪೇಂದ್ರ ಸಿನಿಮಾ ರಿಲೀಸ್ ಆಗಿತ್ತು. ಪ್ರೇಮ, ದಾಮಿನಿ, ರವೀನಾ ಟಂಡನ್ ಜೊತೆಯಾಗಿ ಕಿಕ್ಕೇರಿಸಿದ್ದ ಉಪ್ಪಿ ಮಾಯಬಜಾರ್ ನಲ್ಲಿ ಹೊಸ ಸಂಚಲನವನ್ನೇ ಸೃಷ್ಟಿಸಿದ್ದರು. ಅದಾಗಿ 16 ವರ್ಷಗಳು ಉರುಳಿದ್ಮೇಲೆ ಇದರ ಸೀಕ್ವೆಲ್ ತಯಾರಿಸಿದ್ದರು. ಉಪ್ಪಿ 2 ಹೆಸರಲ್ಲಿ ಮೂಡಿಬಂದ ಆ ಚಿತ್ರ ಕೂಡ ಮೋಡಿ ಮಾಡಿತ್ತು. ಬಾಕ್ಸ್ ಆಫೀಸ್ ನಲ್ಲಿ ಕೋಟಿ ಕೋಟಿ ಕಮಾಯಿ ಮಾಡಿತ್ತು.ಇದಾದ್ಮೇಲೆ ಉಪ್ಪಿ ನಿರ್ದೇಶನದಿಂದ ದೂರ ಉಳಿದಿದ್ದರು. ಇದೀಗ ಮತ್ತೆ ಡೈರೆಕ್ಟರ್ ಹ್ಯಾಟ್ ತೊಟ್ಟು ಯುಐ ಮೂಲಕ ಮತ್ತೆ ಬರ್ತಿದ್ದಾರೆ. ಉಪೇಂದ್ರ ರಿಲೀಸ್ ಆದ ದಿನದಂದೇ ಅಂದರೆ ಅಕ್ಟೋಬರ್ 22-2024 ರಂದು ‘ಯುಐ’ ರಿಲೀಸ್ ಮಾಡಲು ತೀರ್ಮಾನಿಸಿದ್ದಾರಂತೆ.
ಈ ಬಗ್ಗೆ ಅಧಿಕೃತವಾಗಿ ಮಾಹಿತಿ ಲಭ್ಯವಾಗಿಲ್ಲ, ಆದರೆ ಸ್ವತಃ ಉಪ್ಪಿಯೇ ಅಕ್ಟೋಬರ್ ನಲ್ಲಿ ಯುಐ ರಿಲೀಸ್ ಮಾಡೋದಾಗಿ ವರಮಹಾಲಕ್ಷ್ಮಿ ಹಬ್ಬದಂದು ಅನೌನ್ಸ್ ಮಾಡಿದ್ದರು. ಬಟ್ ಡೇಟ್ ನ ಗುಟ್ಟಾಗಿರಿಸಿದ್ದಾರೆ. ಬಹುಷಃ ಶೀಘ್ರದಲ್ಲೇ ಅಧಿಕೃತವಾಗಿ ಅನೌನ್ಸ್ ಮಾಡಬಹುದು. ಅಷ್ಟಕ್ಕೂ ಉಪೇಂದ್ರ ರಿಲೀಸ್ ಆಗಿ 25 ನೇ ವರ್ಷದ ಸಂಭ್ರಮಕ್ಕೆ ಸಾಕ್ಷಿಯಾಗಿ ಯುಐ ರಿಲೀಸ್ ಮಾಡ್ತಿರೋದ್ರ ಹಿಂದೆ ಏನಾದರೂ ಲಿಂಕ್ ಇದೆಯಾ? ಉಪೇಂದ್ರ, ಉಪ್ಪಿ 2 ನ ಮುಂದುವರೆದ ಭಾಗವೇ ಯುಐನಾ? ಈ ಕುತೂಹಲಕ್ಕೆ ಸೂಪರ್ ರಂಗನೇ ಉತ್ತರ ಕೊಡಬೇಕು. ಎನಿವೇ, ಇಡೀ ಜಗತ್ತನ್ನ ಬೆಚ್ಚಿಬೀಳಿಸ್ತಿರೋ ಎಐ ಟೆಕ್ನಾಲಜಿಗೆ ಸ್ಯಾಂಡಲ್ ವುಡ್ ನ ಬುದ್ದಿವಂತ ಉಪ್ಪಿಯ ಯುಐ ಸಿನಿಮಾ ಸೆಡ್ಡು ಹೊಡೆಯುತ್ತೆ ಅನ್ನೋ ನಿರೀಕ್ಷೆಯಲ್ಲಿ ಅಭಿಮಾನಿಗಳಿದ್ದಾರೆ. ಅವರ ಕನಸನ್ನ ರಿಯಲ್ ಸ್ಟಾರ್ ಈಡೇರಿಸ್ತಾರಾ? ಜಸ್ಟ್ ವೇಯ್ಟ್ ಅಂಡ್ ವಾಚ್
