ಕೆಜಿಎಫ್ ಚಿತ್ರದ ಚಿನ್ನದ ಕಣಿ, ರಾಕಿಯ ರಾಣಿ ಶ್ರೀನಿಧಿ ಶೆಟ್ಟಿಗೆ ದೈವ ಬಲ ಸಿಕ್ಕಿದೆ. ತಮ್ಮ ಇಷ್ಟಾರ್ಥ ಸಿದ್ದಿಗಾಗಿ ಹರಕೆ ಹೊತ್ತಿದ್ದ ನಟಿ ಶ್ರೀ ನಿಧಿ ಶೆಟ್ಟಿ ಕುಟುಂಬ ದೈವದ ಹರಕೆ ತೀರಿಸಿದೆ. ಮಂಗಳೂರಿನ ಹೊರವಲಯದಲ್ಲಿರೋ ಕಿನ್ನಿಗೋಳಿಯ ತಾಳಿಪಾಟಿ ಗುತ್ತುವಿನಲ್ಲಿ ಈ ಹರಕೆ ನೇಮೋತ್ಸವ ನಡೆದಿದೆ. ಜಾರಾಂದಾಯ ಮತ್ತು ಪರಿವಾರ ದೈವಗಳಿಗೆ ನೇಮೋತ್ಸವ ನಡೆಸಲಾಗಿದ್ದು, ಶ್ರೀನಿಧಿ ಶೆಟ್ಟಿ ಕುಟುಂಬಸ್ಥರು, ಆಪ್ತರು, ಪರಿವಾರದವರು ಭಾಗಿಯಾಗಿದ್ದಾರೆ. ಈ ವೇಳೆ ನಟಿ ಶ್ರೀನಿಧಿ ಶೆಟ್ಟಿಗೆ ದೈವ ಅಭಯ ನೀಡಿದೆ. ಮುಂದೆ ಇನ್ನಷ್ಟು ಎತ್ತರಕ್ಕೆ ಏರುತ್ತೀರಿ ಎಂದು ನುಡಿದು ಆಶೀರ್ವಾದ ಮಾಡಿದೆ.
ಇನ್ನೂ, ಮಾಡೆಲಿಂಗ್ ಲೋಕದಲ್ಲಿ ಮಿಂಚಿ ಹೆಸರು ಮಾಡಿದ್ದ ಮಂಗಳೂರು ಚೆಲುವೆ ಶ್ರೀ ನಿಧಿ ಶೆಟ್ಟಿ, ಕೆಜಿಎಫ್ ಚಿತ್ರದಲ್ಲಿ ರಾಕಿಗೆ ಜೋಡಿಯಾಗಿ ಪ್ಯಾನ್ ಇಂಡಿಯಾ ತುಂಬೆಲ್ಲಾ ಫೇಮಸ್ ಆಗಿದ್ದು ನಿಮಗೆಲ್ಲಾ ಗೊತ್ತೇ ಇದೆ. ಆದರೆ, ಕೆಜಿಎಫ್ ಸಿನಿಮಾದಿಂದ ಸಿಕ್ಕಷ್ಟು ನೇಮು- ಫೇಮು ಕಾಲಿವುಡ್ ನ ಕೋಬ್ರಾ ಚಿತ್ರದಿಂದ ಸಿಗಲಿಲ್ಲ.
ಅಷ್ಟಕ್ಕೂ, ಕೆಜಿಎಫ್ ಪಾಪ್ಯೂಲಾರಿಟಿನಾ ಎನ್ ಕ್ಯಾಶ್ ಮಾಡ್ಕೊಂಡು ಸಿನಿಮಾಗಳನ್ನು ಸೆಲೆಕ್ಟ್ ಮಾಡಿಕೊಳ್ಳುವ ಗೋಜಿಗೆ ರೀನಾ ಹೋಗಲಿಲ್ಲ. ಬದಲಾಗಿ, ಸಿನಿಮಾಗಳ ಆಯ್ಕೆಯಲ್ಲಿ ಚೂಸಿಯಾದರು. ಅಭಿನಯಕ್ಕೆ ಸ್ಕೋಪ್ ಇರುವ ಕ್ಯಾರೆಕ್ಟರ್ ಗಳನ್ನ ಎದುರು ನೋಡಿದರು.
ಬಹುಷಃ ಈ ಕಾರಣಕ್ಕೋ ಏನೋ ಶ್ರೀ ನಿಧಿ ಚಿತ್ರರಂಗಕ್ಕೆ ಬಂದು ಹೆಚ್ಚು ಕಮ್ಮಿ ಎಂಟು ವರ್ಷಗಳು ಕಳೆದಿದೆ. ಆದರೆ, ನಟಿಸಿರೋದು ಕೆಜಿಎಫ್ ಚಿತ್ರ ಸೇರಿ ಮೂರೇ ಮೂರು ಸಿನಿಮಾ ಮಾತ್ರ.
ಸದ್ಯ, ಕೆಜಿಎಫ್ ಕ್ವೀನ್ ಕೈಯಲ್ಲಿ ಎರಡು ಸಿನಿಮಾಗಳಿವೆ. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹಾಗೂ ಆಟೋಗ್ರಾಫ್ ಖ್ಯಾತಿಯ ಚೇರನ್ ಕಾಂಬಿನೇಷನ್ ಸಿನಿಮಾಗೆ ರೀನಾ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.
ತೆಲುಗಿನಲ್ಲಿ ನಟ ಸಿದ್ದು ಜೊನ್ನಲಗಡ್ಡ ಜೊತೆ “ತೆಲುಸು ಕದಾ” ಸಿನಿಮಾ ಮಾಡ್ತಿದ್ದಾರೆ. ಕೆಜಿಎಫ್ ಚಿತ್ರದಿಂದ ಸಿಕ್ಕಂತಹ ಜನಪ್ರಿಯತೆನಾ ಮಗದೊಮ್ಮೆ ರೀನಾ ಎದುರುನೋಡ್ತಿದ್ದಾರೆ.
ಆದರೆ, ಪರಭಾಷಾ ಸಿನಿಮಾಗಳಲ್ಲಿ ಇಲ್ಲಿವರೆಗೆ ರೀನಾಗೆ ಅಷ್ಟೇನು ಅದೃಷ್ಟ ಖುಲಾಯಿಸಿಲ್ಲ. ರಶ್ಮಿಕಾ, ಶ್ರೀ ಲೀಲಾಗೆ ಹೆಚ್ಚಿದ ಬೇಡಿಕೆ ರೀನಾಗೆ ಕ್ರಿಯೇಟ್ ಆಗುತ್ತೆ. ಪರಭಾಷೆಯಲ್ಲಿ ಶ್ರೀ ನಿಧಿ ಸ್ಟಾರ್ ನಾಯಕಿಯಾಗಿ ಮಿಂಚ್ತಾರೆನ್ನುವ ಭರವಸೆ ಇತ್ತು. ಆ ಭರವಸೆ ಯಲ್ಲಿ ಕೊಂಚ ನಿರಾಸೆಯಾದರೂ, ಚಿಯಾನ್ ವಿಕ್ರಮ್ ಜೊತೆ ಮಿಂಚು ಹರಿಸಿದರು. ಇದೀಗ ದೈವದ ಅಭಯ ಸಿಕ್ಕಿರೋದ್ರಿಂದ ಇನ್ಮುಂದೆ ರೀನಾ ಪರಭಾಷಾ ಅಂಗಳದಲ್ಲಿ ಬ್ಯುಸಿಯಾಗ್ಬೋದು, ಅಕ್ಕ‌ಪಕ್ಕದ ಇಂಡಸ್ಟ್ರಿನಾ ರೂಲ್ ಮಾಡ್ಬೋದು ಎನ್ನುವ ನಂಬಿಕೆ ಬಲವಾಗ್ತಿದೆ.
