ಸಲ್ಲು ಸಿನಿಮಾಗೆ ತ್ರಿಷಾ ಎಂಟ್ರಿ..!

ಈಗ ಬಾಲಿವುಡ್ ನಲ್ಲಿ ಸೌತ್ ಬ್ಯೂಟಿಯರ ದರ್ಬಾರ್ ಜೋರಾಗಿದೆ.. ಬಾಲಿವುಡ್ ನಲ್ಲಿ ಈಗ ದಕ್ಷಿಣ ಭಾರತದ ನಟಿಯರದ್ದೇ ಸೌಂಡ್ … ಇತ್ತಿಚ್ಚಿಗೆ ಸಲ್ಮಾನ್ ಖಾನ್ ಅಭಿನಯದ ಸಿಕಂದರ್ ಸಿನಿಮಾಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಆಯ್ಕೆ ಆಗಿದ್ರು… ಈಗ ಇದೇ ಸಿನಿಮಾಗೆ ಮತ್ತೊಬ್ಬ ಸೌತ್ ಬ್ಯೂಟಿ ಎಂಟ್ರಿಯಾಗಿದ್ದಾರೆ..

ಹೌದು ಸಲ್ಮಾನ್ ಖಾನ್ ಅಭಿನಯದ “ಸಿಕಂದರ್” ಸಿನಿಮಾದಲ್ಲಿ ಎರಡನೇ ನಾಯಕಿಯಾಗಿ ತ್ರಿಷಾ ಅಭಿನಯಿಸಲಿದ್ದಾರೆ.‌ ಈ ಮೂಲಕ ಹದಿನೈದು ವರ್ಷಗಳ ತ್ರಿಷಾ ಬಿಟೌನ್ ಗೆ ರೀ ಎಂಟ್ರಿ ಪಡೆದುಕೊಂಡಿದ್ದಾರೆ..‌‌

2014 ರಲ್ಲಿ ಬಿಡುಗಡೆ ಆಗಿದ್ದ ಹಾಸ್ಯಪ್ರಧಾನ ಸಿನಿಮಾ ‘ಕಟ್ಟಾ-ಮೀಟಾ’ನಲ್ಲಿ ತ್ರಿಷಾ ಜಿಲ್ಲಾಧಿಕಾರಿಯ ಪಾತ್ರದಲ್ಲಿ ನಟಿಸಿದ್ದರು. ಆ ಸಿನಿಮಾದ ನಾಯಕ ಅಕ್ಷಯ್ ಕುಮಾರ್. . ಇಬ್ಬರ ನಡುವಿನ ಕೆಮಿಸ್ಟ್ರಿ ಚೆನ್ನಾಗಿ ವರ್ಕೌಟ್ ಆಗಿತ್ತು. ಇದೀಗ ಬರೋಬ್ಬರಿ 15 ವರ್ಷಗಳ ಬಳಿಕ ಬಾಲಿವುಡ್​ಗೆ ತ್ರಿಷಾ ಎಂಟ್ರಿ ಕೊಡುತ್ತಿದ್ದಾರೆ. ಈ ಬಾರಿಯೂ ಸಹ ಸ್ಟಾರ್ ನಟನ ಜೊತೆ ನಟಿಸುತ್ತಿದ್ದಾರೆ. ಸಿನಿಮಾವನ್ನ ತಮಿಳಿನ ಖ್ಯಾತ ನಿರ್ದೇಶಕ ಎ.ಆರ್ ಮುರಗದಾಸ್ ನಿರ್ದೇಶನ ಮಾಡುತ್ತಿದ್ದಾರೆ..