ನಾನು “ನಾನು” ಬಿಡಕ್ ಟ್ರೈ ಮಾಡ್ತಿದೀನಿ ….। ಆದ್ರೆ ನೀನು…“ನಾನು” ನ ಬಿಡ್ತಿಲ್ಲ.. ಇದು ರಿಯಲ್‌ ಸ್ಟಾರ್‌ ಉಪ್ಪಿ ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಬರೆದುಕೊಂಡಿರುವ ಸಾಲುಗಳು. ಅಷ್ಟಕ್ಕೂ, ಬುದ್ದಿವಂತ ಉಪ್ಪಿ ಹೀಗೊಂದು ಪೋಸ್ಟ್‌ ಹಾಕೋದಕ್ಕೆ ಕಾರಣ ʻಉಪೇಂದ್ರʼ ಸಿನಿಮಾ ರಿಲೀಸ್ ಆಗ್ತಿದೆ. ಯಸ್‌, ರಿಯಲ್‌ ಸ್ಟಾರ್‌ ಉಪ್ಪಿ ಕಥೆ ಬರೆದು ಡೈರೆಕ್ಟ್‌ ಮಾಡಿ, ಆಕ್ಟ್‌ ಮಾಡಿದ್ದ ಉಪೇಂದ್ರ ಚಿತ್ರ ಮರು ರಿಲೀಸ್‌ಗೆ ಸಜ್ಜಾಗಿದೆ. ಇದೇ ಸೆಪ್ಟೆಂಬರ್ 20ರಂದು ರಾಜ್ಯಾದ್ಯಂತ ಚಿತ್ರ ರೀ-ರಿಲೀಸ್ ಆಗ್ತಿದ್ದು ಉಪ್ಪಿ ತಮ್ಮ ಸೋಷಿಯಲ್‌ ಪುಟದಲ್ಲಿ ಪೋಸ್ಟ್‌ ಹಂಚಿಕೊಂಡಿದ್ದಾರೆ.
ನಾನು “ನಾನು” ಬಿಡಕ್ ಟ್ರೈ ಮಾಡ್ತಿದೀನಿ ….। ಆದ್ರೆ ನೀನು…“ನಾನು” ನ ಬಿಡ್ತಿಲ್ಲ. ನಿಮ್ಮ “ನಾನು” ರೀ ರಿಲೀಸ್ … ಇದೇ ಸೆಪ್ಟೆಂಬರ್ 20 ಕ್ಕೆ …25 ವರ್ಷ ಆದರೂ ಇನ್ನೂ ಈ ಚಿತ್ರದ ಹಾಡು, ಸಂಭಾಷಣೆ ಜೀವಂತವಾಗಿ ಇಟ್ಟಿರುವ ನಿಮಗೆ ಶರಣು ಶರಣಾರ್ಥಿ ಎಂದು ಕೈಮುಗಿದು ಹಾರ್ಟ್‌ ಎಮೋಜಿ ಹಾಕಿದ್ದಾರೆ.
ಅಂದ್ಹಾಗೇ, ಉಪೇಂದ್ರ ಚಿತ್ರ ಉಪ್ಪಿ ಕರಿಯರ್‌ನ ಮೈಲ್‌ಸ್ಟೋನ್‌ ಸಿನಿಮಾಗಳಲ್ಲಿ ಒಂದು. ಈ ಚಿತ್ರ ರಿಲೀಸ್ ಆಗಿ 25 ವರ್ಷ ಕಳೆದರೂ ಕೂಡ ಆ ಚಿತ್ರಕ್ಕಿರುವ ಕ್ರೇಜ್‌ ಕಮ್ಮಿಯಾಗಿಲ್ಲ. ಅಕ್ಟೋಬರ್‌ 22 1999 ರಲ್ಲಿ ತೆರೆಕಂಡ ಈ ಚಿತ್ರ ಈ ಅಕ್ಟೋಬರ್‌ 22ಕ್ಕೆ ಭರ್ತಿ 25 ವರ್ಷ ಪೂರೈಸುತ್ತೆ. ಈ ಸಂದರ್ಭದಲ್ಲಿ ಬುದ್ದಿವಂತನ ಎವರ್‌ಗ್ರೀನ್‌ ಚಿತ್ರ ಮರುಬಿಡುಗಡೆಯಾಗ್ತಿದೆ. ರವೀನಾ ಟಂಡನ್‌, ಪ್ರೇಮಾ, ದಾಮಿನಿ ಜೊತೆ ಕಿಕ್ಕೇರಿಸಿದ್ದ ಉಪ್ಪಿನಾ ಮತ್ತೊಮ್ಮೆ ಸಿಲ್ವರ್‌ಸ್ಕ್ರೀನ್‌ ಮೇಲೆ ಸಂಭ್ರಮಿಸುವ ಸುವರ್ಣಾವಕಾಶ ಪ್ರೇಕ್ಷಕರಿಗೆ ಸಿಗ್ತಿದೆ.
ಇವತ್ತಿಗೂ ಗುರುಕಿರಣ್‌ ಸಂಗೀತದ ಈ ಚಿತ್ರದ ಹಾಡುಗಳು ಕೇಳಿದರೆ ಸಿನಿಮಾ ಪ್ರೇಮಿಗಳು ಹುಚ್ಚೆದ್ದು ಕುಣಿಯುತ್ತಾರೆ. ಅಷ್ಟರ ಮಟ್ಟಿಗೆ ಗುಂಗು ಹಿಡಿಸಿರೋ, ತಲೆಗೆ ಹುಳ ಬಿಟ್ಟಿರೋ ಉಪೇಂದ್ರ ಮೂವೀ ಬಿಗ್‌ಸ್ಕ್ರೀನ್‌ಗೆ ಮತ್ತೆ ಗ್ರ್ಯಾಂಡ್‌ ಎಂಟ್ರಿ ಕೊಡ್ತಿದೆ. ನಿರ್ಮಾಪಕ ಶಿಲ್ಪಾ ಶ್ರೀನಿವಾಸ್‌ ಅವ್ರು ಈ ಸಿನಿಮಾನ ರಾಜ್ಯಾದ್ಯಂತ ಮರುಬಿಡುಗಡೆಗೊಳಿಸಲು ಭರ್ಜರಿಯಾಗೇ ತಯಾರಿ ನಡೆಸಿದ್ದಾರೆ. ಇತ್ತೀಚೆಗಷ್ಟೇ ಗ್ಯಾರಂಟಿ ನ್ಯೂಸ್ ಚಾನಲ್‌ ಜೊತೆ ಮಾತನಾಡ್ತಾ ಹಲವು ಇಂಟೆಸ್ಟಿಂಗ್‌ ವಿಚಾರಗಳನ್ನ ಹಂಚಿಕೊಂಡಿದ್ದರು. ಇದೀಗ, ಉಪ್ಪಿ ತಮ್ಮ ಚಿತ್ರದ ರೀ-ರಿಲೀಸ್ ವಿಚಾರವನ್ನ ಹಂಚಿಕೊಂಡು ಸಂಭ್ರಮಿಸಿದ್ದಾರೆ.
