ರುಕ್ಮಿಣಿ ವಸಂತ್ ಸಿಂಪಲ್ ಆಗಿದ್ರೇನೆ ಚೆಂದ ನೋಡಿ. ಆದರೆ ನಟಿ ಅಲ್ವೇ, ಎಲ್ಲಾ ರೀತಿಯ ಲುಕ್ ಟ್ರೈ ಮಾಡ್ತಾನೇ ಇರ್ತಾರೆ. ಇಡೀ ದೇಶಕ್ಕೆ ತಿಳಿಸಿ ಹೇಳಿದ ಸಿನಿಮಾ ಅಂದ್ರೆ ಅದು ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾ. ಈ ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ ಮತ್ತು ರುಕ್ಮಿಣಿ ವಸಂತ್ ಜೋಡಿ, ಕನ್ನಡಿಗರಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು. ಇಬ್ಬರ ನೈಜ್ಯ ಅಭಿನಯ, ಪ್ರೀತಿಗಾಗಿ ಹಾತೊರೆಯುವ ರೀತಿ, ಪ್ರೀತಿ ಅಂದ್ರೆ ಹೀಗೂ ಇರುತ್ತಾ ಎನ್ನುವಷ್ಟು ಸುಂದರವಾದ ಕಥಾ ಹಂದರ ವೀಕ್ಷಕರ ಮನಸ್ಸನ್ನ ಮುಟ್ಟಿತ್ತು. ಕಣ್ಣಿನಲ್ಲೇ ಮಾತನಾಡಿದ ಪ್ರಿಯಾ ವೀಕ್ಷಕರ ಹೃದಯಕ್ಕೆ ತಲುಪಿದ್ದರು ಅನ್ನೋದು ನಿಜಾ. ಹಾಗಾಗಿ ವೀಕ್ಷಕರು ನಿಜ ಜೀವನದಲ್ಲೂ ರುಕ್ಮಿಣಿ ವಸಂತ್ ಪ್ರಿಯಾ ಆಗಿರಬೇಕೆಂದು ಬಯಸ್ತಿದ್ದಾರೆ. ಆದರೆ ರುಕ್ಮಿಣಿ ವಸಂತ್, ತುಂಬಾನೆ ಸ್ಟೈಲಿಶ್ ಆಗಿ ಪೋಸ್ ನೀಡಿದ್ದು, ಅಭಿಮಾನಿಗಳಿಗೆ ಮಾತ್ರ ನಟಿ ಫೋಟೊ ಬೇಸರ ತಂದಿದೆ.
ರುಕ್ಮಿಣಿ ವಸಂತ್ ಈ ಒಂದು ಲುಕ್ ಅಲ್ಲಿ ಲೈಟ್ ಆಗಿಯೇ ಮೇಕ್ಅಪ್ ಹಾಕಿದ್ದಾರೆ. ಓಪನ್ ಹೇರ್ ಬಿಟ್ಟಿದ್ದಾರೆ. ಲೈಟ್ ಕಲರ್ ನೀಲಿ ಬಣ್ಣದ ಜೀನ್ಸ್ ತೊಟ್ಟಿದ್ದಾರೆ . ಅದಕ್ಕೆ ಒಪ್ಪುವ ಬಿಳಿ ಬಣ್ಣದ ಟಾಪ್ ಸಹ ತೊಟ್ಟಿದ್ದಾರೆ. ಹೀಗೆ ರುಕ್ಮಿಣಿ ವಸಂತ್ ಇಲ್ಲಿ ಮಾರ್ಡನ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ತಮ್ಮ ಇನ್’ಸ್ಟಾಗ್ರಾಂ ಪೇಜ್ ನಲ್ಲಿ ಹೊಸ ಫೋಟೊಗಳನ್ನು ಅಪ್ ಲೋಡ್ ಮಾಡಿದ್ದು, ಕೆಲವು ಅಭಿಮಾನಿಗಳು, ಸ್ನೇಹಿತರು, ಸೆಲೆಬ್ರಿಟಿಗಳು ನಟಿಯ ಹೊಸ ಲುಕ್ ಗೆ ಮನಸೋತರೆ, ಇನ್ನೊಂದಿಷ್ಟು ಅಭಿಮಾನಿಗಳು ನಟಿ ಬೋಲ್ಡ್ ಲುಕ್ ಬಗ್ಗೆ ನಿರಾಸೆ ವ್ಯಕ್ತಪಡಿಸಿದ್ದಾರೆ.
ಕ್ಯಾಪ್ಶನ್ ಹಾಕೋದು ನಿಮ್ಮ ಜವಾಬ್ಧಾರಿ ( Outsourcing caption responsibilities to you) ಎನ್ನುವ ಕ್ಯಾಪ್ಶನ್ ನೀಡಿ ಫೋಟೊ ಶೇರ್ ಮಾಡಿರುವ ರುಕ್ಮಿಣಿ ವಸಂತ್ ಗೆ ನಟಿ ಹಾಗೂ ಸ್ನೇಹಿತೆ ಚೈತ್ರಾ ಆಚಾರ್ ವಾಟ್ ಎನ್ನುತ್ತಾ ಅಚ್ಚರಿಯ ಕಾಮೆಂಟ್ ಮಾಡಿದ್ದಾರೆ. ಇನ್ನು ನಟಿ ಆರಾಧನಾ ರಾಮ್ ಪ್ರೆಟಿಯೆಸ್ಟ್ ಎಂದಿದ್ದಾರೆ. ಜೊತೆಗೆ ಅಭಿಮಾನಿಗಳು ಕೂಡ ಕ್ರಶ್, ಬ್ಯೂಟಿ, ಹಾಟ್, ಇದನ್ನ ನಿರೀಕ್ಷೆ ಮಾಡಿರಲಿಲ್ಲ ಎಂದಿದ್ದಾರೆ.
ನಾವು ಅಭಿಮಾನಿಗಳಾಗಿ ನಿಮ್ಮಿಂದ ಇಂಥ ಫೋಟೊ ಮಾತ್ರ ನಿರೀಕ್ಷೆ ಮಾಡಿರಲಿಲ್ಲ. ನಿಮಗೆ ಅದು ಸೂಟ್ ಆಗಲ್ಲ ಎಂದು ಬರೆದುಕೊಂಡಿದ್ದಾರೆ. ಮೇಡಂ ಒಂದ್ ರಿಕ್ವೆಸ್ಟ್… ನೀವ್ ಯಾವಾಗ್ಲೂ ಡಿಸೆಂಟ್ ಫೋಟೊ ಪೋಸ್ಟ್ ಮಾಡಿ… ಚೈತ್ರ ಆಚಾರ್ ಮಾತ್ ಕೇಳೋಕ್ ಹೋಗ್ಬೇಡಿ. ಅವರ ಮಾತಿಗೆ ನೀವು ತಲೆ ಕೆಡಿಸ್ಕೋಬೇಡಿ. ಅವರು ಬೇಕಾದ್ರೆ ಅರ್ಧ ಬಟ್ಟೆ ಹಾಕ್ಲಿ, ನೀವು ಹಾಕ್ಬೇಡಿ ಎಂದಿದ್ದಾರೆ. ಚೈತ್ರಾ ಆಚಾರ್ ಜೊತೆ ಹೆಚ್ಚು ಟೈಮ್ ಇದ್ರೆ ಹೀಗೆ ಆಗೋದು ಎಂದು ಸಹ ಕಾಮೆಂಟ್ ಮಾಡಿದ್ದಾರೆ.
ಇನ್ನು ರುಕ್ಮಿಣಿ ಅವರ 2 ಚಿತ್ರಗಳು ರಿಲೀಸ್‌ಗೆ ರೆಡಿ ಇವೆ. ರೋರಿಂಗ್ ಸ್ಟಾರ್ ಶ್ರೀ ಮುರುಳಿ ಅಭಿನಯದ ಬಘೀರ್ ಚಿತ್ರದಲ್ಲಿ ರುಕ್ಮಿಣಿ ಅಭಿನಯಿಸಿದ್ದಾರೆ. ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅಭಿನಯದ ಭೈರತಿ ರಣಗಲ್ ಚಿತ್ರದಲ್ಲೂ ರುಕ್ಮಿಣಿ ವಸಂತ್ ಅಭಿನಯಿಸಿದ್ದಾರೆ. ಇನ್ನು 2 ತಮಿಳು ಚಿತ್ರ ಒಪ್ಪಿದ್ದಾರೆ. ಏಸ್ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಮತ್ತೊಂದು ಚಿತ್ರದ ಶೂಟಿಂಗ್ ನಡೆಯುತ್ತಿದೆ. ಜೂನಿಯರ್ ಎನ್.ಟಿ.ಆರ್ ಡ್ರ್ಯಾಗನ್ ಚಿತ್ರಕ್ಕೂ ರುಕ್ಮಿಣಿ ವಸಂತ್ ಆಯ್ಕೆಯಾಗಿದ್ದಾರೆ. ಅನ್ನೋ ಸುದ್ದಿಯಿದೆ.
