ನಟ ದರ್ಶನ್‌ ಗೆ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ನೀಡಲಾಗಿದ್ದ ಖೈದಿ ನಂ 6160 ಭಾರಿ ಸದ್ದನ್ನ ಮಾಡಿತ್ತು. ಅಭಿಮಾನಿಗಳು ಆ ನಂಬರ್‌ ಅನ್ನ ಗಾಡಿಗಳ ಮೇಲೆ ಸ್ಟಿಕ್ಕರ್‌ ಅಂಟಿಸಿ, ಆಟೋಗಳ ಮೇಲೆ ನಂಬರ್‌ ಬರೆಸಿ, ಚಿಕ್ಕ ಮಕ್ಕಳಿಗೆ ಫೊಟೋ ಶೂಟ್‌ ಕೂಡ ಮಾಡಿಸಿ ಸೋಶಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌ ಸೃಷ್ಟಿಯಾಗಿತ್ತು. ಆದರೆ ಈಗ ದರ್ಶನ್‌ರನ್ನ ಬೆಂಗಳೂರಿನಿಂದ ಬಳ್ಳಾರಿ ಜೈಲಿಗೆ ಶಿಫ್ಟ್‌ ಮಾಡಿದ ಕಾರಣ ಅವರಿಗೆ ನೀಡಿದ ಖೈದಿ ನಂಬರ್‌ ಬದಲಾಗಿದೆ.
ಬಳ್ಳಾರಿ ಜೈಲಿನಲ್ಲಿ ದರ್ಶನ್‌ಗೆ ವಿಚಾರಣಾಧೀನ ಖೈದಿ ನಂಬರ್‌ “511” ಅನ್ನ ನೀಡಲಾಗಿದೆ. ಹೊಸ ಖೈದಿ ನಂಬರ್‌ ಅನ್ನ ಬಳ್ಳಾರಿ ಜೈಲಿನ ಪೊಲೀಸ್‌ ಸಿಬ್ಬಂದಿಗಳು ದರ್ಶನ್‌ಗೆ ನೀಡಿದ್ದಾರೆ. ಹಚ್ಚೆ ಹಾಕಿಸಿಕೊಂಡ ಅಭಿಮಾನಿಗಳಿಗೆ ಈ ವಿಷಯ ನಿರಾಸೆ ತರಿಸಿದೆ.
