ಬಿಗ್ ಬಾಸ್ ಮನೆಯಿಂದ ಜಗದೀಶ್ ಹೊರ ಬಂದಾಗಿದೆ. ಅಷ್ಟೆಲ್ಲ ಗದ್ದಲ ಆದ್ಮಲೂ ಜಗದೀಶ್ ಕೂಲ್ ಆಗಿಯೇ ಮನೆಯಿಂದ ಬಂದಂತೆ ಇದೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡ್ತಿರೋ ಫೋಟೋಗಳು ಅದನ್ನೇ ಹೇಳುತ್ತಿವೆ. ಏನೂ ಆಗಿಯೇ ಇಲ್ವೇನೋ ಅನ್ನೋ ಹಾಗೇನೆ ಜಗದೀಶ್ ಈ ಫೋಟೋಗಳಲ್ಲಿ ಪೋಸ್ ಕೊಟ್ಟಿದ್ದಾರೆ.
ದೊಡ್ಮನೆಯಿಂದ ಜಗದೀಶ್ ಔಟ್ ಅನ್ನೋ ಸುದ್ದಿಯ ಬೆನ್ನಲ್ಲಿಯೇ ಈ ಫೋಟೋಗಳು ಹೆಚ್ಚು ವೈರಲ್ ಆಗಿವೆ. ಕಣ್ಣಿಗೆ ಕೂಲಿಂಗ್ ಗ್ಲಾಸ್ ಹಾಕಿಕೊಂಡೇ ಜಗದೀಶ್ ಇಲ್ಲಿ ಪೋಸ್ ಕೊಟ್ಟಿದ್ದಾರೆ. ಜಗದೀಶ್ ಮನೆಯಿಂದ ಹೊರ ಬಂದಾಗಿದೆ. ಇಲ್ಲಿವರೆಗೂ ಇದ್ದ ಕನ್ಫೂಷನ್ ಕ್ಲಿಯರ್ ಆಗಿದೆ. ದೊಡ್ಮನೆಯ ಡೋರ್ ಮೂಲಕವೇ ಜಗದೀಶ್ ಹೊರ ಬಂದಿದ್ದಾರೆ.
ಜಗದೀಶ್ ಮನೆಯಿಂದ ಹೊರಗೆ ಕಳಿಸೋ ವಿಚಾರವನ್ನ ಬಿಗ್ ಬಾಸ್ ಘೋಷಣೆ ಮಾಡಿದ್ದಾರೆ. ಆಗಲೇ ಮನೆಯ ಪ್ರತಿಯೊಬ್ಬರು ಖುಷಿಯಿಂದ ಚೀರಾಟಾಡಿದ್ದಾರೆ. ಹಾಗೇನೆ ಮನೆಯ ಸದಸ್ಯರು ಚಪ್ಪಾಳೆ ಹೊಡೆದು ಸಂಭ್ರಮಿಸಿದ್ದಾರೆ. ಆದರೆ, ಈ ಒಂದು ಸಂಭ್ರಮವನ್ನ ಜಗದೀಶ್ ಕಣ್ತುಂಬಿಕೊಂಡಿದ್ದಾರೆ.
ಹಾಗಂತ ಏನೋ ರಿಯಾಕ್ಟ್ ಮಾಡ್ತಾರೆ ಅಂದುಕೊಡ್ರೆ ಜಗದೀಶ್ ಆ ರೀತಿ ಏನೂ ಮಾಡೋಕೆ ಹೋಗ್ಲಿಲ್ಲ. ಇಷ್ಟಪಟ್ಟು ಹೊರಗೆ ಹೋದವ್ರ ರೀತಿನೇ ಮನೆಯ ಮುಖ್ಯದ್ವಾರದಿಂದ ಜಗದೀಶ್ ನಡೆದು ಹೋಗಿದ್ದಾರೆ. ಜಗದೀಶ್ ಸದ್ಯ ಎಲ್ಲಿದ್ದಾರೆ ಅನ್ನೋದು ಯಾರಿಗೂ ತಿಳಿದಿಲ್ಲ. ಆದರೆ, ಇರೋ ಜಾಗದಿಂದಲೇ ಜಗದೀಶ್ ಕೂಲ್ ಅನಿಸೋ ಫೋಟೋಗಳನ್ನ ಹಂಚಿಕೊಂಡಿದ್ದಾರೆ.
