‘ಬಿಗ್ ಬಾಸ್ ಕನ್ನಡ 11’ ಕಾರ್ಯಕ್ರಮದಲ್ಲಿ ಐದನೇ ವಾರ ಕುರಿಗಾಹಿ ಹನುಮಂತ ಲಮಾಣಿ ಕ್ಯಾಪ್ಟನ್ ಆಗಿದ್ದಾರೆ. ಟಾಸ್ಕ್‌‌ನಲ್ಲಿ ಗೆದ್ದು ಹನುಮಂತ ಲಮಾಣಿ ಕ್ಯಾಪ್ಟನ್ ಪಟ್ಟಕ್ಕೇರಿದ್ದಾರೆ. ಕ್ಯಾಪ್ಟನ್ ಆಗಿರುವ ಹನುಮಂತ ಲಮಾಣಿಗೆ ನಾಮಿನೇಷನ್ ಮಾಡುವ ಅಧಿಕಾರ ಸಿಕ್ಕಿದೆ. ನಾಮಿನೇಷನ್‌ಗೆ ಹನುಮಂತನ ಆಯ್ಕೆಗಳು ಕೆಲವರಿಗೆ ಕೋಪ ತರಿಸಿದೆ. ಕ್ಯಾಪ್ಟನ್ ಆಯ್ಕೆ ಚಟುವಟಿಕೆ ವೇಳೆ ನಡೆದ ಪ್ಲಾನಿಂಗ್, ಪ್ಲಾಟಿಂಗ್, ಕುತಂತ್ರ, ಷಡ್ಯಂತ ಒಂದೆರಡಲ್ಲ. ಒಬ್ಬರನ್ನ ಹಳ್ಳಕ್ಕೆ ತೋಡೋಕೆ ಒಬ್ಬರು ತುದಿಗಾಲಲ್ಲಿ ನಿಂತಿದ್ದರು. ಆದರೆ, ನಿಯತ್ತಿನಿಂದ ಹಾಗೂ ಶ್ರದ್ಧೆಯಿಂದ ಆಡಿದ ಹನುಮಂತ ಲಮಾಣಿ ಗೆಲುವಿನ ನಗೆ ಬೀರಿದರು.
ಕ್ಯಾಪ್ಟನ್ ಆಗಿರುವ ಹನುಮಂತಗೆ ತಮ್ಮ ಆಯ್ಕೆಯ ಸ್ಪರ್ಧಿಗಳನ್ನ ನಾಮಿನೇಟ್ ಮಾಡುವ ಅಧಿಕಾರವನ್ನ ‘ಬಿಗ್ ಬಾಸ್’ ನೀಡಿದ್ದಾರೆ. ಪರಿಣಾಮ, ತಮ್ಮದೇ ಕಾರಣಗಳನ್ನ ಕೊಟ್ಟು ಗೋಲ್ಡ್ ಸುರೇಶ್, ಭವ್ಯಾ ಗೌಡ ಹಾಗೂ ಮಾನಸಾ ಅವರನ್ನ ಹನುಮಂತ ಲಮಾಣಿ ನಾಮಿನೇಟ್ ಮಾಡಿದ್ದಾರೆ. ಇದರಿಂದ ಮೂವರೂ ಬೇಸರಗೊಂಡಿದ್ದಾರೆ.
ಇದನ್ನು ಓದಿ: ಕಂಗುವಾ ಸಿನಿಮಾದ ಎಡಿಟರ್‌ ನಿಗೂಢ ಸಾವು!
‘’ಗೋಲ್ಡ್ ಸುರೇಶ್ ಅಲ್ಲಲ್ಲೇ ಕೋಳಿ ಮಲಗಿದ ಹಾಗೆ ಮಲ್ಕೊಂಡಿರ್ತಾರೆ’’ ಅಂತ್ಹೇಳಿ ಹನುಮಂತ ಲಮಾಣಿ ನಾಮಿನೇಟ್ ಮಾಡಿದ್ದಾರೆ. ಆಗ, ‘’ನಾನೊಬ್ಬನೇ ಮಲ್ಕೊಂಡಿದ್ನಾ?’’ ಅಂತ ಗೋಲ್ಡ್ ಸುರೇಶ್ ಪ್ರಶ್ನೆ ಮಾಡ್ತಾರೆ. ಅದಕ್ಕೆ, ‘’ನಾನೂ ಮಲ್ಕೊಂಡಿದ್ದೀನಿ. ನನ್ನದು ಇದ್ದಾಗ ನೀನು ಹೇಳು…’’ ಅಂತ್ಹೇಳು ಹನುಮಂತ ಲಮಾಣಿ ತಿರುಗೇಟು ಕೊಡ್ತಾರೆ. ಇನ್ನೂ ಭವ್ಯಾ ಯಾವುದರಲ್ಲೂ ಜಾಸ್ತಿ ಭಾಗವಹಿಸಲಿಲ್ಲ’’ ಮತ್ತು ‘’ಮಾನಸಕ್ಕ ಒಂಥರಾ ಬಾಂಬ್ ಇದ್ಹಂಗೆ. ಸೌಂಡ್ ಮಾಡೋದಕ್ಕೆ ಹೋದರೆ ಅಲ್ಲೇ ಠುಸ್ ಅನ್ನುತ್ತೆ’’ ಎಂದಿದ್ದಾರೆ ಹನುಮಂತ. ಇದನ್ನ ಕೇಳಿ ‘’ನೀನು ಕೊಟ್ಟ ರೀಸನ್ ಚೆನ್ನಾಗಿರಲಿಲ್ಲ’’ ಅಂತ ಭವ್ಯಾ ಗೌಡ ಕಿಡಿಕಾರಿದ್ದಾರೆ.
ಇದನ್ನು ಓದಿ: ದರ್ಶನ್‌ ಫ್ಯಾನ್ಸ್‌ಗೆ ಬಂತು ಮಹತ್ವದ ಸಂದೇಶ..!
‘’ಅವನು ಸಾಮಾನ್ಯದವನಲ್ಲ, ನಾವು ಅಂದುಕೊಂಡಂಗಿಲ್ಲ’’ ಎಂದು ಹನುಮಂತ ಬಗ್ಗೆ ಗೋಲ್ಡ್ ಸುರೇಶ್ ಹೇಳಿದ್ದಾರೆ. ‘’ಹನುಮಂತ ಅಂಥ ಪ್ಲಾನರ್ ಇಡೀ ಮನೆಯಲ್ಲೇ ಯಾರೂ ಇಲ್ಲ’’ ಅಂತ ಮಾನಸಾ ಕಾಮೆಂಟ್ ಮಾಡಿದ್ದಾರೆ. ಇನ್ನೂ ಚೈತ್ರಾ ಕುಂದಾಪುರ ‘’ಗುಳಿಗೆ ಸಿದ್ದ ಒಳಗೆ ಮೆದ್ದ’’ ಎಂದು ಹನುಮಂತ ಬಗ್ಗೆ ವ್ಯಾಖ್ಯಾನ ಮಾಡಿದ್ದಾರೆ.
