ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 11, 41ನೇ ದಿನಕ್ಕೆ ಕಾಲಿಟ್ಟಿದೆ. ಇದೇ ಹೊತ್ತಲ್ಲಿ ಬಿಗ್ಬಾಸ್ ಮನೆಯಿಂದ ಯಾವ ಸ್ಪರ್ಧಿ ಆಚೆ ಹೋಗಲಿದ್ದಾರೆ ಅಂತ ವೀಕ್ಷಕರು ಲೆಕ್ಕ ಹಾಕುತ್ತಿದ್ದಾರೆ. ಈಗಾಗಲೇ ಬಿಗ್ಬಾಸ್ ಮನೆಯಿಂದ 5 ಸ್ಪರ್ಧಿಗಳು ಆಚೆ ಹೋಗಿದ್ದಾರೆ. ನಟಿ ಯಮುನಾ ಶ್ರೀನಿಧಿ, ಲಾಯರ್ ಜಗದೀಶ್, ರಂಜಿತ್‌, ಹಂಸ ಹಾಗೂ ಮಾನಸಾ ಔಟ್ ಆಗಿದ್ದಾರೆ. ಆದರೆ ಈ ಬಾರಿ ಯಾವ ಸ್ಪರ್ಧಿ ಬಿಗ್ಬಾಸ್ ಮನೆಯ ಆಟ ಮುಗಿಸಲಿದ್ದಾರೆ ಅಂತ ಸದ್ಯದ ಕುತೂಹಲ.
ಇನ್ನೂ ಈ ವಾರ ಬಿಗ್ಬಾಸ್ ಮನೆಯಲ್ಲಿ ಗುರುವಾರದ ಸಂಚಿಕೆವರೆಗೂ ಟಾಸ್ಕ್‌ಗಳು ನಡೆದವು. ಬಿಗ್ಬಾಸ್ ಕೊಟ್ಟ ಟಾಸ್ಕ್‌ಗಳು ನಾಮಿನೇಷನ್‌ ಮೇಲೆ ಪರಿಣಾಮ ಬೀರಿದ್ದವು. ಹೀಗಾಗಿ ನಾಮಿನೇಟ್ ಆದವರ ಪಟ್ಟಿಯನ್ನ ಸ್ಪರ್ಧಿಗಳಿಗೆ ಬಿಗ್ ಬಾಸ್ ಘೋಷಿಸಿದ್ದು ಗುರುವಾರದ ಸಂಚಿಕೆಯಲ್ಲಿ. ಆದರೆ ಇದೇ ಸಂಚಿಕೆಯಲ್ಲಿ ‘ವೋಟಿಂಗ್ ಲೈನ್ಸ್ ತೆರೆದಿರುವುದಿಲ್ಲ’ ಎಂಬ ಸೂಚನೆಯನ್ನ ವೀಕ್ಷಕರಿಗೆ ಬಿಗ್ಬಾಸ್ ನೀಡಿದ್ದರು. ಅಲ್ಲಿಗೆ ಒಂದು ಮಟ್ಟಿಗೆ ಈ ವಾರ ನೋ ಎಲಿಮಿನೇಷನ್ ವೀಕ್ ಅಂತಾ ಗೊತ್ತಾಗಿದೆ.
ಇದನ್ನು ಓದಿ: ವ್ಯಾಟ್ಸ್ಆ್ಯಪ್ ಸ್ಟೇಟಸ್ ಹಾಕುವವರಿಗೆ ಗುಡ್ ನ್ಯೂಸ್!
ಈ ವಾರ ಬಿಗ್ಬಾಸ್ ಮನೆಯಿಂದ ಆಚೆ ಹೋಗಲು ಭವ್ಯಾ ಗೌಡ, ಚೈತ್ರಾ ಕುಂದಾಪುರ, ಧರ್ಮ ಕೀರ್ತಿರಾಜ್, ತ್ರಿವಿಕ್ರಮ್, ಮೋಕ್ಷಿತಾ ಪೈ, ಗೋಲ್ಡ್ ಸುರೇಶ್ ಹಾಗೂ ಧನರಾಜ್ ಆಚಾರ್‌ ನಾಮಿನೇಟ್ ಆಗಿದ್ದಾರೆ. ಆದರೆ, ವೋಟಿಂಗ್ ಲೈನ್ಸ್ ತೆರೆಯದ ಕಾರಣ ಇವರೆಲ್ಲರೂ ಈ ವಾರ ಸೇಫ್‌ ಅಥವಾ ಕಾರ್ಯಕ್ರಮದ ಕೊನೆಯಲ್ಲಿ ಏನಾದರೂ ಟ್ವಿಸ್ಟ್ ಇರಲಿದ್ಯಾ, ಅಥವಾ ಫೇಕ್ ಎಲಿಮಿನೇಷನ್ ನಡೆಸಿ ಯಾರನ್ನಾದರೂ ಸೀಕ್ರೆಟ್‌ ರೂಮ್‌ನಲ್ಲಿ ಬಿಡ್ತಾರಾ ಅಂತ ಕಾದು ನೋಡಬೇಕಿದೆ.
