ಕನ್ನಡ ಬಿಗ್ ರಿಯಾಲಿಟಿ ಶೋ ಬಿಗ್ಬಾಸ್ ಸೀಸನ್ 11 ಶುರುವಾಗಿ ಒಂದು ವಾರ ಅಂತ್ಯವಾಗಿದೆ. ಪ್ರತಿ ಸೀಸನ್ನಲ್ಲೂ ವಾರದ ಕೊನೆಯಲ್ಲಿ ಬಿಗ್ಬಾಸ್ ಮನೆಯ ಕ್ಯಾಪ್ಟನ್ ಅನ್ನು ಆಯ್ಕೆ ಮಾಡಲಾಗುತ್ತದೆ. ಅದರಂತೆ ಈ ಬಾರಿಯ ಬಿಗ್ಬಾಸ್ ಮನೆಯಲ್ಲಿ ಹೊಸ ಕ್ಯಾಪ್ಟನ್ನ್ನು ಆಯ್ಕೆ ಮಾಡಲಾಗಿದೆ.
ಬಿಗ್ಬಾಸ್ ಸೀಸನ್ 11ರ ಮೊದಲ ಕ್ಯಾಪ್ಟನ್ ಆಗಿ ಹಂಸ ನಾರಾಯಣಸ್ವಾಮಿ ಆಯ್ಕೆಯಾಗಿದ್ದಾರೆ. ಬಿಗ್ಬಾಸ್ ಮನೆಯ ಕ್ಯಾಪ್ಟನ್ ಆಗಬೇಕು ಅಂದ್ರೆ ಎಲ್ಲಾ ಸ್ಪರ್ಧಿಗಳು ಟಾಸ್ಕ್ಗಳನ್ನು ಕಷ್ಟಪಟ್ಟು ಆಡಿ ಕ್ಯಾಪ್ಟನ್ ಆಗ್ತಾರೆ. ಆದರೆ ಈ ಬಾರಿಯ ಬಿಗ್ಬಾಸ್ ಸೀಸನ್ 11ರ ಕ್ಯಾಪ್ಟನ್ ಪಟ್ಟ ಸಿಗಬೇಕಾದರೇ ನರಕವಾಸಿಗಳು ಸ್ವರ್ಗವಾಸಿಗಳ ಪರವಾಗಿ ಆಡಬೇಕಿತ್ತು. ಹೀಗಾಗಿ ಸ್ವರ್ಗವಾಸಿಗಳಿಗೆ ಬಿಗ್ಬಾಸ್ ಕ್ಯಾಪ್ಟನ್ಸಿ ಟಾಸ್ಕ್ ಅನ್ನು ಕೊಟ್ಟಿದ್ದರು.
ಅದರಂತೆ ಕ್ಯಾಪ್ಟನ್ಸಿ ಓಟಕ್ಕೆ ಸ್ವರ್ಗವಾಸಿಗಳಾದ ಭವ್ಯಾ ಗೌಡ, ಹಂಸ, ತ್ರೀವಿಕ್ರಂ, ಉಗ್ರಂ ಮಂಜು, ಯಮುನಾ ಹಾಗೂ ಐಶ್ವರ್ಯ ಆಯ್ಕೆಯಾಗಿದ್ದರು. ಅವರ ಪರವಾಗಿ ನರಕ ನಿವಾಸಿಗಳಾದ ಮೋಕ್ಷಿತಾ ಪೈ ಉ್ರಗಂ ಮಂಜು ಪರವಾಗಿ ಆಡಿದ್ದರು. ಯಮುನ ಪರವಾಗಿ ಅನುಷಾ ರೈ ಆಡಿದ್ದರು. ಹಂಸ ಅವರ ಪರವಾಗಿ ರಂಜಿತ್ ಅವರು ಆಡಿದ್ದರು. ಸುರೇಶ್ ಅವರು ತ್ರೀವಿಕ್ರಂ ಪರ ಆಡಿದ್ದರು ಇನ್ನೂ ಭ್ಯವಾ ಗೌಡ ಪರವಾಗಿ ಶಿಶಿರ್ ಅವರು ಆಡಿದ್ದರು. ಚೈತ್ರಾ ಕುಂದಾಪುರ ಅವರು ಐಶ್ವರ್ಯ ಪರ ಆಡಿದ್ದಾರೆ.
ಇನ್ನು ಬಿಗ್ಬಾಸ್ ಕೊಟ್ಟ ಕಠಿಣವಾದ ಟಾಸ್ಕ್ನಲ್ಲಿ ಕೊನೆಯವರೆಗೂ ರಂಜಿತ್ ಅವರು ಆಡಿ ಹಂಸ ಅವರನ್ನು ಕ್ಯಾಪ್ಟನ್ಸಿ ಓಟದಲ್ಲಿ ವಿನ್ ಮಾಡಿಸಿದ್ದಾರೆ. ಸದ್ಯ ಬಿಗ್ಬಾಸ್ ಸೀಸನ್ 11ರ ಮೊದಲ ವಾರದ ಕ್ಯಾಪ್ಟನ್ ಆಗಿದ್ದಾರೆ ಹಂಸ ನಾರಾಯಣಸ್ವಾಮಿ.
