ವಿಶ್ವ ಸಿನಿದುನಿಯಾ ಕಣ್ಣರಳಿಸಿರೋ ಸಿನಿಮಾಗಳ ಪೈಕಿ ‘ಕಲ್ಕಿ’ ಕೂಡ ಒಂದು. ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ನಾಯಕನಟನಾಗಿ ಧಗಧಗಿಸಿರೋ ಚಿತ್ರ. ಸಲಾರ್ ನಲ್ಲಿ ದೇವನಾಗಿ ದಂಗು ಬಡಿಸಿದ ರೆಬೆಲ್ ಸ್ಟಾರ್ ಪ್ರಭಾಸ್, ಕಲ್ಕಿ ಚಿತ್ರದಲ್ಲಿ ಭೈರವನಾಗಿ ದರ್ಬಾರ್ ಮಾಡಲು ಹೊರಟಿದ್ದಾರೆ. ಇಂತಹ ಕಲ್ಕಿನಾ ಸಿನಿಮಾ ಪ್ರೇಮಿಗಳ ಮುಂದೆ ತರಲು ಸೌತ್- ನಾರ್ತ್ ಇಂಡಸ್ಟ್ರಿ ಮುಂದಾಗಿದೆ. ಹಾಗೆಯೇ ದೊಡ್ಡ ದೊಡ್ಡ ವಿತರಣಾ ಸಂಸ್ಥೆಗಳು ಕ್ಯೂ ನಿಂತಿರುವ ಹೊತ್ತಲ್ಲಿ ಕನ್ನಡದ ಕೆವಿಎನ್ ಸಂಸ್ಥೆಗೆ ಕರುನಾಡಿನ ತುಂಬೆಲ್ಲಾ ಕಲ್ಕಿನಾ ವಿತರಣೆ ಮಾಡುವ ಅವಕಾಶ ಸಿಕ್ಕಿದೆ.
ಯಸ್, ಕಲ್ಕಿ ಸಿನಿಮಾವನ್ನ ಕನ್ನಡ ಸೇರಿದಂತೆ ಇತರೆ ಭಾಷೆಗಳಲ್ಲಿಯೂ ಕರುನಾಡಿನಲ್ಲಿ ವಿತರಣೆ ಮಾಡುವ ಹಕ್ಕನ್ನ ಕೆವಿಎನ್ ಸಂಸ್ಥೆ ಕೊಂಡುಕೊಂಡಿದೆ. ಇದೇ ಜೂನ್ 27 ರಂದು ವರ್ಲ್ಡ್ ವೈಡ್ ಪ್ರಭಾಸ್ ಕಲ್ಕಿ ರಿಲೀಸ್ ಆಗ್ತಿದ್ದು, ಕರ್ನಾಟಕದ ಜನರಿಗೆ ‘ಕಲ್ಕಿ’ಯ ಅಭೂತಪೂರ್ವ ಅನುಭವವನ್ನು ಕೊಂಡು ತರುತ್ತಿರುವುದು ಬಹಳ ಖುಷಿಯ ವಿಷಯ’ಅಂತ ಕೆವಿಎನ್ ಸಂಸ್ಥೆ ಟ್ವೀಟ್ ಮಾಡಿ ತಿಳಿಸಿದೆ.
ಇನ್ನೂ ಕಲ್ಕಿ ಚಿತ್ರಕ್ಕೆ ಮಹಾನಟಿ ಸಿನ್ಮಾ ಖ್ಯಾತಿಯ ನಾಗ್ ಅಶ್ವಿನ್ ನಿರ್ದೇಶನವಿದೆ. ಸುಮಾರು 6000 ವರ್ಷಗಳ ಕಥೆನಾ ಭೂತ & ಭವಿಷ್ಯತ್‌ ಕಾಲದಲ್ಲಿ ಕಲ್ಕಿ 2898AD ಮೂಲಕ ಹೇಳಲು ಹೊರಟಿದ್ದಾರೆ. ನಾಗ್ ಅಶ್ವಿನ್ ಈ ಚಿತ್ರದಲ್ಲಿ ಅತೀ ದೊಡ್ಡ ತಾರಾಬಳಗವಿದೆ. ಬಿಗ್ ಬಿ ಅಮಿತಾಬ್ ಬಚ್ಚನ್ ಅಶ್ವತ್ಥಾಮನಾಗಿ ಕಮಾಲ್ ಮಾಡಲಿದ್ದಾರೆ. ಕಮಲ್ ಹಾಸನ್, ದೀಪಿಕಾ ಪಡುಕೋಣೆ, ದಿಶಾ ಪಠಾಣಿ ಸೇರಿದಂತೆ ಬಿಗ್ ಸ್ಟಾರ್ಸ್ ಗಳ ಸಮಾಗಮವಿದೆ.
ಸುಮಾರು 600 ಕೋಟಿ ವೆಚ್ಚದಲ್ಲಿ ಎರಡು ಭಾಗಗಳಲ್ಲಿ ತಯಾರಾಗಿರುವ ಈ ಸಿನಿಮಾ, ಇಂಡಿಯನ್ ಸಿನಿಮಾ ಇಂಡಸ್ಟ್ರಿಯಲ್ಲೇ ಅತೀ ದುಬಾರಿ ಚಿತ್ರವೆಂಬ ಖ್ಯಾತಿ ಪಡೆದಿದೆ. ತೆಲುಗು ಹಾಗೂ ಹಿಂದಿ ಎರಡು ಭಾಷೆಯಲ್ಲಿ ಏಕಕಾಲಕ್ಕೆ ತಯಾರಾಗುತ್ತಿದ್ದು, ಇಂಟರ್ ನ್ಯಾಷನಲ್ ಟೆಕ್ನಿಷಿಯನ್ಸ್‌ಗಳು ಈ ಸಿನಿಮಾಗಾಗಿ ವರ್ಕ್ ಮಾಡಿದ್ದಾರೆ. ಜಗದೇಕ ವೀರಡು ಅತಿಲೋಕ ಸುಂದರಿ, ಮಹಾನಟಿಯಂತಹ ಸೂಪರ್ ಡೂಪರ್ ಹಿಟ್ ಚಿತ್ರ ನಿರ್ಮಿಸಿರುವ ವೈಜಯಂತಿ ಮೂವೀಸ್ ನಿರ್ಮಾಣದಲ್ಲಿ ಕಲ್ಕಿ ರಿಚ್ ಆಗಿ ತಯಾರಾಗಿದೆ.
