2027ರ ವರೆಗೂ ಐಪಿಎಲ್‌ನ ಆರ್‌ಸಿಬಿ ತಂಡದಲ್ಲೇ ಮುಂದುವರಿಯುವ ಬಗ್ಗೆ ಮಾಜಿ ನಾಯಕ ವಿರಾಟ್ ಕೊಹ್ಲಿ ಸುಳಿವು ನೀಡಿದ್ದಾರೆ. ಈ ಬಗ್ಗೆ ‘ಆರ್‌ಸಿಬಿ ಬೋಲ್ಡ್ ಡೈರೀಸ್’ ವಿಶೇಷ ಕಾರ್ಯಕ್ರಮದಲ್ಲಿ ಮಾತನಾಡಿರುವ ಕೊಹ್ಲಿ, ‘ಆರ್‌ಸಿಬಿ ಪರ ಆಡಲು ಶುರುಮಾಡಿ ಈ ಋತು(2025-27)ವಿನ ಅಂತ್ಯಕ್ಕೆ 20 ವರ್ಷವಾಗಲಿದೆ. ಇದು ನನಗೆ ತುಂಬಾ ವಿಶೇಷ ಕ್ಷಣ. ನಾನು ಒಂದು ತಂಡದ ಪರ ಇಷ್ಟು ವರ್ಷಗಳ ಕಾಲ ಆಡುತ್ತೇನೆ ಅಂದು ಕೊಂಡಿರಲಿಲ್ಲ. ನಾನು ಯಾವತ್ತೂ ಆರ್‌ಸಿಬಿ ಹೊರತುಪಡಿಸಿ ಬೇರೆ ತಂಡದ ಪರ ಆಡುವುದನ್ನು ಚಿಂತಿಸಿಯೇ ಇಲ್ಲ. ಈ ಬಾರಿ ಹೊಸ ತಂಡವನ್ನು ವನ್ನು ಕಟ್ಟುವ ಅವಕಾಶ ಸಿಕ್ಕಿದ್ದಕ್ಕೆ ಖುಷಿಯಿದೆ’ ಎಂದಿದ್ದಾರೆ.
