ಮಿಜೋರಾಂನಲ್ಲಿ ಕಲ್ಲಿನ ಕ್ವಾರಿ ಕುಸಿತ : 10 ಮಂದಿ ಸಾವು

• ಕಲ್ಲಿನ ಕ್ವಾರಿ ಕುಸಿದು 10 ಮಂದಿ ಸಾವು, ಹಲವರು ನಾಪತ್ತೆ

• ಮಿಜೋರಾಂನಲ್ಲೂ ರೆಮಲ್‌ ಚಂಡಮಾರುತದ ಅಬ್ಬರ ಶುರು

ಮಿಜೋರಾಂನಲ್ಲೂ ರೆಮಲ್‌ ಚಂಡಮಾರುತದ ಅಬ್ಬರ ಶುರುವಾಗಿದೆ. ಕಲ್ಲಿನ ಕ್ವಾರಿ ಕುಸಿದು 10 ಮಂದಿ ಸಾವನ್ನಪ್ಪಿದ್ದಾರೆ. ಮಂಗಳವಾರ ಬೆಳಗ್ಗೆ ಭಾರೀ ಮಳೆ ನಡುವೆ ಮಿಜೋರಾಂ ಐಜ್ವಲ್‌ ಜಿಲ್ಲೆಯಲ್ಲಿ ಕಲ್ಲಿನ  ಕ್ವಾರಿ ಕುಸಿದು ಹತ್ತು ಜನರು ಸಾವನ್ನಪ್ಪಿದ್ದು, ಹಲವರು ನಾಪತ್ತೆಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನಿರಂತರ ಮಳೆಯಾದ ಪರಿಣಾಮ ಈ ಕಲ್ಲಿನ ಕ್ವಾರಿ ಕುಸಿದಿದೆ ಎಂದು ಪೊಲೀಸರು ತಿಳಿಸಿದ್ದು, ನಗರದ ದಕ್ಷಣ ಹೊರವಲಯದಲ್ಲಿ ಮೆಲ್ಥಮ್‌ ಪ್ರದೇಶದಲ್ಲಿ ಬೆಳಗ್ಗೆ 6 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಇನ್ನು ಈ ಘಟನೆಯಿಂದ 10 ಮೃತದೇಹಗಳನ್ನು ಹೊರ ತೆಗೆಯಲಾಗಿದ್ದು, ಇನ್ನು ಹಲವರು ಅವಶೇಷಗಳ ಅಡಿಯಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಮಳೆಯಿಂದಾಗಿ ಎಕ್ಷಣಾ ಕಾರ್ಯಾಚನೆಗೆ ತೊಡಕಾಗುತ್ತಿದೆ ಎಂದು ಅಧಿಕಾರಿ ಹೇಳಿದ್ದಾರೆ.