ಲಾಲು ಆರೋಗ್ಯ ದಿಢೀರ್ ವ್ಯತ್ಯಯ!

ಬಿಹಾರದ ಮಾಜಿ ಮುಖ್ಯಮಂತ್ರಿ, ಆರ್ ಜೆಡಿ ನಾಯಕ ಲಾಲು ಪ್ರಸಾದ್ ಯಾದವ್ ಅವರ ಆರೋಗ್ಯ ಮಂಗಳವಾರ ದಿಢೀರನೆ ಹದಗೆಟ್ಟಿದೆ. ಪರಿಣಾಮ ಅವರನ್ನು ದೆಹಲಿಯ ಏಮ್ಸ್‌ ಗೆ ದಾಖಲಿಸಲಾಗಿದೆ. ಸೋಮವಾರ ಅನ್ಯ ಕೆಲಸ ಮೇಲೆ ದೆಹಲಿಗೆ ಆಗಮಿಸಿದ್ದ ಲಾಲು ಅವರಿಗೆ ಮಂಗಳವಾರ ಸಂಜೆ ವೇಳೆ ಆರೋಗ್ಯದಲ್ಲಿ ಏರುಪೇರಾಗಿದೆ. ಪರಿಣಾಮ ಅವರನ್ನು ಏಮ್ಸ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಅವರು ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದು, ಆರೋಗ್ಯ ಸ್ಥಿರವಾಗಿದೆ ಎಂದು ಏಮ್ಸ್ ಆಸ್ಪತ್ರೆಯ ಸಿಬ್ಬಂದಿ ತಿಳಿಸಿದ್ದಾರೆ.