ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಭಾರೀ ಕುತೂಹಲ ಮೂಡಿಸಿದೆ. ಮುಂದಿನ ಸೀಸನ್ಗೆ ಮುನ್ನ ನಡೆಯಲಿರೋ ಐಪಿಎಲ್ ಮೆಗಾ ಹರಾಜಿಗಾಗಿ ಎಲ್ಲರೂ ಬಹಳ ಕಾತುರದಿಂದ ಕಾಯುತ್ತಿದ್ದಾರೆ. ಈಗಾಗಲೇ ಎಲ್ಲಾ ಐಪಿಎಲ್ ತಂಡಗಳು ಅಕ್ಟೋಬರ್ 31ನೇ ತಾರೀಖು ರೀಟೈನ್ ಲಿಸ್ಟ್ ಸಲ್ಲಿಸಿವೆ.
ಹಾಲಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್‌ ಕೂಡ ಐವರನ್ನು ರೀಟೈನ್ ಮಾಡಿಕೊಂಡು ಸ್ಟಾರ್ ಆಟಗಾರರಿಗೆ ಕೊಕ್ ನೀಡಿದೆ. ಅದರಲ್ಲೂ ಕೆಕೆಆರ್ ಐಪಿಎಲ್ ವಿನ್ನಿಂಗ್ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಅವರನ್ನೇ ಉಳಿಸಿಕೊಳ್ಳುವಲ್ಲಿ ವಿಫಲವಾಗಿದೆ. ಜತೆಗೆ ಕಳೆದ ಸೀಸನ್ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಸ್ಟಾರ್ ಬ್ಯಾಟರ್ ಫಿಲಿಪ್ ಸಾಲ್ಟ್ ಅವರನ್ನೇ ಕೈ ಬಿಡಲಾಗಿದೆ.
ಇದನ್ನು ಓದಿ: ದಲಿತರಿಂದ ದೇವಾಲಯ ಪ್ರವೇಶ, ಮೂರ್ತಿಯನ್ನೇ ಹೊತ್ತೊಯ್ದ ಸವರ್ಣೀಯರು!
ಕೆಕೆಆರ್ ತಂಡದಿಂದ ಕೈ ಬಿಟ್ಟ ಬೆನ್ನಲ್ಲೇ ಫಿಲಿಪ್ ಸಾಲ್ಟ್ ಸ್ಫೋಟಕ ಬ್ಯಾಟಿಂಗ್ ಮಾಡಿದ್ದಾರೆ. ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಬಿರುಸಿನ ಶತಕ ಬಾರಿಸಿದ್ರು. ಈ ಮೂಲಕ ತನ್ನ ಶಕ್ತಿ ತೋರಿಸಿದ್ರು. ಇದರ ಪರಿಣಾಮ ಬಾರ್ಬಡೋಸ್‌ನಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಇಂಗ್ಲೆಂಡ್ 8 ವಿಕೆಟ್‌ಗಳಿಂದ ಜಯ ದಾಖಲಿಸಿದೆ.
ಇದನ್ನು ಓದಿ: ಸಚಿವ ಜಮೀರ್‌ ಅಹ್ಮದ್‌‌ಗೆ ಗವರ್ನರ್‌ ಶಾಕ್‌!
ಇನ್ನು, ಈ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ಮಾಡಿದ ಫಿಲಿಪ್ ಸಾಲ್ಟ್ ಶತಕ ಸಿಡಿಸಿದ್ರು. ಇವರು ಕೇವಲ 54 ಎಸೆತಗಳಲ್ಲಿ 9 ಬೌಂಡರಿ ಮತ್ತು 6 ಸಿಕ್ಸರ್‌ಗಳ ನೆರವಿನಿಂದ 103 ರನ್ ಚಚ್ಚಿ ಗೆಲುವು ಸಾಧಿಸಿದ್ರು.
ಇದನ್ನು ಓದಿ: ಯಶವಂತಪುರ ಫ್ಲೈಓವರ್‌ ಮೇಲೆ ಮತ್ತೊಂದು ಅಪಘಾತ!
ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು ಸ್ಪೋಟಕ ಆರಂಭಿಕ ಬ್ಯಾಟರ್ ಹುಡುಕಾಟದಲ್ಲಿದೆ. ಈ ಹೊತ್ತಲ್ಲೇ ಫಿಲಿಪ್ ಅದ್ಭುತ ಶತಕ ಬಾರಿಸಿ ಆರ್ಸಿಬಿ ಗಮನ ಸೆಳೆದಿದ್ದಾರೆ. ಫಿಲಿಪ್ ಸಾಲ್ಟ್ ಆರ್‌ಸಿಬಿಗೆ ಬಂದ್ರೆ ಬ್ಯಾಟಿಂಗ್ ಬಲ ಹೆಚ್ಚಾಗಲಿದೆ. ಹೀಗಾಗಿ ಫಿಲಿಪ್ ಸಾಲ್ಟ್ ಆರ್‌ಸಿಬಿಗೆ ಉತ್ತಮ ಆಯ್ಕೆಯಾಗಿದ್ದಾರೆ.
