ಐಪಿಎಲ್ ಹತ್ತಿರವಾದ್ರೆ ಸಾಕು.. ಇದೇನಾ ಧೋನಿ ಆಡೋ ಕೊನೆ ಸೀಸನ್ ಅನ್ನೋ ಪ್ರಶ್ನೆ ಸಖತ್ ಸೌಂಡ್ ಮಾಡುತ್ತೆ. ಆದ್ರೆ, ಈ ಬಾರಿಯ ಐಪಿಎಲ್ಗೂ ಮುನ್ನ ಧೋನಿಯ ರಿಟೈರ್ಮೆಂಟ್ ಸುದ್ದಿ ಸದ್ದು ಮಾಡ್ತಿದೆ. ಆ ಒಂದು ದಿನ ಹತ್ತಿರವಾಗ್ತಿರುವ ಹೊತ್ತಿನಲ್ಲಿ, ಅಭಿಮಾನಿಗಳಲ್ಲಿ ಆತಂಕ ಶುರುವಾಗಿದೆ. ಹಾಗಾದ್ರೆ, ಧೋನಿ ಐಪಿಎಲ್ಗೆ ಗುಡ್ಬೈ ಹೇಳ್ತಾರಾ?
ಚೆನ್ನೈ ಸೂಪರ್ ಕಿಂಗ್ಸ್ ಫ್ರಾಂಚೈಸಿ ವಿಡಿಯೋವೊಂದನ್ನ ಪೋಸ್ಟ್ ಮಾಡಿದೆ. ಸಿಎಸ್ಕೆ ಫ್ರಾಂಚೈಸಿ ಮಾಡಿರೋ ಈ ಪೋಸ್ಟ್ ಪರೋಕ್ಷವಾಗಿ ಧೋನಿಯ ನಿವೃತ್ತಿಯ ಸುಳಿವನ್ನ ನೀಡ್ತಿದೆ. ಇತ್ತಿಚಿನ ಬೆಳವಣಿಗೆಗಳು ಕೂಡ ಈ ಅನುಮಾನಕ್ಕೆ ಕಾರಣವಾಗಿವೆ. ಕಳೆದ ಮೂರ್ನಾಲ್ಕು ದಿನದಿಂದ ಇಂಡಿಯನ್ ಕ್ರಿಕೆಟ್ನಲ್ಲಿ ಸೀಸನ್-18ರ ಐಪಿಎಲ್ ಟಾಕ್ ಆಫ್ ದಿ ಟೌನ್ ಆಗಿದೆ. ಯಾವ ಆಟಗಾರ, ಯಾವ ತಂಡಕ್ಕೆ ಹೋಗ್ತಾರೆ ಅನ್ನೋ ರೂಮರ್ಸ್ ಸಖತ್ ಸೌಂಡ್ ಮಾಡ್ತಿವೆ.
ಈಗಾಗಲೇ ಧೋನಿಯ ಕ್ರಿಕೆಟ್ ಕರಿಯರ್ ಯುಗಾಂತ್ಯಕ್ಕೆ ತಲುಪಿದೆ. ಕಳೆದ 2 ಸೀನಸ್ಗಳಿಂದ ಇಂಜುರಿ ನೋವಿನಲ್ಲೇ ವಿಕೆಟ್ ಕೀಪಿಂಗ್ ಆ್ಯಂಡ್ ಬ್ಯಾಟಿಂಗ್ ಮಾಡ್ತಿದ್ದಾರೆ. ಮುಂದಿನ ಸೀಸನ್ಗೂ ಮುನ್ನ ಧೋನಿಯ ವಯಸ್ಸು 44ರ ಗಡಿ ದಾಟಲಿದೆ. ಹೀಗಾಗಿ ಕಳೆದ ಸೀಸನ್ನಲ್ಲಿ ನಾಯಕತ್ವ ತ್ಯಜಿಸಿದ ಧೋನಿ, ಮುಂಬರೋ ಸೀಸನ್ಗೂ ಮುನ್ನ ಆಟಕ್ಕೆ ವಿದಾಯ ಹೇಳೋ ಸಾಧ್ಯತೆಯಿದೆ. ಡಿಸೆಂಬರ್ನಲ್ಲಿ ಮೆಗಾ ಆಕ್ಷನ್ ನಡೆಯಲಿದ್ದು, ಅದಕ್ಕೂ ಮುನ್ನವೇ ಧೋನಿ ರಿಟೈರ್ಮೆಂಟ್ ಹೇಳೋ ಸಾಧ್ಯತೆಯಿದೆ. ಒಂದ್ಕಡೆ ಧೋನಿಯ ಸೀಸನ್-18ರ ಐಪಿಎಲ್ ಆಡೋದು ಡೌಟ್ ಅನ್ನೋ ಸುದ್ದಿ ಹಬ್ಬಿದೆ. ಈ ಹೊತ್ತಿನಲ್ಲೇ ಆ ದಿನಾಂಕವೊಂದು ಹತ್ತಿರ ಬರ್ತಾ ಇದೆ. ಇದು ಫ್ಯಾನ್ಸ್ ಮನದಲ್ಲಿ ಆತಂಕ ಮೂಡಿಸಿದೆ ಆ ದಿನಾಂಕ ಆಗಸ್ಟ್ 15.
2020 ಆಗಸ್ಟ್ 15 ನಿಮಗೆ ನೆನಪಿರಬಹುದು. ಆ ದಿನ ಧೋನಿ ಅಂತರಾಷ್ಟ್ರೀಯ ಕ್ರಿಕೆಟ್ಗೆ ದಿಢೀರ್ ಗುಡ್ ಬೈ ಹೇಳಿದ್ರು. 2019ರ ಸೆಮಿಫೈನಲ್ ಸೋಲಿನ ಬಳಿಕ ಟೀಮ್ ಇಂಡಿಯಾದಿಂದ ದೂರ ಸರಿದಿದ್ದ ಮಾಹಿ, 13 ತಿಂಗಳ ನಂತರ ಸಡನ್ ನಿವೃತ್ತಿ ಘೋಷಿಸಿ ಶಾಕ್ ನೀಡಿದ್ದರು. ಇದೀಗ ಐಪಿಎಲ್ ರಿಟೈನ್- ರಿಲೀಸ್ ಲೆಕ್ಕಾಚಾರಗಳು ಜೋರಾಗಿದೆ. ಆ ದಿನಾಂಕವೂ ಹತ್ತಿರ ಬರ್ತಿದೆ. ಅದೇ ದಿನ ದೇಶಭಕ್ತ ಮಾಹಿ ಮತ್ತೊಮ್ಮೆ ಶಾಕ್ ನೀಡ್ತಾರಾ ಎಂಬ ಅನುಮಾನ ಕಾಡ್ತಿದೆ.
