ಇದೇ ಜೂನ್ 2 ರಂದು ಆರಂಭಗೊಳ್ಳಲಿದೆ. ಉದ್ಘಾಟನ ಪಂದ್ಯದಲ್ಲಿ ಆತಿಥೇಯ ಯುಎಸ್ಎ ಮತ್ತು ಕೆನಡಾ ತಂಡಗಳು ಸೆಣಸಾಡಲಿವೆ. ಇನ್ನೂ ಟೀಮ್ ಇಂಡಿಯಾ ಜೂನ್ 4ರಂದು ಐರ್ಲೆಂಡ್‌ ವಿರುದ್ಧ ತನ್ನ ಮೊದಲ ಮ್ಯಾಚನ್ನು ಆಡುವ ಮೂಲಕ ಅಭಿಯಾನ ಶುರು ಮಾಡಿಕೊಳ್ಳಲಿದೆ. ಈಗಾಗಲೇ ಟಿ-20 ವಿಶ್ವಕಪ್ಗಾಗಿ ಭಾರತ ತಂಡದ ಮೊದಲ ಬ್ಯಾಚ್ ಯುಎಸ್ಎ (ಅಮೆರಿಕ) ಗೆ ತೆರಳಿದೆ.
ತಂಡದ ನಾಯಕ ಹಿಟ್‌ ಮ್ಯಾನ್‌ ರೋಹಿತ್, ಬೂಮ್ರಾ, ರಿಷಬ್‌ ಪಂತ್, ಶಿವಂ ದುಬೆ ಒಳಗೊಂಡಂತೆ ಪ್ರಮುಖ ಪ್ಲೇಯರ್ಸ್‌ಗಳು ಈ ಬ್ಯಾಚ್‌ನಲ್ಲಿದ್ದಾರೆ. ಆದರೆ ವಿರಾಟ್ ಕೊಹ್ಲಿ ಮಾತ್ರ ಈ ಬ್ಯಾಚ್‌ನಲ್ಲಿ ಕಾಣಿಸಿಕೊಂಡಿಲ್ಲದ್ದು, ಫ್ಯಾನ್ಸ್‌ಗಳಲ್ಲಿ ಆತಂಕ ಸೃಷ್ಟಿಯಾಗಿದೆ.
ಇದಕ್ಕೆ ಮುಖ್ಯ ಕಾರಣ ಕೊಹ್ಲಿಯ ಯುಎಸ್ಎ ವೀಸಾ ವರ್ಕಗಳು ಪೆಂಡಿಂಗ್‌ನಲ್ಲಿದೆ. ಹೀಗಾಗಿ ಮೊದಲ ಬ್ಯಾಚ್ ಜೊತೆ ಅವರು ಜರ್ನಿ ಬೆಳಸಿಲ್ಲ ಎನ್ನಲಾಗುತ್ತಿದೆ. ಅಲ್ಲದೆ ವಿರಾಟ್ ಮೇ 30 ರಂದು ನ್ಯೂಯಾರ್ಕ್ಗೆ ತೆರಳಲ್ಲಿದ್ದಾರಂತೆ. ಒಂದು ವೇಳೆ ಮೇ 30 ರ ಬಳಿಕ ವಿರಾಟ್ ಕೊಹ್ಲಿ ಅಮೆರಿಕದತ್ತ ಪ್ರಯಾಣ ಬೆಳೆಸಿದರೆ, ಅಭ್ಯಾಸ ಪಂದ್ಯಕ್ಕೆ ಗೈರಾಗಲಿದ್ದಾರೆ. ಭಾರತ ಮತ್ತು ಬಾಂಗ್ಲಾದೇಶ ನಡುವಣ ಅಭ್ಯಾಸ ಪಂದ್ಯವು ಜೂನ್ 1 ರಂದು ನಡೆಯಲಿದ್ದು, ಅದಕ್ಕೂ ಮುನ್ನ ಅವರು ಟೀಮ್ ಇಂಡಿಯಾವನ್ನು ಕೂಡಿಕೊಳ್ಳುವ ಸಾಧ್ಯತೆಯಿದೆ.
ವಿರಾಟ್ ಅಷ್ಟೇ ಅಲ್ಲದೇ ತಂಡದ ವೈಸ್‌ ಕಾಪ್ಟನ್‌ ಹಾರ್ದಿಕ್ ಪಾಂಡ್ಯ ಕೂಡ ಮೊದಲ ಬ್ಯಾಚ್ ಆಟಗಾರರೊಂದಿಗೆ ತೆರಳಿಲ್ಲ. ಹಾರ್ದಿಕ್ ಸದ್ಯ ಲಂಡನ್‌ನಲ್ಲಿದ್ದು, ಅಲ್ಲಿಂದಲೇ ನೇರವಾಗಿ ತಂಡವನ್ನು ಸೇರಿಕೊಳ್ಳುವ ನಿರೀಕ್ಷೆಯಿದೆ. ಹಾಗೆಯೇ ಜೂನ್ 9 ರಂದು ನಡೆಯಲಿರುವ ಹೈವೋಲ್ಟೇಜ್ ಪಂದ್ಯದಲ್ಲಿ ಭಾರತ ಮತ್ತು ಪಾಕಿಸ್ತಾನ್ ತಂಡಗಳು ಮುಖಾಮುಖಿಯಾಗಲಿವೆ.
ಭಾರತ ಟಿ20 ವಿಶ್ವಕಪ್ನ ಸಂಭಾವ್ಯ ತಂಡ ಇಂತಿದೆ…!
ರೋಹಿತ್ ಶರ್ಮಾ (ನಾಯಕ), ಹಾರ್ದಿಕ್ ಪಾಂಡ್ಯ (ಉಪನಾಯಕ), ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ರಿಷಭ್ ಪಂತ್, ಸಂಜು ಸ್ಯಾಮ್ಸನ್, ಶಿವಂ ದುಬೆ, ರವೀಂದ್ರ ಜಡೇಜಾ, ಅಕ್ಸರ್ ಪಟೇಲ್, ಕುಲ್ದೀಪ್ ಯಾದವ್, ಯುಜ್ವೇಂದ್ರ ಚಹಲ್, ಅರ್ಷದೀಪ್ ಸಿಂಗ್, ಮೊಹಮ್ಮದ್ ಸಿರಾಜ್, ಜಸ್ಪ್ರೀತ್ ಬುಮ್ರಾ.
ಎಕ್ಸ್‌ಟ್ರಾ ಪ್ಲೇಯರ್ಸ್‌ಗಳು: ಶುಭ್ಮನ್ ಗಿಲ್, ಅವೇಶ್ ಖಾನ್, ರಿಂಕು ಸಿಂಗ್, ಖಲೀಲ್ ಅಹ್ಮದ್.
